Arkiv-Lajme

Presidenti amerikan, Barack Obama i ka kërkuar Rusisë “të tërheqë trupat e saj” nga kufiri me Ukrainën dhe të ulë tensionet. Rusia besohet se ka përqendruar forca të shumta ushtarake afër kufirit me Ukrainën, në pjesën lindore.

Obama ka thënë për CBS News se, kjo mund të jetë “një përpjekje për të frikësuar Ukrainën, ose Rusia mund të ketë plane shtesë.”

Rusia ka aneksuar gadishullin e Krimesë nga Ukrainës, pas një referendumi për bashkimin e saj me Rusinë. Por, OKB e ka cilësuar të paligjshme një veprim të tillë.

I burgosur shqiptar Ilia Kareli, i cili vrau me thikë rojën e burgut në Malandrino u gjet i pajetë në qeli në burgun e Nigritas, Greqi.

Fillimisht, në mediet greke u raportua se vdekja e tij kishte ardhur nga shkaqe natyrale.

Por, ekspertiza ka treguar se vdekja e Karelit ka ardhur si pasojë e dhunës së ushtruar mbi të. 40-vjeçari kishte thyerje të kafazit të kraharorit dhe shenja të tjera dhune në trup.

Raporti mjeko-ligjor thotë se, dhuna ndaj shqiptarë është ushtruar pak orë para se të ndërronte jetë.

Ministri i Brendshëm, Saimir Tahiri i ka dërguar një letër Presidentit të Republikës, Bujar Nishani në cilësinë e Kryetarit të Këshillit të Lartë të Drejtësisë si dhe Ministrit të Drejtësisë, ku shpreh shqetësimin e përsëritur në lidhje me gjyqtarin e Gjykatës së rrethit gjyqësor Kavajë, Osman Aliu. 

PS-LSI, kanë nisur bisedimet për mundësinë e përjashtimit të Sali Berishës nga Parlamenti, për një periudhë kohore prej tre javësh. Propozimi për përjashtimin e Berishës është bërë nga një grup deputetësh të Partisë Socialiste, ndërsa është artikuluar dje publikisht në sallën e Kuvendit nga deputeti socialist, Taulant Balla, raporton gazeta “Sot”.

Propozimi i është bërë me dije edhe grupit parlamentar të Lëvizjes Socialiste për Integrim, por nuk ka ende një vendim përfundimtar dhe të unifikuar për këtë çështje.

Facebook ka një plan ambicioz për të lidhur 2/3 e botës që nuk ka akses në internet. Kjo gjë synohet të arrihet duke përdorur avionë pa pilotë, satelitë dhe lazera.

Një ide e tillë është bërë e ditur në platformën e rrjetit social nga themeluesi i tij. Mark Zuckerberg. Kjo e vë në garë direkte me Google, që po planifikon të ofrojë akses në internet me anë të balonave.

Që të dy gjigantët e internetit synojnë të zgjerojnë audiencën e tyre, sidomos në vendet në zhvillim.

Ish-kryeministri i Norvegjisë, Jens Stoltenberg është zgjedhur Sekretari i ri i Përgjithshëm i NATO-s duke zëvendësuar danezin, Andres Fogh Rasmussen.

Në një komunikatë të NATO-s thuhet: “Këtë pasdite, Këshilli i Atlantikut të Veriut vendosi të zgjedhë z. Jens Stoltenberg si Sekretar të Përgjithshëm të NATO-s dhe President të Këshillit të Atlantikut të Veriut, si pasues të Andres Fogh Rasmssen”.

Qytetari paguante, tarifat e shërbimit për legalizimit, penalitetet për vonesat, taksën e ndikimit të infrastrukturë dhe vlerën e parcelës. Procedurat e legalizimit do të jenë falas tani, kjo vjen pasi qytetarët i kanë paguar njëherë këto detyrime dhe nuk kanë pse të paguajnë sërish”, kështu ka deklaruar për mediat Artan Lame, kreu i ALUIZNI-t. Në daljen e tij për mediat Lame ka raportuar edhe shifrat në lekë dhe euro që paguanin qytetarët për procedurat e legalizimeve gjatë qeverisjes së Berishës.

Qytetari paguante, tarifat e shërbimit për legalizimit, penalitetet për vonesat, taksën e ndikimit të infrastrukturë dhe vlerën e parcelës. Procedurat e legalizimit do të jenë falas tani, kjo vjen pasi qytetarët i kanë paguar njëherë këto detyrime dhe nuk kanë pse të paguajnë sërish”, kështu ka deklaruar për mediat Artan Lame, kreu i ALUIZNI-t. Në daljen e tij për mediat Lame ka raportuar edhe shifrat në lekë dhe euro që paguanin qytetarët për procedurat e legalizimeve gjatë qeverisjes së Berishës.

Kryeministri, Edi Rama është zotua se “qeveria do t’i japë fund abuzimit mëse 20-vjeçar me të përndjekurit politikë”. Rama premtoi që qasja e qeverisë që ai drejton do të jetë krejt tjetër nga ajo e qeverive të pas ‘90-ës, duke i dhënë fund hipokrizisë së shtetit ndaj kësaj shtrese.

“Ajo çka e ndryshon që këtu e 20 vjet më parë, është qasja jo cinike dhe përpjekja e sinqertë për të bërë më të mirën e mundshme në këtë kontekst aspak të lehtë ekonomik e social që kemi trashëguar dhe në këtë fazë jashtëzakonisht të vështirë për të përndjekurit politikë”, tha kryeministri.

Fethullah Gülen ka qenë krahu i djathtë i Erdoganit, dhe të dy ia dolën t’u tregojnë vendin gjeneralëve. Por më pas u ndanë. Dhe Gulen-i e mbajti frymën në Amerikë. Është biznemen, por dhe një nga njerëzit më me ndikim në botën islame. Predikon një islam të moderuar, por janë të shumtë ata që mendojnë se prapa toneve të moderuara fshihet një tjetër njeri. E prandaj, e shohin dhe me dyshim.