Arkiv-Lajme

Në prag të vizitës së kryeministrit serb në Tiranë, ministri i Jashtëm Ivica Daçiç, në një intervistë për “Top Channel”, deklaron se vizita nuk ka pse të përfshihet nga provokime pasi të gjithë e dimë qëndrimin e secilës palë për Kosovën, ndaj dhe ne duhet të flasim për pikat që na bashkojnë.

Sokol Balla, drejtues emisioni televiziv dhe një opinionist i afërt me kryeministrin, shkruan në “Java” një si tip kronologjie faktesh, apo parashtresë e raportit të forcave para zgjedhjeve lokale të 21 qershorit. Meraku i Ballës, nëse shprehemi kështu, është LSI-ja, që nga sondazhet dalka 8%, por opinionisti në fjalë shton në fund se “Iliri tanimë është qetësuar”. Nga ana tjetër meriton vëmendje evidentimi që gazetari i bën investimeve të mazhorancës në bashkitë e majta.

Para një muaji a diçka më tepër, një deklaratë e kryeministirt të Shqipërisë për bashkimin Shqipëri-Kosovë, “tundi nga themelet” humorin diplomatik në Ballkan. Çfarë s’u shkruajt e çfarë nuk u parashikua. Sot, pas incidenteve të Kumanovës dhe pak ditë para vizitës së kryeministrit serb, Edi Rama, ka qenë në Prishtinë ku ka bashkëpëruruar shtatoren e Ismail Qemalit. Dhe ka ndërruar mendje, ose më saktë ka ndërruar fjalët. “Nuk ka gjest më të lartë për një kryeministër, sesa përurimi i shtatores së njeriut të historisë në mejdanët e kryeqyteteve.

Kryetari i Kuvendit të Maqedonisë, Trajko Veljanovski, ka zgjedhur Tiranën dhe konferencen e nivelit të larte të procesit bashkëpunimit të Europës Juglindore, për ta konsideruar ngjarjen e Kumanovës si goditje ndaj  terrorizmit. “Problematikat më të rëndësishme të rajonit janë paqja dhe stabiliteti. Fatkeqësisht ne në Maqedoni përballemi me këtë fakt në një mënyrë tragjike, por arritëm të parandalojmë përshkallëzimin e tensioneve.

Në Komitetin e Përhershëm të Asamblesë Parlamentare të KiE, zv.presidentja e Asamblesë Parlamentare të KiE, Valentina Leskaj, theksoi sot: “Zhvillimet dramatike në Kumanovë kanë dhunuar normalitetin dhe marrëdhëniet etnike, të cilat mbeten delikate sa kohë që Marrëveshja e Ohrit mbetet pjesërisht e zbatuar”. Duke folur për ngjarjen në Kumanovë, Leskaj tha se “shpreh keqardhjen e thellë për jetët e humbura në Kumanovë. Situata në Maqedoni është serioze dhe mund të përbëjë risk, nëse nuk adresohet siç e meriton të vlerësohet”.

Partia Drejtësi, Integrim dhe Unitet reagoi sot lidhur me deklaratën e zëdhënësit të Ministrisë së Jashtme greke, Kostandinos Kutras, për zgjedhjen e kryetarit të PDIU, Shpëtim Idrizi, si zëvendëskryetar i Kuvendit të Shqipërisë. Në një njoftim për shtyp të PDIU-së, theksohet se “votimi i kryetarit tonë, deputet prej disa legjislaturave në Kuvendin e Shqipërisë, në përputhje me Kushtetutën e Shqipërisë, Rregulloren e Kuvendit dhe një marrëveshje politike qeverisëse, është një akt i brendshëm  sovran i institucioneve tona më të larta”.

Lagjia e vjetër, lagjia e re

Agjencia e lajmeve AFP raporton se senati amerikan ka refuzuar sot një projektreformë që kufizonte kapacitetet e Agjencisë Kombëtare të Sigurisë (NSA) për të grumbulluar të dhëna nga amerikanët, projekt i mbështetur nga presidenti Barack Obama. Dhoma e Përfaqësuesve kishte votuar më 13 maj reformën, si kundërpërgjigje ndaj skandalit të punonjësit të NSA-së, Edgar Snowden. Demokratët dhe republikanët e kishin votuar projektreformën që kufizonte kompetencat e NSA-së, që grumbullon të dhënat e miliona amerikanëve, të cilët nuk kanë asnjë lidhje me terrorizmin.

Artur Zheji, drejtori i gazetës “Mapo”, në një shkrim editorial, analizon dorëheqjen e nënkryetarit të Kuvendit, njëkohësisht kryetar i PBDNJ, Vangjel Dule. Ky i fundit u largua për shkak se mazhoranca vendosi të zgjedhë si nënkryetar të tretë të Kuvendit, kreun e partisë çame, PDIU. Sipas Zhejit, janë tre arsye përse Dule nuk duhej të jepte dorëheqje. “Të largohesh sepse nënkryetar Kuvendi u zgjodh Shpëtim Idrizi, është një fyerje e pamerituar për shqiptarët që e hipën në atë poltron, nga më të lartit e institucioneve shqiptare.

Në një shkrim të botuar tek “Monitor” thuhet se koha kur gazetat arrinin tirazhe ditore 80-90 mijë kopje (RD në vitet ’90-’91 dhe “Koha Jonë” në ’97) janë tashmë një e kaluar tepër e largët. Sot, tirazhi i të gjitha gazetave të përditshme (rreth 20), sipas të dhënave nga shtypshkronjat me vështirësi arrin 40 mijë kopje, ndërsa shitjet janë shumë më të ulëta.