Lajme

Agjencia Ruse e Hapësirës raporton se një anije kozmike e epokës sovjetike është rrëzuar në Gjermani. “Kosmos 482”, pjesë e programit “Venera” në orbitën e Tokës në orën 2:24 – ora e Lindjes - të mëngjesit të datës 10 maj, ose 9:24 të paradites me orën e Moskës. Hyrja në orbitë u gjurmua nga një radar në Gjeramni dhe rënia ndodhi 560 km në perëndim të ishullit Andaman i Mesëm, në Oqeanin Indian.

Presidenti i Federatës Ruse, Vladimir Putin ka deklaruar se në situatën e sotshme roli i Organizatës së Kombeve të Bashkuara po rritet. Me rastin e 80-vjetorit të Ditës së Fitores, Putin madje ka nënvizuar se një organizatë si OKB-ja do të duhet të fuqizohet më tej.

Kryeministri në detyrë i Kosovës, Albin Kurti ka uruar sot në rrjetin “X” Friedrich Merz për zgjedhjen në detyrën e kancelarit të Gjermanisë. Kurti shpreh vullnetin për të thelluar bashkëpunimin, një mesazh të cilin Merz, në mënyrë domethënëse e ka replikuar me një falenderim po në rrjetin social në fjalë.

Është një komunikim që duhet vlerësuar pasi në mënyrë qoftë edhe protokollare ilustron se kancelari i ri i Gjermanisë e ka rajonin në fokus të punës së vet të ardhshme.

U harxhuan 100 mijë për një koncert për sezonin turistik në Himarë, por aktiviteti përfundoi në një fyerje për këngëtarin grek Christos Mastoras. Kjo sepse sipas mediave greke dhe vetë këngëtarit, askush nuk i kishte thënë paraprakisht se në aktivitet do të ishte prezent edhe kryeministri Edi Rama që e ka shfrytëzuar skenën për qëllime të tjera nga ato zyrtare.

Në një diskutim në MCN Tv, Edi Rama, kryeministër i Shqipërisë, ka deklaruar ndër të tjera, se kontrata e Partisë Demokratike për lobim në SHBA, ka probleme me ligjin shqiptar dhe do të kthehet në bumerang.

Duke folur për këtë çështje, Rama ndër të tjera tha, se kontrata nuk e përjashton Sali Berishën nga përgjegjësia, pasi për analogji siç tha ai, nuk ka mundësi që PS-ja p.sh të firmosë një kontratë lobimi dhe të mos dijë gjë ai si kryetar apo Blendi Klosi si Sekretar i Përgjithshëm.

Çfarë mendimi ke për Elena Kocaqin?

Anëtarësimi i Shqipërisë në vitin 2030 është në fund të fundit një objektiv realist në varësi vetëm të reformave. Pretendimi i kryeministrit Edi Rama se Shqipëria hyn në Europë vetëm me një mandat të katërt të Partisë Socialiste, është sfumuar kështu me një deklaratë të Përfaqësueses së Lartë për Politikën e Jashtme të BE-së, Kaja Kallas, që ka qenë sot në Tiranë.

Sekretari i Thesarit në Britaninë e Madhe, Darren Jones është shprehur në një intervistë për BBC-në se globalizmi siç e kemi njohur deri më tani ka marrë fund.

Njerëzit duhet të përgatiten që gjërat të bëhen më të vështira në ekonominë globale. Globalizmi ka mbërritur në fund në kuadër të tarifave të reja. Është në interesin më të mirë të ekonomisë britanike dhe punëtorëve që të bëjnë atë që kërkohet.

ka thënë Jones.

Në përgjimet që faqja cna.al publikon sot për komunikimet mes kryebashkiakut të burgosur Erion Veliaj me të vëllain, konsumohet edhe një marrëdhënie me media dhe botues që duhet hetuar penalisht.

Faqja online “Cna.al” ka publikuar në këto momente ato që i deklaron se janë pasazhe nga përgjimet që SPAK ka realizuar në përgjim të shtetasit Erion Veliaj gjatë qëndrimit të këtij të fundit në paraburgim. Siç edhe ishte përfolur në përgjime – duke supozuar se ato janë të vërteta – evidentohet një përpjekje e Veliajt që të orientojë disa media në funksion të interesave të ti. P.sh një fragment: