Arkiv-Lajme

Gazeta “Lajmi” shkruan se Ministrja e Punëve të Brendshme, Gordana Jankullovska shpëtoi nga llogaridhënia për ofendimet që dëgjohet duke ua bërë shqiptarëve në bisedat telefonike të publikuara nga opozita. Asnjë deputet shqiptarë, nuk pati guxim sot t’i kërkojë sqarim për fjalët “shiptari”, “indijanci” apo “fis i egër”. Deputetët e BDI-së dhe PDSH aspak nuk prishën komoditetin e Jankullovskës, ndërsa polemizuan mes tyre për biletat e autobusëve.

“Mapo” i referohet “AFP”-së, kur shkruan se 20 përqind e shqiptarëve bashkëpunuan me Sigurimin. Lajmi për miratimin e ligjit për hapjen e dosjeve është raportuar edhe nga shumë media perëndimore. Më poshtë një raport i agjencisë franceze, AFP.

Presidenti turk, Rexhep Taip Erdogan pritet të vizitojë Tiranën më 13 maj. Lajmin e bëjnë të ditur burime nga presidenca e Shqipërisë. Ai do shoqërohet në këtë vizitë nga disa biznesmenë. Erdogan do takohet me presidentin Bujar Nishani dhe kryeministrin Edi Rama. Ai do jetë i pranishëm edhe në një tryezë biznesi.

“Gazeta Shqiptare” shkruan sot se pas rishqyrtimit të urdhrave që janë nënshkruar nga ish­kreu i Policisë së Shtetit, gjysmat e tyre janë ndryshuar. Komisioni i Apelit në Drejtorinë e Përgjithshme të Policisë së Shtetit prej disa ditësh kishte nisur shqyrtimin e të gjitha ankimimeve që kishin mbërritur për të gjitha urdhrat që kishte firmosur ish­kryepolici Didi para se të jepte dorëheqjen. Sipas burimeve nga komisioni që drejtohet nga Ylli Imeri, në total janë shqyrtuar 49 ankesa, 25 prej të cilave janë ndryshuar.

Me normat e interesit të depozitave në lekë, që janë në minimumet historike, individët kanë vijuar për të 18-n muaj radhazi largimin e kursimeve të tyre nga bankat. “Monitor” shkruan se sipas statistikave të bankës së Shqipërisë, në mars, depozitat e individëve në lekë ranë me 2.2 miliardë lekë, apo 0.6%. Në raport me një vit mëparë, tkurrja është 6%.

“Të jetosh me padrejtësinë”, ishte kjo tema e emisionit “Të Paekspozuarit” të Ylli Rakipit në “Ora News”. Të ftuar në studio ishin Nasip Naço Ministër i Drejtësisë, Spartak Ngjela avokat, Elvis Çefa ish-nën.kryetari i KLD dhe Maksim Haxhia kryetar i Dhomës Kombëtare të Avokatëve. Në pjesën e parë të emisionit u transmetua një material filmik, për ngjarjet dhe akuzat kryesore të politikanëve dhe zyrtarëve të lartë, rolin e politikës dhe prokurorisë.

Radio “Evropa e Lirë” thotë se presidenti i Serbisë, Tomislav Nikolliç, ka paralajmëruar se në fillim të muajit maj do ta paraqes platformën e re shtetërore për Kosovën. Ai ka theksuar se askush nga Bashkimi Evropian nuk ia ka parashtruar si kusht Serbisë njohjen e Kosovës, por kur bëhet fjalë për anëtarësimin e Serbisë në Bashkimin Evropian, siç ka thënë ai “gjithçka thyhet në Kosovë”.

Para disa ditësh, menjëherë pasi kryeministri deklaroi se kandidat i mazhorancës për Bashkinë e Tiranës, do të ishte Erjon Veliaj, ministri i Brendshëm, Saimir Tahiri, njëkohësisht kryetar i PS-së për Tiranën, doli dhe bëri një deklaratë mbështetëse. Tahiri ka qenë përfolur si një kandidaturë e mundshme, por sot Ben Blushi, deklaroi se strukturat e PS-së në Tiranë kishin propozuar dy emra: Blendi Klosin dhe Pandeli Majkon. Të dy nuk u pranuan dhe vullneti i bazës, për aq sa ka vlerë të flitet tashmë për një të tillë, nuk u morën parasysh.

I ftuar në emisionin “Opinion” Ben Blushi zbardhi dilemën nëse kritikat e tij për qeverinë parashihnin ndarjen e tij nga Partia Socialiste dhe krijimin e një partie të re. I pyetur nëse pas rebelemit të tij qëndron ish-kryeministri Nano, Blushi e mohoi kategorikisht duke sqaruar se me Fatos Nanon kishte ndërprerë marrëdhëniet që në vitin 2007 kur ky i fundit kishte orientuar 6 deputetë socialist për zgjedhjen e Bamir Topit president.  “Nuk kam pse krijoj një parti politike të re.

Morealizimi I planit në tatime e dogana për 3-mujorin e parë të vitit 2015 shoqërohet me një tjetër dhimbje koke për qeverinë. Borxhi publik sipas Bankës së Shqipërisë ka kapur nivelin rekord të 1 trilionë lekëve ose 72% të GDP-së. Ish-anëtari i Këshillit Mbikqyrës së Bankës së Shqipërisë, Ardian Civici thotë për Tv Klan se risku për ekonominë mbetet i lartë. “Është niveli më I lartë I borxhit që ne kemi pasur në këtë histori 25 vjeçare.