Arkiv-Lajme

Ministri i Bujqësisë, Edmond Panariti ka prezantuar sot një nismë e cila synon të promovojë prodhimin shqiptar. “Prodho shqip, trego shqip, konsumo shqip”, kështu quhet nisma e cila synon të rrisë prodhimin e produkteve shqiptare duke ia ofruar ato konsumatorëve. Kjo nismë do të nisë fillimisht nga tregu te sheshi “Avni Rustemi” në Tiranë.

Drejtori i Zbulimit Kombëtar amerikan James Clapper, ka përfshirë edhe Ballkanin si një nga zonat më problematike. Duke folur në një seancë dëgjimore në Komisionin e Posaçëm për sigurinë ka nënvizuar se ndasitë etnike në Bosnje dhe Maqedoni mund të aktualizohen si tensione të vërteta. Sipas tij, qeveria maqedonase vazhdon të stimulojë programe me sens nacionalist të cilat priren nga etnocentrizmi i maqedonasve në kurriz të etnive të tjera.

Studentët e Universitetit të Prishtinës kanë gjetur një mënyrë origjinale për të protestuar kundër rektorit Ibrahim Gashi. Siç njofton “Koha Ditore” ata i “kanë mbyllur sytë” monumentit të Hasan Prishtinës, si shenjë e një proteste simbolike ndaj korrupsionit të pretendtuar të rektorit. Protesta ka provokuar debate në Kosovës, sikundër edhe çështja e korrupsionit në universitet.

Më shumë në: http://koha.net/?page=1,13,173475

s.z 

Seanca plenare e ditës së sotme është shoqëruar me debate të forta mes ish-kryeministrit Sali Berisha dhe ministrit të Brendshëm, Saimir Tahiri. Në një qëndrim që tanimë është konstant, Berisha ka sulmuar qeverinë për paaftësi dhe kapitullim përballë krimit. Madje sipas tij, kjo qeveri është sinonim i tritolit. “Ky është një mekanizëm i zi që është Shqipëria në kaos, Shqipëria nën thundrën e krimit, Shqipëria e vrasjeve me maska dhe trafiqe. Çfarë bëtë me ardhjen tuaj në pushtet?

E përditshmja francez “L’Equipe”, raporton se, shtatë herë kampioni i botës në Formula 1, Michael Schumacher “po zgjohet” gradualisht” një muaj pasi mjekët e futën në koma të stimuluar pas aksidentit fatal në Alpet e Francës. Zëdhënësi i Schumacher nuk ka mohuar lajmin, por ka kërkuar që publiku të mos u kushtojë rëndësi “spekulimeve”.

Lëvizja e komedianit Beppe Grillo në Itali ka depozituar në Parlament një kërkesë për vënie në statusin e të akuzuarit Presidentin e Republikës Giorgio Napolitano. Bëhet fjalë për një lloj mocioni nëse mund të shprehemi kështu, qëllimi i të cilit është të lëvizë nga detyra kreun e shtetit  është abuzimi me pushtetin, se ka toleruar dhe dekretuar ligje që janë me përmbajtje antikushtetuese. Kërkesa është dorëzuar në të dyja dhomat e Parlamentit. Duket se qëllimi i saj është debati, pasi siç bëhet e ditur raportet aktuale nuk e lejojnë miratimin e saj.

Një gjykatë franceze ka kundërshtuar apelin e familjes rome nga Kosovaës, e cila u dëbua nga Franca vitin e kaluar. Gjykata e qytetit të Besancon-it la në fuqi vendimin e dhënë në tetor që ktheu në Kosovë 15-vjeçaren Leonarda Dibrani, prindërit e saj si dhe gjashtë vëllezërit dhe matrat e saj. “E ardhja ime mori fund sot”, shprehet Leonarda, që jeton në Mitrovicë. Dëbimi i saj nga Franca shkaktoi protesta të studentëve pasi ajo u mor me forcë nga autobusi i shkollës.

“Mapo” shkruan sot se arrestimi i grupit kriminal që qëndron pas disa atentateve me eksploziv mund të çojë në hapjen e dosjes për vrasjen e gjyqtarit Skerdilajd Konomi. “Burime nga grupi hetimor i thanë mbrëmë MAPO-s se po kryejnë hetime të reja për vrasjen e Skerdilajd Konomit, pas arrestimit të njeriut-bombë dhe të një grupi njerëzish nga Vlora, që akuzohen për akte terroriste. Edhe pse për këtë ngjarje të bujshme hetuesit nuk kanë siguruar asnjë dëshmi, mekanizmi i përdorur i shtyn drejt dyshimit se pas kësaj ngjarjeje mund të fshihet Julian Sinanaj”, shkruan “Mapo”.