Shitja e pasaportës "alla shqiptarçe”, Malta tërhiqet pas presionit të BE-së

 Malta është tërhequr përballë presionit të BE-së lidhur me skemën e pajisjes me pasaportë të qytetarëve të huaj. Rregullat e reja kërkojnë që aplikanti të ketë jetuar të paktën një vit në Maltë. Gjithashtu aplikuesi duhet të ketë investuar të paktën 1.15 milionë euro në këtë vend në  për të marrë pasaportën malteze. Deputetë të parlamentit evropianë patën shprehur shqetësim lidhur me skemën e mëparshme, ku gjithkush mund të merrte lehtësisht një pasaportë të Maltës. Rregullat e mëparshme nuk kërkonin rezidencë nga njerëz të pasur që donin të bëheshin qytetarë të BE-së. Vendi i vogël i BE-së është pjesë e zonës Schengen, ku qytetarët mund të udhëtojnë pa u ushtruar kontrollin e pasaportës. BE, gjithashtu e ka bërë më të lehtë zhvendosjen e qytetarëve nga një shtet në tjetrin. Edhe Shqipëria (qeveria e kaluar) kishte në plan të miratonte një skemë të tillë. Ish-kryeministri Berisha pati propozuar që t’u jepet pasaportë shqiptare atyre që investojnë 100 mijë euro në vendin tonë.

S.S