Bloomberg: Putin po konsideron përdorimin e armëve bërthamore taktike në Ukrainë

Sulmet e Rusisë në Ukrainë mund të shkojnë drejt përshkallëzimit, çka nuk përjashton edhe armët bërthamore taktike. Sipas Bloomberg, presidenti Putin po e vlerëson një opsion të tillë krahas mundësisë së nisjes së sulmeve më të fuqishme me raketa balistike kundër Kievit.

Në kushtet kur negociatat kanë dështuar dhe palët janë kthyer në pikën fillestare, burimet thonë se Putini nuk do ta përfundojë luftën nën presionin ekonomik të sanksioneve dhe sulmeve ukrainase ndaj rafinerive ruse të naftës dhe rrjeteve logjistike.

Sipas Bloomberg, ato raportojnë se Moska i sheh gjithnjë e më shumë sulmet ukrainase si sulme nga vendet e NATO-s, pasi anëtarët e Aleancës po furnizojnë Kievin me armë dhe inteligjencë. Sipas tyre, faza aktuale në të cilën është konflikti nuk është kulmi i përshkallëzimit ushtarak.

Përpjekjet e SHBA-së për t'i dhënë fund luftës nuk kanë çuar gjëkundi dhe procesi i negociatave është bllokuar për momentin pasi Presidenti Donald Trump është përqendruar në konfliktin me Iranin. Nga ana tjetër, Putin është tërhequr nga ajo që besonte se ishte një marrëveshje e arritur midis tij dhe homologut amerikan gjatë samitit të tyre në Alaska gushtin e kaluar.