bota

Egjipti dhe drejtuesit e Manastirit të Shën Katerinës kanë arritur mirëkuptim për zgjidhjen e mosmarrëveshjes mbi statusin ligjor dhe pronat e këtij kompleksi të lashtë fetar. Marrëveshja, e cila ende pret nënshkrimin zyrtar, synon të mbrojë karakterin fetar të manastirit dhe të garantojë vazhdimësinë e jetës monastike.

Holanda dëshiron që ndarja e të dhënave të policisë së BE-së me vendet jo-anëtare të besuara, përfshirë vendet kandidate, të ndërpritet në rast të një 'ndryshimi rrënjësor të regjimit'.

Ndërsa BE-ja po diskuton nëse do ta zgjerojë shkëmbimin e automatizuar të të dhënave të policisë dhe menaxhimit kufitar në vendet e treta të besuara, Holanda po kërkon një mekanizëm që bllokon këtë shkëmbim nëse ndryshojnë rrethanat politike.

Inteligjenca artificiale ka mbi 10% shanse që të zhdukë njerëzimin brenda dekadës së ardhshme. Evan Hubinger, studiues në Anthropic, që punon për përafrimin e sistemeve të përparuara të IA-së me interesat njerëzore, e bëri këtë vlerësim pasi kolegu i tij, Jacob Coxon, dha dorëheqjen nga frika se kompanitë kryesore të teknologjisë po shkojnë drejt sistemeve që mund të mos jenë në gjendje t'i mbajnë nën kontroll.

Benjamin Netanyahu e dinte se Hamasi do ta sulmonte Izraelin një javë para se sulmi të ndodhte. Sipas Haaretz, kryeministri izraelit u vu në dijeni për atë që do të ndodhte më 7 tetor 2023 nga presidenti i Emirateve të Bashkuara Arabe, por nuk veproi sipas paralajmërimit.

Komisioneri i Lartë për të Drejtat e Njeriut në OKB, Volker Turk, paralajmëron se inteligjenca artificiale mund të bëhet mjaftueshëm e fuqishme për të kërcënuar njerëzimin.

E djathta ekstreme e Gjermanisë arriti suksesin më të madh zgjedhor që nga Lufta e Dytë Botërore në votimin rajonal të së dielës në Saksoni-Anhalt. Alternativa për Gjermaninë (AfD) arriti të siguronte 48% të votave, ose 39 nga 97 vendet në parlamentin rajonal.

Zgjedhjet e mbajtura të dielën regjistruan pjesëmarrjen më të madhe që bashkimi i Gjermanive në vitin 1990. Të drejtën e votës e ushtruan 78% e qytetarëve.

Partia e kancelarit Friedrich Merz, CDU, u rendit e dyta me 17.2%, ose 15 vende.

Pothuajse gjysma e fermerëve të botës helmohen nga pesticidet, pa e ditur. Sipas një studimi të publikuar në revistën shkencore “Frontiers in Public Health”, çdo vit ka 433 milionë raste helmimi akut nga pesticidet, 11 000 nga të cilat janë fatale. Pjesa më e madhe e këtyre rasteve regjistrohen në jugun e globit, në mënyrë të veçantë të Azinë Jugore e Juglindore dhe Afrikën Lindore.  

Sulmet e Rusisë në Ukrainë mund të shkojnë drejt përshkallëzimit, çka nuk përjashton edhe armët bërthamore taktike. Sipas Bloomberg, presidenti Putin po e vlerëson një opsion të tillë krahas mundësisë së nisjes së sulmeve më të fuqishme me raketa balistike kundër Kievit.

Inxhinierët kinezë kanë paralajmëruar për rreziqet e përdorimit të modeleve të inteligjencës artificiale në analizën e inteligjencës ushtarake dhe projektimin e avionëve luftarakë.

Një statujë e Virgjëreshës Mari është më e larta në Europë që nga 15 gushti, ditë kur u inaugurua në Konotopie, një fshat me 120 banorë në Poloninë qendrore.

Struktura është më shumë se 55 metra e lartë - afërsisht sa lartësia e një ndërtese 17-katëshe. Vetë statuja është 40.6 metra e lartë dhe qëndron mbi një piedestal 15 metra të lartë në formën e një kurore që është menduar të shërbejë si një platformë nga ku vizitorët do ta sodisin.