bota

Kreu i Autoritetit Palestinez, Mahmud Abbas, do të vizitojë Turqinë. Lajmi u bë i ditur nga Partia për Drejtësi dhe Zhvillim e presidentit Erdogan.

Zëdhënësi i AKP-së, Ömer Çelik, tha gjatë një konference për shtyp se Abbas nuk ka përcaktuar datë për shkak të problemeve shëndetësore.

Deklarata erdhi pasi presidenti turk, Rexhep Tajip, u shpreh se priste ndjesën e Abass pasi ai refuzoi një ftesë për të vizituar Turqinë.

Ministri i Brendshëm i Francës nuk e përjashton përfshirjen e një fuqie të huaj në një sulm që sabotoi stacionet e sinjalit dhe kabllot në rrjetin hekurudhor të shpejtësisë së lartë të vendit, duke shkaktuar kaos udhëtimesh në ditën e hapjes së Lojërave Olimpike.

Sulmet e së premtes dëmtuan infrastrukturën përgjatë linjave që lidhin Parisin me qytete të tilla si Lille në veri, Bordeaux në perëndim dhe Strasburg në lindje. Një tjetër sulm në linjën Paris-Marsejë dështoi.

Kievi është gati për bisedime paqeje me Moskën për t'i dhënë fund konfliktit, i ka thënë ministri i Jashtëm ukrainas Dmitry Kuleba homologut të tij kinez, Wang Yi.

Shefi i diplomacisë ukrainase ka bërë një vizitë zyrtare në Kinë – e para që nga fillimi i konfliktit të Ukrainës në shkurt 2022.

Kuleba është shprehur gjatë takimit me homologun kinez se "Ukraina është e gatshme të angazhohet në dialog dhe negociata me Rusinë".

Gjykata Ndërkombëtare e Drejtësisë (GJND) ka konfirmuar ligjërisht se Izraeli po zbaton politikat e okupimit dhe shtypjes kundër palestinezëve.

Lajmin e bëri të ditur Ministria e Jashtme turke.

"Izraeli duhet t’i japë fund pranisë së tij në territoret palestineze sa më shpejt të jetë e mundur dhe të kompensojë dëmin që ka shkaktuar", citon ministria opinionin këshillues të GJND-së.

Partia e Emmanuel Macron-it mund të ketë një rol më të madh sesa pritej në qeverinë e re. Kjo falë një marrëveshjeje të minutës së fundit të arritur me deputetët francezë me prirje të djathtë.

Dy grupet politike krijuan një aleancë ad-hoc për të rizgjedhur Yawl Braun-Pivet si kreun e Asamblesë Kombëtare Franceze, zyrtari i katërt më i lartë në Francë.

Në bashkimin e forcave, centristët dhe qendra e djathtë kapën momentin politik, duke i dhënë njëkohësisht një goditje të papritur rivalëve të tyre më në të majtë.

Vendimi për të dislokuar raketat amerikane me rreze të gjatë veprimi në Gjermani nga viti 2026 është një përgjigje ndaj dislokimit të sistemeve raketore taktike Iskander në Rajonin e Kaliningradit të Rusisë.

Ministri gjerman i Mbrojtjes, Boris Pistorius, në një intervistë për Tageblatt, me qendër në Luksemburg, thotë se “ajo që Shtetet e Bashkuara do të bëjnë në Gjermani nga viti 2026 nuk është gjë tjetër veçse një përgjigje ndaj kërcënimit të Rusisë të përfaqësuar nga dislokimi i raketave Iskander në Kaliningrad".

Ish-presidenti amerikan, Barack Obama, bëhet demokrati i radhës që kërkon tërheqjen Joe Biden nga gara. Sipas Washington Post, Obama beson se 81-vjeçari duhet "të konsiderojë seriozisht qëndrueshmërinë e kandidaturës së tij".

WP i referohet disa burimeve pranë ish-presidentit Obama, i cili nuk reagoi pas botimit të lajmit.

Raportimi në mediat sociale i shkeljeve të rënda të sigurisë ushqimore e ka detyruar qeverinë kineze të hapë një hetim. Përdoruesit e rrjeteve sociale raportuan se cisternat e karburantit janë përdorur për të transportuar vaj gatimi dhe shurup pasi kanë bartur kimikate toksike. Vaji i destinuar për konsum është futur në cisterna pa u bërë pastrimi i duhur ndërmjet ngarkesave.

Lajmi u publikua fillimisht në Pekin News, një media shtetërore, të cilës i referohet BBC.

Një grup prej 63 anëtarësh të Parlamentit Evropian kërkojnë që Hungarisë t'i hiqet e drejta e votës në Këshillin e BE-së, ku ajo aktualisht mban presidencën.

Roberta Metsola u rikonfirmua si presidente e Parlamentit Europian me 562 vota nga 699 votues. Shumica e nevojshme ishte 312 vota. Metsola mori 90.2% të votave, përqindja më e lartë në historinë e Parlamentit Evropian.

Rivalja e vetme ishte anëtarja spanjolle e PE, e ardhur nga radhët e Podemos, Irene Montero, 61 vota.