Arkiv-Lajme

Është zhvilluar Tubimi i 5-të Kulturor-Shkencor Shqiptaro-Gjerman, një aktivitet i cili organizohet nga dega e Albanologjisë në Universitetin Ludëig Maximilian në Munih. Në tubim kanë referuar emra të njohur të albanologjisë dhe gjuhës shqipe, gjithësej 32 studiues nga 27 qendra të ndryshme universitare. Për studiuesin Bardhyl Demiraj tubimi ka për synim “të shestojë në debatin shkencor albanologjik perspektiva të reja në studimin e faktorëve themelorë që formësojnë së bashku matriksin e kulturës etnike të popullit shqiptar”.

“Balkanweb” përcjell sot një intervistë të kryeministrit të Shqipërisë Edi Rama gjatë vizitës së tij të fundit në Francë. Nëse vihen re pyetjet, ato mund të përmblidhen në një shqetësim: Përse duhet pranuar Shqipëria në një kohë që Europa ka kaq shumë probleme. Edi Rama ka dhënë këtë përgjigje: “Po ju them ju francezëve diçka shumë të thjeshtë: Nuk duhet të shqetësohemi, sepse ne do të marrim statusin e vendit kandidat dhe nuk do të jemi menjëherë anëtarë nesër. Statusi i kandidatit është hapi i parë, pastaj janë negociatat që marrin rreth dhjetë vjet, ndaj nuk duhet të shqetësohemi.

Negociatat për qeverinë e re të Kosovës ngjajnë të vështira. Kështu zëra nga partia e Hashim Thaçit, Partia Demokratike e Kosovës flasin për pësëritje të zgjedhjeve  nëse ajo si subjekti me rezultatin më të lartë zgjedhor nuk arrin të krijojë qeverinë e re. “Pika 1 dhe 4 e nenit 95 mandatin për formimin e qeverisë ia japin partisë apo koalicionit parazgjedhor i cili i ka fituar zgjedhjet.

Trafiku i hashashit  ka nxitur edhe një lloj mikrotregu për kafshët e transportit. “Panorama” citon sot mediat greke që të kenë shkruajtur për mënyrën sesi bëhet trafiku i drigës nga Saranda deri në Igumenicë. Tashmë përdoret transporti njerëzor, duke shmangur edhe kafshët.  Rekrutohen punëtorë në vendin e quajtur axhensia dhe më tej ata çohen në fshatrat përreth për të marrë sasitë e drogës që i marrin në krahë dhe i çojnë drejt Greqisë.

Papunësia në Shqipëri po njeh rritje për 18 muajt e fundit, të dhënat e fundit nga INSTAT se edhe për këtë tremujor  papunësia ka njohur rritje, duke kapur shifrën e 18,3%. Anketa e Forcave të Punës së INSTAT bën me dije se në Shqipëri, individët e moshës 15-64 që punojnë janë 901.865, kurse i atyre që nuk punojnë është 201.270. Vështruar me tremjroin e fundit të vitit 2013, papunësia u rrit me 3.2% duke dëshmuar situatën e vështirë sociale në vend. Shifrat krijojnë një tjetër panoramë në raport edhe me suskesin e trumbetuar së fundmi për punësimin përmes Zyrave të Punës.

Dëshira europiane e shqiptare duket se ka rënë. Ndonëse vendi ynë ndodhet shumë pranë marrjes së statusit të vendit kandidat me BE-në, kjo gjë entuziazmon përherë e më pak shqiptarë sesa më parë, një sondazh i kryer në 12 qarqe të vendit në muajin prill zbulon se ka një rënie të ndjeshme të atyre që e mbëshetëisn integrimin. Nga 85% që ishte dikur sot shifra shkon në 77%, sipas sonadazhit që raportohet nga gazeta “Shqip”.

Mbrëmë, në fakt vetëm tri-katër orë më parë, Akademia ‘Kult’ zhvilloi veprimtarinë e vet të përvitshme, dhe me këtë rast ndau çmime e celebroi 10 vjetorin e lindjes. Show, që u zhvillua në TOB, u drejtua (lezetshëm, duhet thënë) nga Vikena Kamenica e Artan Imami, por ngjyrat ia dhanë artistët që ishin caktuar të ndanin çmimet dhe vetë artistët e vlerësuar. Në muzikë u vlerësua Dren Abazi, në teatër Arben Derhemi, në letërsi Besnik Mustafaj, në libra studimorë Dhurata Shehri, në përkthim Donika Omari, ne pikturë Adrian Paci, etj.

Nuk bën asnjë hap prapa kancelaria gjermane, Angela Merkel, e cila ka konfirmuar mbështetjen e saj për Jean Claude Juncker si presidenti i ardhshëm i Komisionit Europian. Komentet kancelarja i ka bërë në samitin e shkurtër të liderëve të qendrës së djathtë në Suedi, ku është pritur nga kryeministri Fredrik Reinfeldt.

Duke folur për A1 Report, kryetari i FRD-së Bamir Topi tha se qeveria aktuale duhet të vijojë në këtë rrugë, ndërsa theksoi se opozita e sotme ka nevojë për riformatim dhe vizion të ri.  “Jemi një parti e qendrës së djathtë, e vendosur në opozitë, por s’jemi pjesë e kësaj opozitë institucionale që ka braktisur bërjen e detyrës reale të saj. Po drejtohet drejt ujërave të turbullta kjo opozitë. Ne kemi qenë në një pozicion shumë objektiv, duke bërë vërejtjet tona”, tha ish presidenti Topi.

Pasi është konsumuar për disa orë entuziazmi opozitar për marrëveshjen qeverisëse dhe bllokimin e PDK-së, partia e Hashim Thaçit e cila ka fituar 30 përqind të votave të përgjithshme ka dalë me një njoftim për mediat, ku thotë se Kushtetuta e Republikës së Kosovës përcakton shumë qartë se mandati për formimin e Qeverisë i takon fituesit të zgjedhjeve. Është e qartë se Thaçi ka ende shpresa për të formatuar një shumicë parlamentare me ndihmën e disa partive të vogla, megjithëse kjo do të sillte një qeverisje të kufizuar dhe me ngërçe.

Komunikata e plotë e PDK-së