Rama me një mesazh francezëve për statusin: “Statusi nuk na bën anëtarë. Situata në Francë, e çuditshme. Të flasësh për Europën nuk pritet mirë”

“Balkanweb” përcjell sot një intervistë të kryeministrit të Shqipërisë Edi Rama gjatë vizitës së tij të fundit në Francë. Nëse vihen re pyetjet, ato mund të përmblidhen në një shqetësim: Përse duhet pranuar Shqipëria në një kohë që Europa ka kaq shumë probleme. Edi Rama ka dhënë këtë përgjigje: “Po ju them ju francezëve diçka shumë të thjeshtë: Nuk duhet të shqetësohemi, sepse ne do të marrim statusin e vendit kandidat dhe nuk do të jemi menjëherë anëtarë nesër. Statusi i kandidatit është hapi i parë, pastaj janë negociatat që marrin rreth dhjetë vjet, ndaj nuk duhet të shqetësohemi. Por nga ana tjetër dua të përfitoj të them që është diçka e çuditshme që Franca, një nga shtyllat themeluese të Europës ndodhet në këtë situatë, mjaft të veçantë, ku të flasësh për Europën nuk është edhe aq e rregullt politikisht dhe është vërtet diçka që të bën të ndihesh keq”. Qëndrimet e kryeministrit shqiptar janë një pjesë e asaj që mund të quhet fushatë për statusin dhe që synon të fshijë edhe paragjykimet e fundit ndaj Shqipërisë.

http://www.balkanweb.com/kryesore/1/france-rama-ne-le-grand-soir-3-e-ard...