Arkiv-Lajme

Pas mësuesve dhe mjekëve, tashmë është radha e policëve të burgjeve, që t’i nënshtrohen testimit, mbi bazën e të cilit do të vlerësohen. “Gazeta Shqiptare” bën me dije se një urdhri i datës 8 janar 2015 që mban firmën e Ministrit të Drejtësisë, Nasip Naço, urdhëron Drejtorinë e Përgjithshm e të marrë masa me qëllim testimin e të gjithë policëve të burgjeve. Ndërkohë Drejtori i Përgjithshë m i Burgjeve Artur Zoto, tha për “Gazeta Shqiptare” se institucioni që drejton ka ngritur një komision të posaçëm, i cili do të hartojë programin mbi bazën e të cilit do të kryhet testimi.

Europa është më e ekspozuar ndaj akteve terroriste sesa Shtetet e Bashkuara të Amerikës. Kjo pasi muslimanët në  SHBA  ndihen amerikanë, ndërsa në Europë kjo nuk ndodh. Kjo deklaratë e presidentit Obama u bë gjatë konferencës për shtyp me kryeministrin britanik David Cameron.

“Avantazhi ynë është se muslimanët në Shtetet e  Bashkuara nuk kanë asnjë problem të ndihen qytetarë amerikanë. Por kjo nuk ndodh në disa vende të Europës. Dhe ky është rreziku më i madh me të cilin Europa duhet të përballet”

Që prej themelimit të republikës, për herë të parë në Turqi do të ndërtohet një kishë. Bëhet fjalë për kishën e bashkësisë aramiko-asiriane në Stamboll. Por me kaq nuk do të përmirësohet gjendja e të krishterëve në Turqi. “Deutsche Welle” njofton se vitin e ri qeveria turke e nisi me një lajm shpresëdhënës. Një kishë e re lejohet të ndërtohet, e para që prej themelimit të republikës në vitin 1923. Sipas “Deutsche Welle” këtë vendim e komunikoi kryeministri Ahmet Davutoglu gjatë një takimi me përfaqësues të bashkësive jo myslimane në fillim të janarit.

Ermal Hoxha ka qenë një nga 3 personat që kordinonte veprimtarinë e bandës së narkotrafikut që u godit pas zbulimit të laboratorit të kokainës në Xibrakë të Elbasanit. Gazeta “Panorama” shkruan se nipi i ish-diktatorit kishte kontakte të shpeshta me Ilir Hysenin, që dyshohet se është dhe një prej organizatorëve kryesorë të këtij trafiku.

E ftuar në “Revistën Televizive të Mbrëmjes”, Anila Hoxha, gazetare e “Top Channel” solli detaje mbi hetimet dhe zbulimin e laboratorit të kokainës në Elbasan, i konsideruar si më i madhi në Ballkan. Hoxha u shpreh se në 6 akuzat e ngritura nga Prokuroria e Krimeve të Rënda mungon akuza e “drejtimit të grupit të strukturuar kriminal”, pasi sipas burimeve kemi një tjetër person të shpallur në kërkim nga Prokuroria e Krimeve të Rënda. Anila Hoxha foli edhe për versionet se nga vinte dhe si shpërndahej droga që përpunohej në Xibrakë të Elbasanit.

65 zyrtarë “fluturojnë” në Bruksel për dialogun e stabilizim-asociimit. Takimi vjetor në kuadër të dialogut teknik për stabilizim-asociim midis Kosovës dhe BE-së këtë vit do të mbahet në Bruksel, shkruan sot “Koha Ditore”. Delegacioni i Kosovës, i cili do të udhëtojë për herë të parë si pjesë e këtij niveli, do të përbëhet prej 65 zyrtarëve, që vijnë nga 23 institucione publike. Ky takim është planifikuar të jetë treditor, prej 26 deri më 28 janar.

Atentati i Parisit ka lënë pas idenë e një problemi të madh mes Islamit, disa interpretimeve të tij, me Europën që pretendon se përfaqëson emancipimin dhe zhvillimin. Në të vërtetë, mendimi se akte si në redaksinë e “Charlie Hebdo”, burojnë nga brenda dhe manifestojnë probleme të vetë shoqërisë europiane, ka kohë që është hedhur dhe ky moment është diskutuar edhe në studion e emisionit “Kapital” në “Vizion Plus”.

Goditja e bandës së narkotrafikut që përpunonte kokainën në një laborator në periferi të Elbasanit u shoqërua me komente dhe deklarata politike mbi rolin e autoriteteve shqiptare në këtë operacion që në fakt zë fill nga hetimet e bëra nga pala gjermane dhe jo nga ajo shqiptare.

Komenti i gazetës: Nuk mund të justifikojë askush plotësisht një vendim të tillë. Sepse një humorist “dikur karagjoz në oborr mbretëror” për ato sa nuk ka ofruar në këtë vend i jepet shpejt shtetësia shqiptare, ndërsa Kryepeshkopit Anastas mgjth se ka kërkuar këtu e vite me rradhë shtetësinë shqiptare dhe ka ofruar me siguri shumë më tepër se ky aktor italian dhe se shumë të tjerë pseudopatriotë shqiptarë nuk i jepet shtetësia.

Pavarësisht vendimit të Gjykatës Kushtetuese, e cila hedh poshtë pjesërisht vendimin e Këshilli Kombëtar të Territorit të gushtit 2014, për pezullimin e lejeve zhvillimore në njësitë e qeverisjes vendore, Adelina Greca, drejtore e përgjithshme e Agjencisë Kombëtare të Planifikimit të Territorit, në një intervistë për “Top Channel” thotë se Qeveria nuk do të ndalet në dhënien fund të abuzimit në territorin e vendit.