Arkiv-Lajme

Në raportin e Departamentit amerikan të Thesarit, të datës 4 qershor 2012, thuhet se, ish-kryeministri kosovar, Ramush Haradinaj, është njeri që mban lidhje të afërta me të dyshuarin për kontrabandë ndërkombëtare të drogës, Naser Kelmendin, sipas Gazetës Express. Haradinaj vetë ka deklaruar se nuk ka dëgjuar kurrë për të (emrin e bujshëm të Kelmendit e njohin dhe adoleshentët, por jo një ish-Kryeministër). Njeriu më i besueshëm i tij (Naser Kelmendit, në foto) është Muhamet Ali Gashi, i dyshuar si ‘shef i mafies shqiptare në Bosnje e Hercegovinë’

Rama ishte shprehur lidhur me vendimin për t’mos kandiduar Arben Malajn. Më së fundi u shpreh dhe në mbledhjen e kryesisë, ku Malaj mori vesh se nuk do ish kandidat. “Malaj nuk ka qenë kompatibël me skuadrën; ka pasur një axhendë personale të ndryshme nga ajo e PS-së”, ky ka qenë në thelb motivimi i Ramës, që ky e përsëriti sërish mbrëmë në studion e Ilva Tares. Ndërsa nuk kish shpjeguar moskandidimin e Agron Dukës që është konsideruar si një njeri me ndikim elektoral në zonën e Shijakut.

Ministri për Inovacionin Genc Pollo, në një intervistë tek MAPO e sotme ka komentuar edhe futjen e 3 “socialistëve” në listat e PD, dhe heqjen e disa figurave “senior” të kësaj partie, si Fatos Beja, Leonard Demi e Jemin Gjana. Pollo shpreh respekt maksimal për të mënjanuarit e PD, dhe beson se do vazhdojnë të bashkëpunojnë me PD-në (se si, nuk dihet). Përsa i përket treshes “socialiste” Dogjani, K. Islami dhe Kadeli, Pollo shprehet:

I ftuar në emisionin Tonight të Ilva Tares në Ora News, Rama ka mohuar atë për të cilën e akuzojnë shumë opinionistë e gazetarë, faktin se i ka bërë listat sipas qejfit të vet. “Në asnjë mënyrë nuk ka qenë një vendim personal, edhe pse unë kam fjalën e fundit. Por para fjalës së fundit është dashur të bëhen shumë konsultime,” tha Rama. Ai nuk mohon megjithatë, se  “besnikëria” ka qenë një kriter, por jo

Ndaj tij, por ndaj partisë.

Çfarë tha Rama për Koço Kokëdhimën:

Gazeta DITA ka publikuar sot një sondazh të zhvilluar në Kryeqytet si dhe projeksionet e saj për mandatet e Qarkut Tiranë, bazuar në këtë sondazh. Redaksia e DITA-s ka organizuar një ekip anketuesish vullnetarë, duke i caktuar secilit nga një minibashki të kryeqytetit. Numri i pyetësorëve të plotësuar në çdo minibashki, sipas DITA-s, ishte në përpjestim me numrin e votave në zgjedhjet e fundit bashkiake. Totali i pyetësorëve të plotësuar në periudhën 1-7 maj ishte 1200.

Le të fantazojmë për një sekondë sikur 27 shtetet që formojnë aktualisht Bashkimin Europian (28 me hyrjen e Kroacisë korrikun e ardhshëm), të “bashkoheshin” me të vërtetë. Do lindte një gjigant ekonomik, politik dhe ushtarak. Por le ta lëmë mënjanë vëzhgimin partizan të një europiani dhe të analizojmë thjesht numrat.

Dy ditë pas daljes së lajmit se misioni i vëzhguesve të ODIHR-it do të drejtohet nga një eksperte amerikane dhe nga një politikan slloven, televizioni Top-channel ka hedhur dyshime mbi këtë të dytin. Është fjala për deputetin slloven me origjinë italiane, Roberto Batelli, i cili është – kështu thotë një lajm i Top-it – mik i kreut të Asamblesë Parlamentare të OSBE-së, Wolfgang Grossruck, i cili është mik i deklaruar i Sali Berishës.

“Arsyeja pse Kosovën nuk e kanë njohur shumica e shteteve islamike është hezitimi i tyre për shkak të përkatësisë suaj religjioze” – këtë e ka thënë para deputetëve të Kosovës akademiku e diplomati turk Ekmeleddin Ihsanoglu, Sekretari i Organizatës së Bashkimit Islamik, që është një nga më të mëdhatë në kuadrin e OKB-së.

Myslim Pasha ka shkruar në profilin e tij në Facebook mesazhin e meposhtem: "Me AK më ka lidhur ideali kombëtar dhe jo ndonjë premisë tjetër individuale. Kam ardhur në AK natyrshëm si një prurje vetiake e shëmbëllimit tim më të qënësishëm, i përbashkuar që në fillesat e Lëvizjes së parë jopolitike. Jam gjithashtu edhe firmëtar i krijimit të parë të Partisë në dokumentin themelues. Ndjehem i lidhur me thelbin dhe rrënjën kombëtariste.

Siti balcanicaucaso.org ka intervistuar drejtuesin e institutit jo fitimprurës ESI (European Stability Initiative – Nisma për Stabilitetin Europian), Gerald Knaus. Organizata e tij ka nxjerrë një raport mbi Shqipërinë para disa ditësh, dhe mesazhet kryesore të këtij raporti u morën dhe u publikuan nga mediat e Tiranës (në raport kritikohej qartë vendimi i maxhorancës për të ndërruar anëtarin e KQZ-së, Muho).