Pollo justifikon praninë e një eksponenti që “shtypte” Lëvizjen e Dhjetorit në listat e PD: duhet parë evoluimi e konteksti aktual!

Ministri për Inovacionin Genc Pollo, në një intervistë tek MAPO e sotme ka komentuar edhe futjen e 3 “socialistëve” në listat e PD, dhe heqjen e disa figurave “senior” të kësaj partie, si Fatos Beja, Leonard Demi e Jemin Gjana. Pollo shpreh respekt maksimal për të mënjanuarit e PD, dhe beson se do vazhdojnë të bashkëpunojnë me PD-në (se si, nuk dihet). Përsa i përket treshes “socialiste” Dogjani, K. Islami dhe Kadeli, Pollo shprehet:

“Pashë një nga aktorët e Lëvizjes Studentore të Dhjetorit që kujtonte me kritikë postin e rolin e njërit syresh [Kastriot Islamit] dy dekada më parë. Historikisht mund të jetë kështu, siç janë historike shumë konflikte të mbyllura në paqe e ndonjëherë edhe të shndërruara në aleanca. Po të gjyskosh sipas një momenti të caktuar, pa konsideruar evoluimin e mëtejshëm e kontekstin aktual, të çon në gabime. Nuk di nëse të njëjtët persona do ishin kaq kritikë, nëse do të ishte toleruar plani i Ramës për ta lënë vendin pa qeveri në javët drejt zgjedhjeve..”

I pyetur për mundësinë e rrjedhjes së votave drejt FRD Pollo i bie shkurt duke thënë Topi nuk merr vota djathtas (!) se "të djathtët nuk votojnë atë që ia dha votën Kryetarit të PS" kurse të majtët "janë të lirë të zgjedhin mes kopjes dhe origjinalit."  

k.c.