Arkiv-Lajme

Në Pakistan është votuar sot për zgjedhjet e përgjithshme dhe ato lokale. Këto zgjedhje janë të parat, ku pritet të realizohet ndoshta një tranzicion demokratik i qeverisë, pas rreth 66 vjetësh.

Pakistani vuan nga probleme të rënda si korrupsioni, terrorizmi i shoqëruar me ekstremizëm fetar, mbipopullim i pamenaxhueshëm, varfëria dhe papunësia, inflacioni dhe dhuna etnike.

Ilir Yzeiri i është kundërvënë fushatës kundër Koço Kokëdhimës, dhe ka bërë ndonjë saktësim apo përgënjeshtrim të pretendimeve mbi numrin 3 të listës së kandidatëve socialistë të Vlorës. Këtë gjë e ka bërë mbi bazën e përvojës dhe njohjes personale me Koçon, dhe të gjitha i ka shkruar në një artikull të publikuar në Shqipin e sotëm.

Listat për kandidatë kanë treguar më së pari “shijen” dhe tendencën e liderëve qëbëjnë listat. Listat janë plot me kandidatë biznesmenë, me socialistëve që kandidojnë për të djathtën e deri te kandidatët për të cilët nuk dihet asgjë. Surprizat e listave të kandidatëve për deputetë në zgjedhjet e 23 qershorit në Shqipëri, nuk kanë të sosur. Avokat Ngjela ka surprizuar me numrin 2 të listës së vet në Tiranë, që është një mis, 26-vjeçarja Arnida Çapi. Mediat online kanë botuar fotot e missit, ku, nuk dallohet edhe aq shumë pasioni për politikën të shoqëruar me tituj “bombë”.

Shqiptarja.com ka hetuar sot në listat e kandidatëve të partive duke zbuluar se janë plot me bashkëshortë, kunetër, prindër e fëmijë, që kandidojnë për parti të ndryshme. Asgjë mund të mos jetë kundër-ligjore, por ka një problem... sa shanse ka që të bëjnë luftë politike të pakompromis në Parlament?

Sipas Shqiptarja.com, familjarët e kampeve të ndryshme, janë:

Lefter Koka (LSI) – Agron duka (PR) (qarku Durrës) - kunetër

Fatmir Mediu (PD/PR) (qarku Korçë) – Ilirian Celibashi (PS) (qarku Fier) – kunetër

Vazhdon jehona e vizitës së Ramës në Vlorë. Panorama citon sot një moment nga biseda e kreut të PS me gazetarët në këtë qytet. I pyetur rreth dëmit që do t’i shkaktojë kandidimi në Vlorë si i pavarur i Arben Malajt, Rama tha se shpreson të mos ketë dëmtime. Madje, shpreson edhe që ai të kthehet në PS! Pavarësisht “gabimit”.

Në një intervistë te Panorama, Nano shpjegon pse u rikthye tani, edhe  pse nuk donte. Meqë “…vazhdojnë t’i mashtrojnë votuesit socialistë me klishenë “Nano i shërben Berishës”, këtë herë kisha vendosur të mos kthehesha që t’u hiqja këtë alibi.

I pyetur për lënien jashtë zonës së sigurtë të listave të Agron Dukës (në foto), Rama deklaroi para pak ditësh në Tonight se “nuk është mirë të jenë 2 kunetër në koalicion”, frazë që nënkuptonte lidhjen familjare të Dukës me Lefter Kokën e LSI-së. Por, sot, Koka ka deklaruar për Gazetën Shqiptare se kjo është arsye aspak bindëse. “Mendoj që zoti Rama e ka pasur më herët dhe jo tani këtë vendim në kokë, për të mos e kandiduar zotin Duka”  thotë ai.

Në Vlorë është çelur sot sezoni turistik me një sërë aktivitetesh të ndryshme, dhe në këto aktivitete ka marrë pjesë dhe njeiru që kryeson listën e kandidatëve të qarkut të Vlorës, i pari i socialistëve, Edi Rama. Për këtë arsye, ngjarja mori ngjyrime të plota elektorale, dhe kjo bëri që të bjerë shumë në sy prania e kreut të OSBE-së në vendin tonë, Eugen Wolfarth. Ky i fundit nuk para është njohur për qëndrime dashamirëse ndaj opozitës, të paktën kështu e ka vizituar media jo qeveritare, e në këtë kuptim vizita e tij në Vlorë në ditën e sotme është një ngjarje dhe për të.