Arkiv-Lajme

Punonjësit e tatimeve janë “tmerri” i sipërmarrësve. Një marrëdhënie e vështirë që është kthyer në një gjobëvënie për biznesin, sa herë që plani i të ardhurave nuk realizohet nga dega e tatimeve  dhe sa herë që jemi në prag fushatash zgjedhore. Megjithë hapat e bërë në një periudhë relativisht të gjatë kohore për dixhitalizimin, deklarim online të dhënash, derdhje të detyrimeve tatimore online etj. marrëdhënia fisk-biznes ka qenë gjithmonë problematike.

Dje është mbledhur Bordi i Monitorimit të Medias, që do të funksionojë gjatë muajit të fushatës elektorale. Në të bëjnë pjesë njerëz të zgjedhur nga organizma e shoqata të ndryshme, por ligji është bërë në mënyrë të tillë që balanca të jetë gjithnjë 4-3 në favor të qeverisë.

“Një udhëtim në dhomat e fshehta të pushtetit brenda PD-së” – e quan e përditshmja DITA një raportim të gjatë botuar në numrin e sotëm, ku flitet mbi grupimet brenda PD-së dhe disa struktura paralele me institucionet e shtetit nën kontrollin e Berishës. Një prej këtyre është SHIP – shkruan gazetari Habjon Hasani dhe shpjegon:

Sot në mbrëmje, PD-ja hap fushatën elektorale në Fier. Dhe atje demokratët kanë marrë masa që të kenë një pjesëmarrje massive, dhe një nga masat është mobilizimi elektoral i mësuesve të shkollave. Lexoni këtë email të shkruar nga drejtoria arsimore e Fierit që u është dërguar dje të gjithë drejtorave të shkollave. Është një email që na kthen 25 vjet prapa:

Telat Xhaferri është shqiptar i Maqedonisë, ka qenë një nga komandantët e Ushtrisë Çlirimtare Kombëtare, dhe është emëruar ministër i Mbrojtjes së fqinjit tonë lindor nën siglën partiake të BDI-së. Në Shkup pati shumë debate lidhur me këtë dekretim presidencial në postin e ministrit, dhe aryeja lidhet me të shkuarën e tij si “rebel” në radhët e UÇK-së. Por debatet janë shuar disi, dhe Telat Xhaferri ka mbetur ministër i mbrojtjes.

Pas akuzave se në tubimin e mbrëmshëm njerëzit e administratës janë thirrur nën presionet për largimin nga puna (një praktikë e njohur kjo sa herë që në pushtet është Berisha), sot vjen një akuzë tjetër mbi përdorimin e strukturave shtetërore për qëllime elektorale. Vjen nga Peqini. E bën një gazetar, por këtë herë në funksionin e një kandidati për deputet. Është fjala për Alfred Pezën, i cili ka vënë re përdorimin e ushtrisë e të mjeteve të saj për të shtruar rrugë në komunën Përparim (shihni foton që shoqëron këtë shënim).

Ambasadori amerikan, Alexander Arvizu tha sot diçka, që gazetarët, të gjithë gazetarët, e interpretuan në të njëjtën mënyrë: Në ditët e javët e ardhshme pritet një qëndrim i fortë zyrtar i SHBA-ve lidhur me KQZ-në. Është interpretim i drejtë? Mbetet disi i paqartë mesazhi. Saktësisht ai tha që “në ditët e javët e ardhshme do të themi diçka, që nuk do t’ju lërë të zhgënjyer”. Është ndonjë lajm i mirë lidhur me KQZ-në?, ish pyetja e radhës. “Stay tuned”, u përgjigj ai, që në shqipe rrethanore do të thotë: mbani veshët hapur këto ditë!

Ministri i Brendshëm i Shqipërisë, Flamur Noka, në regjistrin e shtetasve të gjendjes civile rezulton i regjistruar tre herë. Adresa e parë ku ai rezulton i regjistruar është fshati i tij i lindjes, Novosej, në komunën Topojan të Kukësit. Adresa e dytë është në Tiranë, në rrugën “Andon Zako Çajupi” , ndërsa dhe adresa e tretë është sërish në Tiranë në “Rrugën e Durrësit” - raporton e perditshmja DITA, e cila eshte marer ne vijimesi keto kohë me problemet në listat zgjedhore të qershorit 2013.

400 mijë dollarë të tjerë të miratuara me urgjencë (madje të marra nga fondi reserve) i janë nisur lobuesve të Berishës në SHBA 5 ditë pasi u shkarkua Ilirjan Muho i KQZ-së në Kuvend.

Psikologia Jorida Rustemi kërkon për herë të dytë ndihmën e Policisë së Tiranës – shkruan sot në kopertinën e saj e përditshmja Panorama, sipas të cilës “personi që e përndiqte prej më shumë se një viti, edhe pse u arrestua një herë, vazhdon sërish ta shqetësoje në telefon pasi është lënë i lirë nga gjykata, duke i shkaktuar shqetësime dhe gjendje ankthi”.