Arkiv-Lajme

Grupi parlamentar socialist është mbledhur për herë të parë pas 23 qershorit. Është thirrur nga Rama, i cili e ka shfrytëzuar edhe këtë rast për të përcjellë mesazhe jo konfliktuale (ka rënë në sy përpjekja e Ramës pas 23 qershorit për t’u dukur i përunjur; por kjo do të vihet re, e do të ketë rëndësi, pasi të marrë detyrën).

Alastair Campbell, ish këshilltari i ish-kryeministrit britanik Tony Blair, që ka ndihmuar socialistët e Ramës gjatë fushatës elektorale, ka dhënë një intervistë për Javën e Minxhozit. Gjërat që thotë për Ramën, Fugën, Veliajn, janë të thëna dhe më parë, e prandaj më pak interesante. Pjesa interesante është kur ai flet dhe për Berishën. Ja çfarë thotë saktësisht: “Ai kishte më shumë energji se sa mendoja unë se do kishte. Ishte i vendosur, çka është e rëndësishme për një fushatë. Por mendoj se ai filloi të duket shumë i lodhur nga fundi. E teproi me punën e rrugëve. Atij i shteruan idetë….

Organizata Transparency International, me seli në Berlin, publikon çdo vit indeksin e korrupsionit mbi bazën e anketimeve që ajo bën në të gjitha vendet e botës. Sot ajo ka publikuar rezultatet e radhës. Vlerësimi bëhet me nota, ose pikë, nga 1 deri në 5, dhe nota 1 është për vendet me korrupsion shumë të vogël, ndërsa nota 5 është për vendet me korrupsion shumë të lartë.

Pas zgjedhjeve të 23 qershorit kanë folur shumë vetë, por Gjergj Metën e kanë ngacmuar në mënyrë të veçantë tre emra, Prof. Kristo Frashëri, Prof. Jorgo Bulo e Prof. Rami Memushaj, të cilët, sipas tij, me intervistat e shkrimet që kanë bërë “të krijojnë një gjendje pështjellimi duke të sjellë në mend faktin se komunizmi ideologjik i ka ende rrënjët e thella; madje, nga këto ndërhyrje kupton se komunizmi ka punuar seriozisht”, dhe të cilët mendojnë se “të djathtët u dënuan me votë e humbën pushtetin, sepse donin të rishikonin historinë dhe gjuhën”.

Gazeta Panorama raporton sot se LSI-ja ka bërë ankimim në KQZ për shpërndarjen e mandateve në qarkun Kukës. Sipas përfaqësuesit të saj ligjor Ilirian Muho, pamjet filmike zyrtare të numërimit të votave të 15 kutive të rrethit Tropojë tregojnë se koalicioni i djathtë ka patur më pak vota se sa janë shënuar në proces-verbalet e numërimit. LSI ishte vetëm 15 vota larg marrjes së mandatit në qarkun Kukës dhe në qoftë se ankimimi i saj përanohet, ky qark barazohet 2-2 në mandate në nivel koalicionesh.

E përditshmja italiane il Corriere della Sera financohet nga grupi editorial RCS, dhe është e kuotuar në bursë. Në këtë grup editorial bëjnë pjesë kompani të fuqishme të Italisë e të huaja, dhe fuqia e tyre brenda grupit varet nga sasia e aksioneve që zotërojnë.

Para tri ditësh, me një shënim të facebook (në orën 3.00 të mëngjesit), deputeti i Aleancës për Ardhmërinë e Kosovës, Burim Ramadani i bënte jehonë termit fyes “palaço”, që Reeker-i kish përdorur në adresë të krerëve të Vetëvendosjes. Dhe shkruante: “Palaço” është fjala më e butë e mundshme për koalicionin e parimeve të njëjta VV-LISBA [LISBA, ose Lëvizja ISlamike ‘BAshkohu’]. “Shpellarë” do të ishte fjala adekuate.”

Një scholar turk, Galip Dalay ka shkruar një artikull për sitin huffpost.com, në të cilin fillimisht, edhe nga pozitat e qytetarit të një vendi që ka përjetuar katër grushte shteti, përshkruan atë që ndodhi në Egjypt: “Tanket dolën në rrugë, televizionet shtetërore u uzurpuan, mediave jo fort miqësore iu mbyll goja, presidenca u rrethua dhe Presidenti i parë i zgjedhur me votë në historinë e Egjyptit u vu në arrest shtëpie, kushtetuta u quajt e pavlefshme.

Edi Rama i ka dhënë udhë një praktike të panjohur deri më sot. Nga pozitat e kryeministrit që pret të marrë detyrën u ka dërguar një thirrje të gjithë atyre që mendojnë se mund të japin një kontribut për vendin brenda kornizave të programit e të vizionit të koalicionit të udhëhequr prej tij.