Arkiv-Lajme

Fatos Lubonja në një shkrim te Panorama sot shtron “një kërkesë modeste”. Në fillim Lubonja përshkruan situatën e “qetë” paszgjedhore: “tani PD-ja po kërkon një lider të ri, që mundësisht të vërtetojë pazëvendësueshmërinë si lider të Berishës deri në fitoren e ardhshme. PS-ja po feston fitoren me premtimet e një kryetari që thotë se politikën e bën pasi ka frikë se vdekja e gjen pa hyrë në histori dhe pa frikën se si do ta gjykojë historia, pasi atë e përcakton vetë.

I famshmi ‘Il Cavaliere’ ka qenë gjithë kohën, prej 22 vitesh, nën presionin e hetimeve dhe gjyqeve të pafundme lidhur me çështje nga më të ndryshmet, dhe në të gjitha rastet ai vetë ka ngritur zërin për një përndjekje që atij i bëhet nga sistemi gjyqësor i mbushur me “komunistë”. Nga ana tjetër, janë miliona italianët që e votojnë në vijimësi, dhe Berlusconi e të vetët e kanë parë këtë mbështetje elektorale edhe si parzmore, edhe si presion mbi klasën politike italiane e mbi stabilitetin e Italisë. Ja, si këtë herë, teksa janë duke thënë: “Doni ta dënoni Berlusconin?

Mark Marku, në një shkrim te Panorama kundërshton fort nismën e Edi Ramës për të mbledhur CV-të, edhe pse kjo nismë u tha më vonë se ishte veç për të ngritur një data-base. Sipas Markut, aplikimet për punë nuk kanë kriteret e anëtarësimit në Parti. Ç’jnaë këto aplikime kur nuk ka vnede vakante, pyet Marku?

Andrea Stefani, në një shkrim të sotëm te Shqip shprehet i lumtur për përmbysjen e autokratit Berisha, për t’u brengosur menjëherë më pas nga opsioni i rikthimit të Berishës në pushtet.  

Kryeministri në ikje Sali Berisha  ka firmosur  brenda 1 viti tre fonde  për riparimin e Vilës 4, ku jeton Bujar Nishani, raporton Tema. Vendimi i fundit ka qenë në fillim të muajit dhe kishte si objekt rregullimin e vilës  qeveritare në të cilën jeton presidenti Bujar Nishani. Kësaj herë  në vendimin që mban firmën e Berishës  i është akorduar  fondi prej 27 570 126 lekësh për mobilimin e plotë të vilës nr.4. Ndërsa dy fondet e miratura më parë kanë përkatësisht shumën 48.

Në shtypin e Prishtinës po artikulohet mbi “enverizmin” e Vetëvendosjes. Kjo, bazuar mbi metodologjinë e partisë (dolën dhe rastet e armiqve të partisë http://www.gazetaexpress.com/?cid=1,13,116114) por dhe mbi ideologjinë e saj që dikush e përafron me ato komuniste.

“Plasin sherret” në PD është shkrimi i sotëm te Shqiptarja.com ku përshkruhet situata në “kampet” e Bashës dhe Olldashit. Sipas gazetës një pjesë e mirë e deputetëve më të vjetër, janë duke punuar për kandidaturën e tij, ndërsa më të rinjtë për Lulzim Bashën. Të gjitha stafet e shtabet e ministrave, kanë dalë në terren për një kandidat apo tjetrin.

Akuzat janë se një pjesë e mirë e studentëve dhe stafit të Universitetit Europian të Tiranës (Henri Çili) kanë dalë në mbështetje të kandidaturës së Lulzim Bashës për postin e kryetarit të PD.

Këngëtari kosovar i rap-it, Memli Krasniqi, në të njëjtën kohë deputet i Partisë së Thaçit, ka shkruar në profilin e tij në twitter diçka për Vetëvendosjen.  Dhe për Alma Lamën. “Alma Lamës iu paskan dashur 3 vite me e kuptu atë që secili njeri racional e kupton për 3 minuta: faktin që VV është parti fundamentaliste”, thotë ai, dhe me një gur “ka vrarë” dy zogj, edhe VV-në, edhe Almën, që pak ditë më parë bëri divorcin me VV-në.

Kancelarja gjermane Angela Merkel foli sot (e mërkurë) për herë të parë në lidhje me skandalin e përgjimit të NSA, duke i thënë një javore të madh se puna e agjencive të fshehta të informacionit është me rëndësi jetike për sigurinë e qytetarëve, raporton Der Spiegel. Ajo gjithashtu kundërshtoi ashpër krahasimet e programit të mbikqyrjes SHBA me metodat e spiunazhit gjermanolindor. Ndërsa debati mbi spiunazhin e Agjencisë Kombëtare të Sigurimit u nxeh javët e fundit, duke vënë në pozitë Angela Merkelin, ajo qendroi e heshtur.

Në fund të një shkrimi të Filip Çakulit, tregohet një anektodë:

“Një çift pleqsh, që do të festonin 50-vjetorin e martesës së tyre. Shkuan në të njëjtin hotel ku kishin shkuar për herë të parë, në të njëjtën dhomë.

-Është me të vërtetë shumë prekëse, thotë plaka e ekzaltuar, kjo që po përjetoj tani. Më duket vetja si në atë kohë, kur ishim të rinj. Ndjej një afsh përbrenda, aq sa gjoksi me digjet nga dashuria për ty…

-Lëri moj këto budallallëqe, ia kthen plaku, dhe hiqi cicat që të kanë rënë te pjata e nxehtë e supës…”