Arkiv-Lajme

Çfarë ka ndodhur me votën “e bardhë”? kësaj pyetjeje merr përsipër t’I përgjigjet Vladimir Karaj sot te MAPO. Në një shikim automatik të shifrave të votave të pavlefshme në tri zgjedhjet e fundit të publikuara nga KQZ, rezulton se numri i votave të pavlefshme ka rënë ndjeshëm dhe thuajse është përgjysmuar nga 42 mijë në 2009, 44 mijë në 2011 në rreth 24 mijë në 2013. Karaj ka folur me disa nga promotorët e votës kryq:

Ndërtesa në foto u bë një shqetësim në blogosferë, shi për faktin që ishte ekzemplari më i spikatur i ndërtimeve abuzimeve dhe arrogancës së pandëshkueshmërisë. Jo për madhësinë e dëmit ekologjik (ka ndërtime të tjera, shumë më agresive e të pakthyeshme), por më shumë dhe për faktin që po ndërtohej në Qafën e Llogarasë, në një ballkon natyral ku kushdo që shkonte në bregdet ndalonte për të bërë foto a për të pushuar. Duket se Rama po nis ta “mbajë fjalën” për eleminimin e ndërtimeve pa leje pa filluar akoma punë zyrtarisht.

Duhen nja 15 minuta me makinë për të bërë rrugën nga sheshi Tahrir në qendër të Kairos deri në sheshin ‘Raba'a al-Adaweya’. Në sheshin e parë, sheshin e njohur të revolucionit, mblidhen çdo ditë mijra vetë në mbështetje të regjimit “laik e liberal” ushtarak, që rrëzoi Presidentin e zgjedhur me votë, islamikun Morsi. Në sheshin tjetër mblidhen njerëzit e Vëllazërisë Myslimane, disa mijra dhe ata, duke mbajtur në duar fotografitë e Morsi-t.  Janë dy sheshe që nuk komunikojnë, dhe që e urrejnë, njëri-tjetrin.

Harta elektorale në ngjyrë rozë merr një “njollë” blu në qarkun e Lezhës. E ka vendosur sot KQZ-ja mbi bazën e ankesave të PD-së për manipulimin e disa tabelave rezultatesh. Katër anëtarët e KQZ-së e kanë marrë në shqyrtim si rast, dhe kanë arritur lehtësisht në përfundimin, se tabelat kanë qenë vërtet të manipuluara. PS-ja dhe LSI-ja kanë thënë se do të bëjnë një ankimim të tyrin për këtë vendim, por nuk ka gjasa që të ndryshojë rezultati i shpallur sot nga KQZ-ja, sipas të cilit katër deputetë i takojnë koalicionit të djathtë dhe tre atij të majtë.

Pikëpyetjet e kritikat që janë ngritur lidhur me apelin e bërë shqiptarëve për të kontribuar në projektin e Rilindjes e për të aplikuar online me CV-të e tyre, e kanë bërë Ramën të tentojë ta saktësojë idenë e vet: “Ne nuk po mbledhim CV për të ndarë vende pune, po për ta bërë reale e transparente marrëdhënien mes çdo individi të gatshëm për të kontribuar në sektorin publik dhe institucioneve në kërkim të njerëzve të duhur. Sapo kemi hedhur me këtë nismë edhe farën e krijimit të një baze të dhënash për burimet njerëzore të këtij vendi.

Një nga zotimet e bujshme të Ramës pas datës 23 qershor ishte ai për pastrimin e bregdetit nga veriu në jug nga ndërtimet e paligjshme. Dhe qysh në momentin që u dëgjua ky zotim, shumë gazeta folën menjëherë dhe për shembjen e dy pallateve të ndërtuar në Vlorë, mu buzë detit, në kundërshtim  me ligjet e vendit, dhe në shpërfillje të mendimit të bashkisë sw atij qyteti, që kudo njihen si “pallatet e Lulzim Bashës”.

Presidenca e përkohshme e Egjiptit mbështetur nga ushtria u zhvendos për të zbatuar një tranzicion të shpejtë dje, me emërimin e ekonomistit Hazem el-Beblawi si kryeministër dhe liderit të njohur ndërkombëtarisht të opozitës, Mohamed ElBaradei, si zëvendës-president.

MAPO raporton sot për dorëheqjen e Avokatit të Bashkisë, që vlerën për t’u bërë lajm e merr te fakti se kjo dorëheqje u bë për të respektuar kodin etik të votimeve në PD, sipas kërkesës së Kryeministrit.

Vlen për t’u nënvizuar besimi i avokatit Ervin Salianji tek PD ku kjo garë është “manifest i demokracisë së brendshme” dhe ku “çdo anëtar partie është pjesë, ka aksionet e tij në këtë orë të transformimit”

Prononcimi i dorëheqjes:

Shkrimtari shqiptar nga Maqedonia Kalosh Çeliku, ka botuar një artikull-fejton me titullin “2 breshkat e Kryeministrit”.  Shkrimi, i përshkuar fund e krye nga ironia bazohet mbi idenë se politikanët shqiptarë “pasi i humbin postet partiake, themelojnë parti politike për t’u kthyer përsëri në pushtet deri në vdekje.

Në një shkrim te Shqiptarja.com të titulluar  “Partia Demokratike nukështë kazino Z. Olldashi!” Azgan Haklaj merr publikisht anën e Lulëzim Bashës, dhe siç mund të shihet ën titull përdor të njëjtat teza kundër Olldashit si ato të artikuluara nga LSI. Ndërsa nuk ia njeh Olldashit 23 vitet si militues i PD, Haklaj në vlerësimet për Bashën shkruan: