TI: Shqipëria, vendi më i korruptuar në Ballkan

Organizata Transparency International, me seli në Berlin, publikon çdo vit indeksin e korrupsionit mbi bazën e anketimeve që ajo bën në të gjitha vendet e botës. Sot ajo ka publikuar rezultatet e radhës. Vlerësimi bëhet me nota, ose pikë, nga 1 deri në 5, dhe nota 1 është për vendet me korrupsion shumë të vogël, ndërsa nota 5 është për vendet me korrupsion shumë të lartë.

Vlerësimi bëhet për sektorë të veçantë, dhe Shqipëria, siç mund të pritej, vërtitet afër vlerësimit me notën 5 në shumicën e sektorëve. Drejtësia dhe shëndetësia shihen nga shqiptarët si sektorët më të korruptuar, dhe vlerësimi i TI-së është me notën 4,3. Vlerësime negative janë dhënë dhe për sistemin arsimor, partitë politike, policinë dhe shërbimin civil.

Re.Pu.