Kastriot Islami reagon pas publikimit të CV-së së tij marrë nga faqja web e PD-së

Në një numër gazetash e sitesh u publikua këto ditë CV-ja e Kastriot Islamit, e marrë nga faqja web e PD-së, ku përmendeshin postet e mbuluara nga ai gjatë 23 viteve të fundit, por nuk flitej për faktin që ai ka qenë gjatë gjithë kohës eksponent i rëndësishëm i Partisë Socialiste. K. Islami ka bërë një reagim disi nervoz me këtë rast. “Budallenjtë, të marrët, sharlatanët, keqdashësit i ftoj të vazhdojnë të nxjerrin krye, sepse unë me lazër në dorë do të vazhdoj t’i ndriçoj e t’i stigmatizoj, aq më tepër që ata për shkak të nivelit mediokër ngacmohen me pak fotone, madje ka edhe nga ata që vetëdalin e vetëzbulohen në dritë të diellit”, shkruan ai në facebook, duke shtënë në punë edhe një terminologji teknike (lazer, fotone).

Më poshtë, ai jep një provë të ndikimit të tij elektoral pas momentit që është hedhur me PD-në: “

“Aleanca e djathtë APMI ka marrë [në njësinë 5] 13002 vota në 23 qershor 2013 nga 12694 vota që kishte marrë në vitin 2009…. PS-ja në terma të përqindjes është zvogëluar me -0.02 përqind [në njëisnë 5], ndërkohe që në shkallë kombëtare është rritur me +0.59 përqind. Kurse LSI-ja në njësinë 5 është rritur veçse 2.56 përqind, ndërkohë që në shkallë kombëtare është rritur me 5.6 përqind.”

Re.Pu.