Arkiv-Lajme të përditësuara

TIRANË – Sulmohet me armë makina “Benz Mercedez ML” ngjyrë e zezë në pronësi të shoferit të deputetit të PS-së, Sadri Abazi. Burime nga policia kanë bërë të ditur se, ngjarja ka ndodhur në mesnatë në rrugën “Babë Rexha”, në zonën ish-parkut të autobuzave.

Nga të dhënat e para mësohet se shoferi deputetit, i identifikuar me emrin Nazmi Kaca është rrahur. Lajmi është konfirmuar mëngjesin e sotëm nga burime të Policisë së Shtetit dhe Ministrisë së Brendshme që kanë nisur hetimet.

Lihen në burg dy ish-zyrtarë. Ish-vartësit e Kserës, kundër njëri-tjetrit

Sokol Çobo

Kleves Bitro & Spiro Ksera

Kryeministri Edi Rama, gjatë një takimi me mjekët dhe personelin e QSUT-së, theksoi se “ky spital është shëmbëlltyra e rrënimit të vendit”. 

Shkrihet zyrtarisht Grupi Parlamentar i Partisë Republikane, pas largimit të deputetit të Elbasanit, Luan Duzha. Republikanët e Fatmir Mediut kanë mbetur vetëm me 3 deputetë pas largimit të Luan Duzhës, i cili ditë më parë theksoi se do të jetë deputet i Lëvizjes Socialiste për Integrim. Tre deputetët e PR-së, Fatmir Mediu, Agron Duka dhe Ylli Shehu, duket se kanë mbetur në minorancë, pasi, edhe pse kishin në listën e tyre tre deputetë demokratë, ata nuk mund të formojnë një grup parlamentar, sepse sipas Rregullores kërkohen të paktën shtatë deputetë. 

-Deputetja e Partisë Socialiste, Vasilika Hysi, iu përgjigjet akuzave të opozitës për ligjin “Për nëpunësit civil”, por dhe lëvizjeve në administratën publike. Në një intervistë për gazetën “Shekulli” Hysi pohon se akuzat e opozitës janë vetëm një alibi për të lënë në hije ata mijëra punonjës të administratës të pushuar nga puna në vitin 2005, kur PD erdhi në pushtet, në vitin 2009, por dhe pas humbjes së zgjedhjeve të 23 qershorit.

Komisioni për Veprimtaritë Prodhuese, Tregtinë dhe Mjedisin dhe Komisioni i Integrimit do të shqyrtojnë sot projektligjin për disa ndryshime në ligjin “Për menaxhimin e integruar të mbetjeve”, të ndryshuar””.

Gjithashtu Komisioni I mjedisit do të shqyrtojë sot edhe projektligjin “Për  ratifikimin e marrëveshjes, ndërmjet Këshillit të Ministrave të Republikës së Shqipërisë dhe Qeverisë së Shtetit të Kuvajtit, për shkëmbimin ajror.

Ndërkohë në Komisionin e Ligjeve, do të shqyrtohet Projektligji “Për masat kundër financimit të terrorizmit”.

Startoi sot viti i ri akademik. Universitetet në të gjithë vendin hapin dyert sot për të pritur rreth 162 mijë studentë. Ministrja e Arsimit Lindita Nikolla do të jetë e pranishme pranë Fakultetit të  Ekonomikut, ku do të japë dhe urimin për sezonin e ri shkollor të arsimit universitar.

Emërimet e reja në administratën e lartë qeveritare të ish-anëtarëve të KQZ-së, Albana Shtylla, Denar Biba dhe Ilirjan Muho, janë komentuar nga Partia Demokratike si shpërblim i kryeministrit Rama për ata që bllokuan punën në KQZ. 

Sipas kësaj partie, ky është një tregues se sa të pavarur dhe apolitikë kanë qenë këtaanëtarë të KQZ-së.

Kryetarja e Komisionit të Politikës së Jashtme në Kuvend, Arta Dade, shprehet se Shërbimi Diplomatik ka nevojë për reformë urgjente, e cila duhet bërë në bashkëpunim edhe me opozitën.

E moshuara Sofie Qëndro, e cila së bashku me nipin e saj, Llazin 67 vjeç jetonte prej 6 javësh në një stol në lulishten pranë Bashkisë së Durrësit, u nda nga jeta ditën e djeshme.

Mësohet 87-vjeçarja pati një përkeqësim të gjendjes shëndetësore dje pasdite dhe u dërgua në spital për mjekim të mëtejshëm. Fillimisht, mjekët thanë se gjendja e saj pati një përmirësim, por dje në mbrëmje, rreth orës 22:00, Qëndro u nda nga jeta në spitalin rajonal të Durrësit.