Arkiv-Lajme të përditësuara

Kreu i grupit parlamentar demokrat, Edi Paloka, akuzon maxhorancën për emërime pa asnjë kriter profesional në disa prej drejtorive kyçe. Gjatë një interviste në News 24, Paloka tha se emërimet e ditëve të fundit janë bërë pa procedurat e duhura.

“Punësimet e reja, për shkak të emergjencës. Shkurtim drastik në administratën e lartë”

Drejtoria e Përgjithshme e Doganave deklaroi se ka zbuluar një rast flagrant maksikontrabante të naftës në Rrethin e Lezhës.

Përmes një njoftimi për shtyp, doganat bëjnë të ditur se strukturat e Specializuara te Drejtorise se Pergjithshme zbuluan hedhjen për konsum në mënyrë të paligjshme nga kompania “Ada Petrol” të 4 400 ton karburant gasoil.

Kjo sasi karburanti ka qenë më parë e plumbosur nga autoritetet doganore në depozitat e Shengjinit, në pronësi dhe përgjegjësi të “Ada Petrol”, kompani nen zoterim te vellait te ish-deputetit Gjok Uldedaj.

Misioni shqiptar pranë OKB-së ka hedhur poshtë si të njëanshme, të pavërtetë dhe të pabazuar në asnjë dëshmi, deklaratën e Presidentit të Serbisë, Tomislav Nikolic, gjatë punimeve të Sesionit të 68-të të Asamblesë së Përgjithshme të OKB-së, lidhur me akuzat e bëra kohë më parë në Raportin për Këshillin e Evropës të senatorit, Marty.

Të shtëna me armë zjarri u dëgjuan ditën e sotme afër Kapitolit në Uashingtonit. Për pasojë, policia mbërriti në vendngjarje menjëherë dhe mbylli të gjitha zyrat.

Mësohet se policia po ndiqete një grua me automjet, e cila më pas tentoi të hynte brenda godinës së Kongresit. Policia hapi zjarr dhe mesohet se gruaja është qëlluar për vdekje.
Bashkë me gruan ishte edhe një fëmijë, i cili duket se nuk është dëmtuar nga përplasja. Forca të shumta policie janë mbledhur në vendgjarje dhe kanë bllokuar të gjithë zonën

Mbrojtja e vajzave dhe grave nga dhuna, sigurimi i shanseve të barabarata dhe rritja e mundësive ekonomike të tyre janë prioritete të Ministrisë së Mirëqenies Sociale dhe Rinisë. Kështu ka deklaruar Ministri i MSR-së, Erion Veliaj, në tryezën e organizuar sot nga Qendra Aleanca Gjinore për Zhvillim dhe Linja e Këshillimit për Gra dhe Vajza, ku u prezantuan përfundimet e projektit: “Fuqizimi i gruas: Ndërtimi i kapaciteteve për të përmirësuar aksesin ndaj mundësive ekonomike me një fokus të veçantë ndaj viktimave të dhunës në familje”.

Vijon ngërçi i krijuar prej muajsh në Këshillin Bashkiak të Tiranës. Mbledhja e parashikuar për tu zhvilluar pasditen e sotme ka dështuar sërish. Pas disa muajsh bllokim, Këshilli Bashkiak nuk arriti të mblidhej as sot, për shkak se këshilltarët e majtë nuk u paraqitën në mbledhje.

Në mbledhjen e sotme pritej të zgjidhet kryetari i ri i Këshillit Bashkiak, si dhe të miratoheshin këshilltarët e rinj, pas largimit të atyre që kanë dhënë dorëheqjen pasi janë zgjedhur deputetë në zgjedhjet e 23 qershorit.

Sot ka ndodhur një gjë që ka ndodhur deri diku e pazakontë, sot mbledhja e qeverisë u bashkëdrejtua nga Edi Rama dhe Tony Blair, një ndër kryeministrat më afatgjatë dhe më të suksesshëm të britanisë tashmë ka marrë zyrtarisht detyrën e tij si konsulent pranë qeverisë shqiptare. Por nuk kanë munguar kritikat, si në angli ku mediat shkruajnë se shqipëria është miniera e arit e Tony Blair e deri tek mediat kritike të qeverisë aktuale që ngrenë pyetjet për koston? Këtyre dhe shumë pyetjeve të tjera, ish-kryeministri britanik iu përgjigj intervistës së dhënë për Sokol Ballën në Top Story.

Kryeministri i Kosves dhe ai i Serbise do te mbajne takimin e radhes ne Bruksel me 7 tetor.

Lajmin e ka dhene zyra e shefes së politikës së jashtme të Bashkimit Evropian, Catherine Ashton, e cila ka konfirmuar se takimi i radhës ndërmjet kryeministrave të Kosovës dhe Serbisë, Hashim Thaçi dhe Ivica Daçiq, do të mbahet më 7 tetor në Bruksel.

Panorama

Partia Demokratike ka sulmuar sot kryeministrin e vendit lidhur me emërimet e fundit të bëra nga qeveria e re në krye të disa drejtorive. Deputeti i Partisë Demokratike Gert Bogdani ka thënë se Rama nuk po i mban premtimet që i ka bërë shqiptarëve, pasi po i mungon transparenca.