Lajme

Këto ditë kanë qenë  me ngjarje. Me zhvillime por edhe shfaqje personale që jemi mësuar t’i shohim.

Mungon me praninë e tij disaditore kryeministri. Ta sqarojmë: nuk mungon në sensin e domosdoshnërisë, por nuk është i pranishëm. As për ndeshjet, as për non grata e Saliut, as për seancat në Kushtetuese për profesionet e lira. Thuajse për çdo gjë publike zotëria nuk është. 

Athina zyrtare ka hedhur një hap tjetër për vlerësimin dhe ruajtjen e Marrëveshjes së Prespës që garantoi zgjidhjen edebatiti për emrin e Maqedonisë së Veriut. Një konferencë me pjesëmarrësit e marrëvëshjes është mbajtur në Athinë dhe aty ka qenë i pranishëm edhe ministri i Jashtëm i Shqipërisë, Igli Hasani. Ish-kryeministri maqedonas Zoran Zaev ka deklaruar se shpreson se qeveria e re në Shkup nuk do ta bëjë gabimin e anullimit të marrëveshjes, ndërkohë që në dritë ka dalë edhe debati mes Tiranës dhe Athinës për z. Beleri.

Rezoluta antikorrupsion që u propozua pak kohë më parë nga Kryeministri Edi Rama, nën titullin: “Për thellimin e reformave për mirëqeverisjen, sundimin e ligjit dhe antikorrupsionin për Shqipërinë 2030 në Bashkimin Evropian”, kaloi debate dhe duhet thënë me një frymë paragjykimi. Një pjesë e opozitës cilësoi se dokumenti në fjalë, që parashikon edhe ngritjen e një Komisioni të Përhershëm, synon marrjen në kontrollt të Prokurorisë së Posaçme Antikorrupsion – SPAK – tani që sipas saj ka nisur shoshitja e dosjeve të korrupsionit të qeverisë “Rama”.

Studioja e Vilson Biçakut ndodhet në katin e poshtëm të një ndërtese të vjetër në qendër të Brukselit, me arkitekturën tradicionale që karakterizon shumicën e godinave të qytetit, por që pavarësisht se i ndesh rëndom, gjithmonë vazhdojnë të të mahnisin me elementët dhe detajet dekorative. Pjesa më e madhe e piktorëve që më ka rastisur të njoh apo të intervistoj, kanë një lloj manie me rregullin, çka më përmbysi përfytyrimin për rendin kaotik të artistëve, ndërsa studioja e Vilsonit përkonte pikërisht me imazhin e artistit anarkist e rebel.

Dje, ambasadori amerikan në Beograd, Chris Hill, shprehej se njohja e Kosovës nuk është kusht për anëtarësimin e Serbisë në Bashkimin Europian. Sipas tij, edhe në referencë të Marrëveshjes së Ohrit, normalizimi i marrëdhënieve është pjesë e detyrueshme. Kjo deklaratë bën pjesë në atë politikë të akomodimit të Serbisë, madje të Serbisë së Aleksander Vuçiç, që ka për synim zyrtar apo publik, mbajtjen e saj sa më larg Rusisë.

Gazeta greke “Ta Nea” raporton se mes Tiranës dhe Athinës ka një lloj përpjekjeje për të zgjidhur së paku çështjen e betimit të kryetarit të zgjedhur të Bashkisë së Himarës, Fredi Beleri. Sipas gazetës dënimi do të jetë me 20 muaj dhe kjo me llogari e lejon atë të dalë jashtë për shkak të qëndrimit në paraburgim për të bërë betimin në PE.

Sali Berisha ka folur pas marrjes së tapisë së vulës së partisë duke deklaruar se partia është e hapur për të gjithë. Është patjetër një thirrje për Lulzim Bashën që të rikthehet në PD me veten e vet dhe ata mbështëtës që ka. Ndërkohë që Argita Malltezi ka deklaruar se Basha nuk ka më vend në PD.

Aktiviteti i zhvilluar në Prishtinë me rastin e 25 vjetorit të çlirimit dhe figurën e Ibrahim Rugovës ka provokuar disa reagime për prirjet mistifikuese që politika ndjek, e në këtë kuadër edhe për thjeshtimet e mëdha "ligjërimore" të proceseve historike, duke çuar në deformime.

P.sh u mediatizua shumë deklarata e kryeministrit të Shqipërisë, Edi Rama se në thelb Rugova e krijoi UÇK-në ose në ligjëratë të drejtë:

Pa Rugovën nuk do të kishte UÇK

Shkruante dje analisti Skënder Minxhozi ndër të tjera: 

Nëse Beleri braktis mandatin e fituar në Himarë dhe merr atë të eurodeputetit, ajo që do ndodhë vijimësisht do të ishin zgjedhje të reja në bregun e Jonit dhe fundi i sherrit për Himarën. Micotakis ka fituar një poltron në Strasburg duke ulur aty një person shumë të diskutueshëm, por nuk ka shpikur një fabul tjetër të madhe për Himarën siç është deri më sot saga e Fredi Belerit. Himara po humbet një kryebashkiak të keq e antishqiptar, Parlamenti Evropian po fiton një hidraulik të paditur

Puna për ndërtimin e një radari në funksion të aeroportit në Kretë ka çuar në një zbulim arkeologjik që cilësohet unik prej shkencëtarëve grekë. Në lartësinë 494 m, në majë të kodrës Papoura, ka dalë në dritë një strukturë rrethore me diametër 48 m që mbulon një sipërfaqe prej 1800 m2, përbërë nga hapësira që komunikojnë me njëra-tjetrën me kalime të ngushta, duke dhënë idenë e një labirinthi.