Arkiv-Lajme

Në katër muaj, 22 atentate me eksploziv, atentati i fundit ndaj biznesmenit Xhemal Çela në Durrës, i cili për fatin e tij të keq, pas 24 orësh në koma, u nda sot nga jeta. Në redaksionalen e gazetës DITA ka një përpjekje për të shpjeguar se kush fshihet pas sulmeve të tilla dhe kush janë vënë në objektiv të këtyre sulmeve.Goditjet dhe mesazhet me tritol kanë kapur nivelet politike, por nga ana tjetër po shoqërohen dhe me solidaritet politik nga Partia Demokratike. Duket sikur vala e terrorit ka tashmë dhe aleatët e saj në rangje politike.

Prej muajsh autoritetet greke u mohojnë qindra fëmijëve të emigrantëve të lindur në Greqi  kalimin e kufirit për shkak të toponimeve të vendlindjes në pasaportat e tyre që janë në gjuhën shqipe dhe jo në atë ndërkombëtare. Së fundmi problem për rinovimin e lejave të qëndrimit kanë hasur për shkak të fëmijëve edhe prindërit e tyre, që nuk rinovojnë dot në disa raste edhe  librezat e tyre shëndëtsore.“Kam problem me fëmijet. Më kanë lindur të dy në Selanik.

Të rinjtë e Forumit Mysliman pritet të përballen me drejtësinë. Kundër tyre janë duke u kryer hetime për vepër penale të dënueshme deri në tetë vjet. Policia ka marrë autorizime për kryerje të hetimeve për shkak të një komunikate që ka lëshuar Forumi i të Rinjve Myslimanë pas rrëzimit të shtatores së Nënës Terezë në Mitrovicë, njofton “Koha Ditore”. Në komunikatën e lëshuar nga Kryesia e FRM-së, Nëna Terezë është quajtur putë dhe maqedonase. Videot e sigurisë nuk dëshmojnë nëse shtatorja e nobelistes është rrëzuar nga dora e njeriut.

Pas gjithë asaj zhurme në politikën dhe mediat shqiptare, pas deklaratave besuese dhe mosbesuese të zyrtarëve të lartë shqiptarë, deri edhe te kryeministri Rama, është qeveria  maqedonase që vjen në ndihmë, duke sqaruar përfundimisht se nuk ka projekt për lumin Radika.

Gjenerali gjerman Klaus Reinhardt në një ligjëratë me studentët e Kolegjit ISPE ka rrëfyer për misionin e tij si Komandant i KFOR-it gjatë vitit 1999-2000 në Kosovë.  Ai ka folur për luftën, sfidat, problemet, rreziqet, storjet e ndryshme dhe bisedat prapa perdeve me liderë dhe personalitete të ndryshe botërore që  i ngjanin një libri bestseller.Krahas të tjerave Reinhardt tregon edhe  një detaj interesant, se si ka nxjerrë jashtë nga zyra Përfaqësuesin e Politikës së Jashtme të BE-së, Havier Solanën.

Po shtohen zërat që komentojnë zhvillimet e fundit në Universitetin e Prishtinës. Dukagjin Gorani (PhD) nga Qendra Liberale Demokrate, në një intervistë për Gazetën Express, thotë se Universiteti i Prishtinës po shkon drejtë fundit të tij si institucion arsimor. Prej themelimit, punësimi në UP ka qenë privilegj i individëve dhe grupeve të afërta me pushtetin. “Deri në vitin 1990, lojaliteti ndaj pushtetit komunist të LKJ-së ishte vendimtar për t’u bërë profesor e doktor shkencash.

“Të mbyllet çështja ndaj tre shqiptarëve në Jemen”. Ky ka qenë vendimi i Presidentit të Republikës së Jemenit, Abd Rabbuh Mansur Hadi, në një dekret të përpiluar në 5 janar të këtij muaji. Presidenti i vendit ku aktualisht ndodhen të burgosur tre shqiptarë, ka kërkuar që çështja e anijes së bashku me ngarkesën e saj të mbyllet.

Një dokument konfidencial i Albpetrol duket hedh dyshime të forta, të cilat implikojnë ‘Bankers Petrolium’ në një tregti të paligjshme karburantesh në tregun vendas. Dokumenti i zotëruar nga Top Channel, i cili konfirmohet zyrtarisht nga Albpetrol dhe Ministria e Energjise dhe Industrise dyshon se kompania kanadeze ka shitur në tregun e brendshëm me pakicë, sasi të mëdha karburanti të cilësisë së dobët, që njihet ndryshe me emrin hollues. Ky lloj karburanti përdoret nga kompanitë prodhuese të naftës si lëndë e parë në proceset teknologjike të prodhimit.

Ndalohen në një kamion-frigorifer 48 shqiptarë, cilët po përpiqeshin të kalonin për në Britaninë e Madhe.  Policia e Francës gjatë një kontrolli rutinë ka mundur të identifikojë në kamionin-frigorifer, i drejtuar nga një shtetas rumun, 48 shqiptarë, midis tyre edhe tre minorenë, që po përpiqeshin të kalonin në mënyrë klandestine për në Britaninë e Madhe. Të gjithë u janë dorëzuar autoriteteve franceze, ndërsa policia britanike e kufirit, që po heton mbi ngjarjen, ka arrestuar shoferin e kamionit. Ndërkohë policia po punon për hetimin e këtij rrjeti klandestinësh.

Sapo është mbyllur në Top-channel programi ‘Top Story’ i Sokol Ballës, që këtë herë i dedikohej 21 janarit të vitit 2011. Balla nuk fliste nga studioja.