Arkiv-Lajme

India ka regjistruar sot pa frikë një arritje në plan global. Anija kozmike Mangalyaan ka arritur në orbiëtn e planetit Mars, duke bërë kështu vendi i katërt, krahas SHBA-së, Rusisë dhe Europës që arrin këtë objekitv. Por duke qenë vendi i parë. Lajmi është shoqëruar edhe me një tjetër të dhënë jo të zakonshme. Kështu Mangalyaan ka kushtuar vetëm 67 milionë dollarë, ndërkohë që misioni amerikan, MAVEN, ka kushtuar 10 herë më shumë.

Presidenti i Republikës, Bujar Nishani zhvilloi takime tё veçanta me njё delegacion tё Komitetit Hebreo-Amerikan, me drejtues të B’nai B’rith, organizatës së hebrenjve amerikanë me seli në New York dhe me  njё pёrfaqёsi nga Kongresi Botёror Hebre. Faqja zyrtare e Presidencës bën me dije se nё qendër tё takimeve ishin marrёdhёniet shqiptaro-amerikane, dhe ato ndërmjet Shqipёrisё dhe Izraelit, bashkёpunimi i Shqipёrisё me komunitetin hebre nё Shtetet e Bashkuara dhe vende tё tjera, lufta kundёr antisemitizmit dhe çёshtjet e sigurisё nё vijim tё zhvillimeve mё tё fundit.

107 shtete e njohin Kosovën, por presidentja Jahjaga po kërkon që numri të rritet edhe më. Sipas një njoftimi nga Presidenca e Kosovës, Presidentja e Republikës, Atifete Jahjaga takoi ministrin e jashtëm të Armenisë, Eduard Nalbandyan. Ata diskutuan për konsolidimin ndërkombëtar të Kosovës dhe proceset e tjera nëpër të cilat po kalon vendi, në përpjekje për të forcuar subjektivitetin shtetëror.

Violinisti virtuoz shqiptar Alban Pengili, që po paraqitet me sukses në skenën muzikore gjermane, do të ketë prezantimin e tij të radhës më 25 shtator në Bochum. “Info Kult” bën të ditur se në repertorin e mjeshtrit të violins do të jetë “24 Capricci” për violinë solo e Paganinit, vepër e cila njihet si njëra ndër më të vështirat dhe më sfidueset për violinistët kudo në botë. Ndërkohë që më 4 tetor Pengili do të japë koncert në Shqipëri, në Fakultetin e Arteve në kuadrin e “Ditëve Gjermane” që i kushtohen Festës Nacionale të bashkimit të Gjermanisë, 3 tetorit.

“Zëri i Amerikës” thotë se ligjvënësit amerikanë reaguan ndaj sulmeve të para ajrore kundër Shtetit Islamik në Siri. Disa udhëheqës të kongresit përshëndetën veprimin e ndërmarrë nga Presidenti Barack Obama. Por disa ligjvënës të tjerë thonë se natyra e misionit të Shteteve të Bashkuara po ndryshon, dhe se Kongresi duhet të debatojë dhe të votojë për autorizimin e një fushate më të gjerë dhe më të qëndrueshme ushtarake kundër grupeve terroriste në Irak dhe Siri.

Ministri i Brendshëm Saimir Tahiri ka qenë sot i ftuar në emsionin “Tonight Ilva Tare”. Tahiri ka folur për thuajse të gjithë problematikën e aktualitetit, si lufta kundër drogës, siguria në vizitën e Papës, takimet e fundit me Prokurorin e Përgjithshëm, por edhe për vrasjet e pazbardhura. Pyetja e moderatores Ilva Tare ka qenë e drejtpërdrejtë:  “A do të ketë kërkesë nga ana juaj për hapje të dosjeve të tjera të quajtura të pazgjidhura?”. Me këtë, Tare i është referuar vrasjes së gjyqtarit Skerdilajd Konomi, por edhe atë të ish-deputetit socialist Fatmir Xhindi.

Ndërsa ka hyrë dita e dytë e bombardimeve ajrore të SHBA dhe aleatëve të saj ndaj pozivcioneve të ISIS në Siri, disa zhvillime të reja flasin për paqëndrueshmërinë e situatës. Së pari, Presidenti i Turqisë, Erdogan, ka deklaruar se është gati të mbështesë operacionet ushtarake të ndërmarra aktualisht, qoftë ushtarakisht, qoftë me logjistikë(http://www.todayszaman.com/diplomacy_erdogan-signals-turkey-could-give-m...).

Jetët e njerëzve të rrezikuar drejtpëdrejt, përballë strategjisë së madhe për të luftuar shtetin islamik, është një dilemë e rishfaqur sot. Familjarët e pengut britanik Alan Henning thonë se ata kanë marrë një mesazh me zë të tij duke u lutur për jetë e tij. Në një deklaratë, gruaja e Hennings, Barbara thotë se Shteti Islamik "po injoron lutjet tona për hapjen e bisedimeve”. "Unë dhe njerëzit që më përfaqësojnë vazhdojmë për të arritur deri te ata që e mbajnë Alan", thotë ajo. Taksisti nga Eccles në Salford, u kap teksa po ndihmonte në Siri në muajin dhjetor.

“Koha Ditore” raporton për ofertën më të madhe të mundshme që Partia Demokratike mund të bëjë për të kapërcyer ngërçin politik të krijuar prej muajsh të tërë. Këtë e ka bërë të ditur në emisionin “Rubikon”, kandidati i PDK-së për kryeparlamentar Arsim Bajrami. “Isa Mustafa mund të jetë kryetar Parlamenti me kusht që Hashim Thaçi të jetë shef i qeverisë. Kaq mund të bëjë PDK-ja për tejkaluar ngërçin”, është shprehur si “KD” Arsim Bajrami.

Baza prej të cilës Prokuroria e Përgjithshme ka ngritur akuzat ndaj deputetëve Arben Ndoka dhe dhe Pjerin Ndreu, për goditjen e deputetit të Partisë Demokratike, Gent Strazimiri, janë pamjet e regjistruara nga një prej kamerave të sigurisë të Kuvendit të Shqipërisë. Në pamjet e shfaqura nga TCH duket deputeti Strazimiri që fillimisht i afrohet deputetit socialist Ndoka, i cili pasi e tërheq nga xhaketa e godet disa herë me grushte në fytyrë. Kanë qenë deputetët e pranishëm në hollin e Kuvendit ata që kanë bërë të mundur ndaljen e konfliktit.