Arkiv-Lajme

Në krye të Bankës së Shqipërisë mund të jetë një femër shqiptare, që aktualisht punon në sistemin financiar ndërkombëtar. Ky fakt u bë publik nga kryeministri Edi Rama në emisionin “Kapital” të gazetarit Aleksandër Furxhi. Pa bërë publik emrin, Rama tha se do të zhvillojë një takim me kreun e shtetit për të analizuar se ku ndodhet procesi i zgjedhjes së Guvernatorit.

Ambasadori i Francës në Shqipëri,  Bernard Fitoussi, ka bërë sot një dalje publike për mediat, pas vizitës që ka zhvilluar në Elbasan. Ai ka bërë të qartë se e ka lexuar reagimin e shqiptarëve për vendimin e UEFA-s, të cilin shumëkush e lidh me qenien e Platinisë në krye dhe origjinën e tij franceze. Fitoussi ka përcjellë mesazhin se këtu duhet të bëhet një dallim dhe të mos përgjithësohen gjërt. “Unë nuk jam ambasador i UEFA-s, dhe jam shumë i kënaqur që të mos jem ambasador i UEFA-s. Më seriozisht, mendoj se Shqipëria duhet të presë vendimin  në apel.

Në mesazhin drejtuar Guvernatorit të Përgjithshëm të Kanadasë, David Johnson për ngjarjen e dy ditëve më parë, ku si pasojë e një sulmi terrorist mbeti i vrarë ushtari që ruante memorialin e herojve në Ottawa, presidenti Nishani teksa dënon këtë akt shpreh ngushëllimet për familjet e disa ushtarëve të vrarë.

Ja si shprehet në mesashin e tij presidenti Nishani.

Enti Rregullator i Energjisë citohet që të ketë deklaruar sot se heqja e fashës prej 300kwh për energjinë elektrike, prek 76.3% të konusmatorëve familjarë.

Brukseli i ka drejtuar Maqedonisë paralajmërim se përfshirja e saj në projektin e gazit rus do të ketë pasoja në planin e integrimit në BE. Lajmi bëhet i ditur nga portali i njohur evropian “Euobserver”. Sipas këtij njoftimi Bruksesi ka drejtuar kritika për qasjen dhe rolin e Shkupit lidhur me përkrahjen dhe mos heqjen dorë nga projekti i gazsjellësit rus “Rrjedha e Jugut”. Gazsjellësi rus “Gazprom” ra dakord të përfshijë Maqedoninë si vend pjesëmarrës që në vitin 2010.

Përveç konfliktit me CEZ tani Ministria e Financave po përballet me një sfidë tjetër. Në një kronikë të përgatitur nga “Vizion Plus” thuhet se bëhet fjalë për anulimin e shërbimit monopol që kompania “Rapsican” ofron për skanimin e kontenierëve në dogana.

Nga heqja e fashës 300 kwh të energjisë, do të preken 2.1 mln konsumatorë. Enti Rregullator i Energjise bëri me dije se 76.3% e abonentëve konsumojnë deri në 300 kwh/muaj. “Heqja e fashës 300 kwh e energjisë prek 2.1mln shqiptarë që do të thotë në total janë 1.100.000 kontrata të energjisë elektrike. Ndërkohë që 65% e totalit të kontratave janë te konsumatorëve familjarë. Në total janë 715 mijë kontrata të konsumatorëve familjare dhe 76.3% e familjarëve konsumojnë deri në 300 kwh/muaj. Në total, janë 545 mijë familje që konsumojnë deri 300 kwh”- sqaron ERE.

L.V

Barra fiskale e shqiptarëve do të rritet në vitin 2015 edhe më 10 miliardë lekë ose me 100 milionë dollarë. Gazeta “Mapo” shkruan se në projekt-paketën fiskale që tani është duke u konsultuar me grupet e interesit, mësohet se efekti neto i taksave që do të rriten vitin që vjen, pritet të shtojë të ardhurat me gati 8 % të Prodhimit të Brendshëm Bruto. Rëndesa më e madhe do të peshojë tek karburantet si pasojë e rritjes së taksës së qarkullimit të makinave nga 17 lekë dhe në 27 lekë.

Biznesmeni i njohur Hajredin Fratari është arrestuar nga forcat e Policisë së Shtetit me akuzën se “dyshohet për ndërtimin pa leje të një pallati”. Njoftohet se Inspektoriati Urbanistik Qendror kishte vendosur në datën 20 tetor pezullimin e punimeve për shkak të përfundimit të afatit të lejes së pallatit dhe se atij i ka munguar oponenca teknike. Mirëpo punimet kanë vazhduar dhe për pasojë ka ardhur arrestimi. Në një reagim për mediat, familjarët e biznesmenit Fratari, kanë deklaruar se Fratari ka aplikuar për rinovimin e lejes së ndërtimit dhe ishte në pritje të miratimit.

Kandidatët e përzgjedhur sot nga Komisioni Parlamentar i Medias për postin e kryetarit të ri të Autoritetit të Medias Audiovizive janë katër; Gentian Sala, Gentian Skënderaj, Anila Basha dhe Bers Hado. Ndërsa tre kandidatët e skualifikuar nga gara ishin Zylyftar Bregu (gazetar), Raif Gorana (ekonomist) dhe En Muçi (ekonomist), të cilet morën më pak vota. Që në fillim mbledhjes, nënkryetari i komisionit, Alfred Peza, i bëri sërish thirrje opozitës që të vijë dhe të ushtrojë të drejtën e saj ligjore për të eliminuar dy nga katër kandidatët e përzgjedhur.