Euobserver: Brukseli i tërheq veshin Shkupit për “Gazprom”-in rus
Brukseli i ka drejtuar Maqedonisë paralajmërim se përfshirja e saj në projektin e gazit rus do të ketë pasoja në planin e integrimit në BE. Lajmi bëhet i ditur nga portali i njohur evropian “Euobserver”. Sipas këtij njoftimi Bruksesi ka drejtuar kritika për qasjen dhe rolin e Shkupit lidhur me përkrahjen dhe mos heqjen dorë nga projekti i gazsjellësit rus “Rrjedha e Jugut”. Gazsjellësi rus “Gazprom” ra dakord të përfshijë Maqedoninë si vend pjesëmarrës që në vitin 2010. Komisioni Evropian, siç bëhet e ditur, më 30 shtator përmes një letre me shkrim ka paralajmëruar Maqedoninë dhe ka shprehur shqetësim rreth bisedimeve që po zhvillonte me “Gazprom” për kyçjen në projektin ‘Rrjedha e Jugut’, që është në fazën finale. Presidenti i Bashkësisë Evropiane Energjetike, Janez Kopac ka deklaruar se marrëveshja që Shkupi ka me Moskën nuk është në përputhje me ligjin evropian për energjetikë. Por e ardhmja e projektit “Rrjedha e Jugut” është vënë në pikëpyetje, për shkak të qëndrimit të BE.
L.V
Add new comment