Arkiv-Lajme

Mediat kosovare raportojnë deklaratën e zëvendëskryeministri dhe Ministri i Jashtëm i Serbisë Ivica Daçiçi. Sipas tyre ai ka deklaruar se do të ishte mirë që Serbia ta ndërrojë Kushtetutën. Kërkesën për ndërrim të Kushtetutës i kanë bërë Gjermania dhe BE. Sipas Daçiçit në këtë mënyrë të gjitha vërejtjet dhe kërkesat e BE-së do të gjendeshin brenda sugjerimeve që i janë bërë e po i bëhen Serbisë në procesin e integrimeve evropiane. Ai ka thënë askush nuk po vënë kushte për të ndryshuar Kushtetuta. Në Kushtetutën e Serbisë përndryshe shkruhet që Kosova është pjesë e Serbisë.

Vendimi i Rusisë për të anuluar një tubacion gazi në Bullgari duke preferuar Turqinë po cilësohet nga autoritet turke si një fitore e rëndësishme për Ankaranë në ambiciet e saj për t’u bërë një shpërndarës energjie me rëndësi në rajon. Por, “Zëri i Amerikës” thotë se ka dyshime në rritje se sa me interes është ky tubacion për Turqinë.

Javën e ardhshme do të ketë një takim të nivelit të lartë në BE, ku pritet të kumtohet një lajm i keq për Serbinë, shkruan gazeta “Tribuna”. Serbia nuk do të jetë në gjendje t’i hapë kapitujt e saj të parë në negociatat e anëtarësimit në BE, në një të ardhme të afërt, bënë të ditur “dtt-net”, duke u thirrur në burime të saj brenda Unionit. Kjo ndodhë për shkak të përparimit të pamjaftueshëm në bisedimet me Kosovën, transmeton “lajmi.net”.

Në një sprovë të vetën të publikuar në librin me titull "Sende që nxirrte deti", Ardian Vehbiu ka shkruar edhe këtë pasazh: "Në këtë kontekst, do të shpjegojmë, më në fund, edhe përhapjen virale të një deklarate, përndryshe apokrife, të Ismail Kadaresë; i cili u përfol t’i kish quajtur “jashtëqitja e kombit” refugjatët e krizës së ambasadave, në korrik 1990.

Parlamenti i Portugalisë ka miratuar mocionin e paraqitur nga qeveria për njohjen e Palestinës si shtet i pavarur dhe sovran. Mocioni është mbështetur nga opozita socialiste duke i hapur rrugë me konsensus këtij hapi të rëndësishëm në politikën e jashtme. Portugalia pason Britaninë e Madhe, Francën, Irlandën dhe Spanjën, vende, parlamentet e të cilave kanë marrë një vendim të ngjashëm. Suedia nga ana e vet, ka vendosur njohjen me një akt të qeverisë. s.z

Kreu i INSTAT-it, Gjergji Filipi, thotë në një intervistë dhënë Mustafa Nanos që është publikuar e plotë në rubrikën "MSN Interview" të portalit tonë "ResPublica.al", se institucioni që drejtohet prej tij do të binjakëzohet shumë shpejt me një institucion ndërkombëtar statistikash, që është me kredencialet më të larta të besueshmërisë. Ai nuk thotë emrin e këtij institucioni, por lë të kuptohet se procesi i binjakëzimit është në një fazë finale.

Sali Berisha ka dhënë një intervistë për “ABCNEWS” realizuar nga Mirela Milori. Berisha është ndalur te ngjarjet e dhjetorit por edhe për gjendjen aktuale të PD-së. Milori ka pyetur për kryesinë e re dhe largimin e të vjetërve. Berisha tha se pas dorëheqjes së kryetarit, japin dorëheqje edhe njerëzitë më të afërt me të. Dhe në fakt Patozi me Topallin e bënë këtë gjë. “Natyrisht këta kanë të drejtën për të patur ambicie të tjera në të ardhmen”, tha Berisha që shtoi se “këta lanë veten jashtë”. Lidhur me Lulzmin Bashën, Berisha ka thënë se ai ka krijuar fizionominë e tij.

Prokuroria e Tiranës akuzon ish­presidentin e firmës piramidale “Vefa Holding”, Vehbi Alimuçaj dhe djali i tij, Artan Alimuçaj, për fshehje të parave në banka jashtë Shqipërisë. Prokuroria thotë se këto para janë të prejardhura nga aktiviteti i paligjshëm “Mashtrim” i shtetasit Vehbi Alimuçaj deri në vitin 1997, kohë kur u rrëzua skema e tij piramidale. Për këtë çështje Prokuroria e Tiranës ka ngritur akuzën për kryerjen e veprës penale “Pastrim i produkteve të veprës penale”, parashikuar nga neni 287/b i Kodit Penal (me ligjin e kohës së kryerjes së veprës penale).

Ka një debat të madh lidhur me shifrën e punësimit, nisur nga deklarat e kryemsinitrit aktual se janë punësuar mbi 81 mijë njerëz, ndërkohë që INSTAT ka dhënë shifra sipas të cilëve të punësuarit janë 107 mijë. Do të mjaftonin qoftë e3dhe prishjet e ndërtimeve pa leje, që siç thotë qevria janë vetëm biznese, për të kuptuar se ajo që është papunësia. Aq më tepër pastaj që vetë kryeministri ka sqaruar nëpër rreshta se bëhet fjalë për zbardhje të të punësuarve që deri më dje ishin informalë.

Hapja e dosjeve të Sigurimit të Shtetit mund të shoqërohet edhe me probleme të natyrës që kanë të bëjnë me punën e shërbimit të sotëm sekret. Të paktën kështu mendon Arjan Dyrmishi, ekspert i lartë i çështjeve të sigurisë, pranë Institutit për Demokraci dhe Ndërmjetësim (IDM) që ka folur për këtë çështje në një intervistë për gazetën “Shekulli”. “Kur flitet për hapjen e dosjeve duhet të specifikohet se kë lloj dosjeje do të hapim; atë që ka informacionin apo atë tjetrën që tregon mënyrën se si është mbledhur informacioni, apo të dyja.