Hapja e dosjve, eksperti Dyrmishi thotë se hapja e plotë mund të dëmtojë shërbimin aktual, pasi zbulohen metodat e punës

Hapja e dosjeve të Sigurimit të Shtetit mund të shoqërohet edhe me probleme të natyrës që kanë të bëjnë me punën e shërbimit të sotëm sekret. Të paktën kështu mendon Arjan Dyrmishi, ekspert i lartë i çështjeve të sigurisë, pranë Institutit për Demokraci dhe Ndërmjetësim (IDM) që ka folur për këtë çështje në një intervistë për gazetën “Shekulli”. “Kur flitet për hapjen e dosjeve duhet të specifikohet se kë lloj dosjeje do të hapim; atë që ka informacionin apo atë tjetrën që tregon mënyrën se si është mbledhur informacioni, apo të dyja. Çështja është se, edhe nëse hap dosjen që ka brenda informacionin, mundet që aty të ketë të dhëna edhe për mënyrat se si është mbledhur ky informacion. Duke qenë se metodat e punës për shërbimet sekrete janë të rëndësishme, madje më të rëndësishme edhe se vetë informacioni, hapja e këtyre dosjeve tërësisht mund të jetë problematike për aq sa mund të ketë metoda që vazhdojnë të jenë të klasifikuara, për të cilat shërbimi i sotëm mund të mos dojë që të bëhen publike. Duhet të sigurohemi që ky proces të mos dëmtojë punën aktuale të shërbimit të shtetit”, thotë Dyrmishi.
http://www.shekulli.com.al/web/p.php?id=62487&kat=87
s.z