Arkiv-Lajme

Grupet e OSHE që po kryejnë në terren aksionin për ndalimin e vjedhësve të energjisë, kanë marrë si detyrë që krahas emrave të pushtetarëve lokalë që rezultojnë debitorë, në listat e verifikimit të shënojnë edhe përkatësinë partiake të kryetarëve të komunave dhe bashkive.

Rasti më i fundit është regjistruar në Patos, ku çuditërisht të gjithë vendorët e klasifikuar si debitorë i përkasin Partisë Demokratike.

Gjatë vitit të ardhshëm qeveria ka planifikuar të fillojë privatizimin e të gjitha aksioneve shtetërore në kompanitë ku rezulton të jetë pronare. Një ndër privatizimet e parashikuara dhe që sjell më shumë të ardhura në arkën e shtetit është kompania e naftës “Albpetrol”. “Vizion Plus” raporton se procesi që nis vitin e ardhshëm mund të përmbyllet në vitin 2016 ndërsa aksionet janë përllogaritur se kushtojnë 95 milion euro.

Ish-kryeministri, sot numri dy i qeverisë së Kosovës, Hashim Thaçi konfirmon se marrëveshja qeverisëse mes forcës së tij dhe Lidhjes Demokratike të Kosovëes parashikon që ai të jetë President në vitin 2016, kur edhe I mbaron mandate presidentes Atifete Jahjaga.

Një arkivol hekuri brenda të cilit janë gjetur letra me mesazhe fetare dhe me mesazhe kundër protestës së 22 Nëntorit të Partisë Demokratike është zbuluar në varrezat e qytetit të Korçës. Arkivoli i hekurt  është gjendur nga disa punëtorë që po hapnin një varr. Nga frika se arkivoli i çuditshëm mund të përmbante lënë shpërthyese, punëtorët kanë njoftuar policinë. Pas kontrollit, është konstatuar se në të kishte vetëm disa letra me shkrime fetare.

Shinzo Abe dhe partia e tij Liberal Demokrate janë fituesit e zgjedhjeve të parakohshme në Japoni, sipas të dhënave që vijnë nga “exit-pollet” e para. Ekonomia japoneze hyri në recesion gjatë tre mujorit të tretë të këtij viti, duke e detyruar kreun e ekzekutivit në Japoni të ndërmarrë masa jo shumë të kënaqshme, të cilat kërkonin edhe votëbesim nga populli. Për të arritur këtë Shinzo Abe u detyrua të thërriste zgjedhje të parakohshme. Agjencia e Lajmeve “Ansa” shkruan se pas këtyre zgjedhjeve, kryeministri mund të dalë me pozita më të konsoliduara se më parë.

Për 9 muajt e këtij viti, Kuvendi i Shqipërisë ka shpenzuar mbi 10 milionë lekë vetëm për udhëtimet e ligjvënësve shqiptarë. Sipas raportit të monitorimit të Kuvendit, të publikuar sot nga gazeta “Shqip”, shuma është përdorur për të realizuar blerjen e 202 biletave për deputetët.

(Lexo: http://gazeta-shqip.com/lajme/2014/12/14/u-blene-202-bileta-dhe-u-shpenzuan-10-milione-dieta-dhe-hotele/#)

Kryeministri i ri i Kosovës, Isa Mustafa, për herë të parë ka folur për të kaluarën e tij komuniste. Ai ka thënë se nuk i heq asnjë gërmë biografisë së tij dhe se është krenar për punën që ka kryer në rë shkuarën. “Të kaluarën ua lë të merren ata që e kanë bërë profesion të kukasin, të tmerrohen e të lemerisen. Unë nuk do të humbi kohë me ta. Millosheviqin, Rrahman Morinën, Rankoviqin, UDB-ën, socializmin e komunizmin, përgjimet, shantazhet, mikrofonat, kamerat, montimet ua lë atyre që jetojnë ende me ta dhe kanë dëshirë t’i përkujtojnë, sepse i kanë në ADN-në e tyre .

Gjykata Kushtetuese pritet të vendosë nesër për kushtetueshmërinë e ndarjes së re administrative-territoriale të Shqipërisë. Duke cituar burime nga kjo gjykatë, gazeta “Panorama” shkruan se vendimi duhet marrë me emergjencë për shkak të afateve të shpalljes së datës së zgjedhjeve nga kreu i shtetit.

Kryeministri italian Matteo Renzi do të zhvillojë një vizitë zyrtare në Shqipëri në 30 dhjetor. Gazeta “Shqiptarja.com” shkruan se kreu i qeverisë italiane, ka vendosur t’i përgjigjet pozitivisht ftesës së homologut shqiptar Edi Rama.

Në artikullin e publikuar sot gazeta shkruan se drejtuesit e protokollit po punojnë për takimet që Renzi do të zhvillojë në Shqipëri.

n.k

“Me studentët u tentua rrëmuja edhe para dhjetorit. PD nuk u krijua në kushte ilegaliteti dhe nuk ka nevojë për petritët e saj. Dosjet e Sigurimit duhen hapur. Lustracion për poste si ministra, bosë mediash etj..Informatori më i vjetër është i vitit 1943”