Arkiv-Lajme

Historia e dopingut dhe pjesëmarrjes së peshëngritësve tanë në botërorin e Kazakastanit i afrohet kufijve të qesharakes.  Dhe kjo qesharake zë fill që me shfaqjen publike të ministres së Arsimit dhe Sportit, Lindita Nikolla, që priti në aeroport kampionët. Ja çfarë tha asokohe ministrja: “Ndaj mirënjohja shkon për prindërit dhe Presidentin e Federatës Elez Gjoza. Ndaj mirënjohje edhe për trajnerët, si dhe për të madhin Luan Shabani”. Këtu nuk po zëmë në gojë premtimin për rilindjen e sportit. Mirëpo çfarë ndodh?

Kreu i Kuvendit të Shqipërisë, Ilir Meta ka zhvilluar sot një takim me kryeministrin Edi raam në të cilin është folur për zhvillimet politike në vend dhe sidomos për nevojën e normalizimit të jetës parlamentare. “Janë plotësuar të gjitha kushtet, janë pjekur të gjitha rrethanat që opozita të përmbushë të gjitha detyrimet e saj kushtetuese dhe parlamentare para votuesve të saj në radhë të parë dhe para vendit”, tha Meta.

Në Beograd po mbahet Forumin e Ministrave të Brendshëm dhe të Drejtësisë të Ballkanit Perëndimor me mbështetjen e Italisë që ka presidencën e radhës të BE. Në këtë forum mori pjesë dhe ministri Saimir Tahiri.  Çështjet kryesore që u diskutuan në Forum janë lufta kundër terrorizmit, krimit të organizuar, trafikut të qenieve njerëzore, liberalizimi i vizave dhe programi IPA në luftën kundër krimit ndërkombëtar.

Në Maqedoni kanë nisur debatet e para lidhur me projektin qeveritar për Stemën e re si simbol kryesor shtetëror. Stema e re, pas përfundimit të debateve publike, do të kalojë në Kuvend për debat dhe miratim. Agjencia INA bën të ditur se në debat do të marrin pjesë profesionistë të fushës, mes të cilëve përfaqësues të Institutit të Historisë pranë Fakultetit Filozofi, të Institutit të Historisë së Artit dhe Arkeologjisë, përfaqësues të Shoqatës së Heraldistëve dhe të tjerë. Nuk dihet se pjesë e këtij debati a do të jenë edhe historianë dhe njohës të tjerë shqiptarë të këtij lëmi.

“Panorama” shkruan sot se marrëveshja e pritshme mes maxhorancës dhe opozitës për të ndërprerë bojkotin dhe për të mos çuar në djegien e mandateve ka bërë që Parlamenti të shtyjë punimet deri në datën 24 dhjetor. Sipas “Panoramës” në kalendarin e vjetër të punimeve, seanca e fundit ishte parashikuar të realizohej më datë 18 dhjetor, ndërkohë që negociatat me ndërmjetësit e huaj kanë detyruar të majtët që të lënë edhe 12 ditë afat në mënyrë që të shmanget skenari i djegies së mandateve të opozitës.

Gazeta “Zëri” jep alarmin për shtimin e shpenzimeve administrative. Sipas saj Qeveria e re e Kosovës, e cila prej sot do të udhëhiqet nga Isa Mustafa, do të jetë një barrë e madhe për buxhetin e vendit. Sipas “Zërit” kostoja e pagave të kabinetit qeveritar, ku hyjnë kryeministri, tre zëvendëskryeministra, 21 ministra, 50 zëvendësministra, së bashku me stafin përcjellës, gjatë mandatit katërvjeçar do të arrijë shumën prej jo më pak se 17.5 milionë eurosh.

L.V

Prokurori amerikan David Schwendiman, do të vazhdojë hetimet e bashkëkombësit të tij Clint Willimason, të pretendimeve për krime lufte në Kosovë. Amerikani David Schwendiman është emëruar në postin e kryeprokurorit të Grupit Hetues të Bashkimit Evropian, për hetimin e pretendimeve të raportit të Këshillit të Evropës për krime lufte në Kosovë. Schwendiman pason në këtë post prokurorin amerikan Clint Williamson, i cili u tërhoq në gusht të këtij vitit nga kjo detyrë.

“Gazeta Shqiptare”, shkruan sot se qeveria vendosi krijimin e një komisioni përgjegjës për shpërndarjen e medaljeve dhe dekoratave të nderit, pak ditë pas publikimit të lajmit për dekorimin e ish-anëtares së Komitetit Qendror të PPSH-së, Vito Kapos me “Medaljen e Mirënjohjes”. “Gazeta Shqiptare” shkruan se ky komision do të përbëhet nga 5 anëtarë, prej të cilëve 3 anëtarë duhet të jenë punonjës në varësi të autoritetit përgjegjës dhe 2 anëtarë personalitete të jashtëm, që përzgjidhen mes njerëzve të shquar dhe që kanë dhënë kontribut në fushën përkatëse”.

“Zëri i Amerikës” shkruan se, në pritjen me ambasadorët e akredituar në Shqipëri, kryeminisri Edi Rama foli për raportin e Senatit. Rama deklaroi se pati ndjesi të jashtëzakonshme nga publikimi i Raportit të Senatit Amerikan për hetimet, sipas tij, “jo fort të lavdërueshme të CIA-s” përgjatë të ashtuquajturës Luftë kundër Terrorit”. Rama tha gjatë një fjalimi para ambasadorëve të akredituar në Shqipëri që Shtetet e Bashkuara treguan edhe njëherë se ç’do të thotë të jesh një demokraci dhe të duash të mbetesh demokraci, pavarësisht kostos që kjo ka.

Në emisionin “Top-Story” është folur sot për situatën politike, bojkotin dhe marrëdhëniet pozitë-opozitë. Një pjeëë jo e vogël i është kushtuar kreut të opozitë, Lulzim Basha dhe pozicionit të tij në PD. Arjan Vasjari është shprehur se ndaj Bashës ka shumë paragjykim dhe se loja që bëhet me dualitetin e drejtimit në PD është shpesh i qëllimshëm. Mustafa Nano ka deklaruar se në përgjithësi ka patur një pak të heshtur që opinionistët të mos e sulmojnë Bashën, pikërisht për këto arsye, por është çështje e Bashës të bëhet drejtues i vërtetë i PD-së.