La Rivista Internazionale Europea "fut në sherr" Vehbiun me Kadarenë

Në një sprovë të vetën të publikuar në librin me titull "Sende që nxirrte deti", Ardian Vehbiu ka shkruar edhe këtë pasazh: "Në këtë kontekst, do të shpjegojmë, më në fund, edhe përhapjen virale të një deklarate, përndryshe apokrife, të Ismail Kadaresë; i cili u përfol t’i kish quajtur “jashtëqitja e kombit” refugjatët e krizës së ambasadave, në korrik 1990. Suksesi i këtij memi dhe jetëgjatësia e tij, përtej lidhjes ekskluzive me autoritetin e Kadaresë dhe faktit ironik që vetë shkrimtari i madh do t’i bashkohej kësaj ‘jashtëqitjeje’ pak muaj më pas, ka të bëjë para së gjithash me virtytin kundërpeshues, ose katartik, të metaforës koprologjike."

Një revistë italiane, Rivista Internazionale europea, e ka marrë esenë e Vehbiut, me lejen e këtij të fundit, dhe e ka përkthyer e publikuar në numrin e saj të fundit (ata që dinë italisht, mund ta lexojnë në linkun http://www.undo.net/it/magazines/1413301124). Por paragrafi rezulton i deformuar. I ripërkthyer në shqip do bënte si më poshtë: “Në këtë kontekst mund të shpjegohet deklarata tronditëse dhe e pabesueshme e shkrimtarit Ismail Kadare që i ka përcaktuar refugjatët shqiptarë të vitit 1991 “jashtëqitja e kombit”. Fati e deshte që vetë Ismail Kadare të linte Shqipërinë dhe mecenatët e regjimit të vjetër për të kërkuar “strehim politik” në Francë. Pastaj, çuditërisht, shkrimtari shqiptar nga akuzator u bë pjesë e këtyre “jashtëqitjeve”. Ja një mënyrë që kundërbalancon dhe pastron këtë metaforë koprologjike.”

Ripërkthimin, si më lart, e ka bërë një farë Minella Aleksi, i cili, bazuar tek ky version në italisht, ka bërë një shkrim mbi Vehbiun anti Kadare, dhe e ka publikuar në Panorama (shih linkun http://www.panorama.com.al/2014/12/12/shpifjet-ndaj-kadarese...). Duhet thënë se përkthimi i M. Aleksit nga italishtja në shqip është korrekt. Kush e njeh mirë Vehbiun e kush ka lexuar veç këtë version italian të esesë së tij, mund të ketë mbetur ligsht prej kësaj insinuate të pashijshme, por është vetë Vehbiu që, në një replikë të menjëhershme të botuar te blogu i tij Peizazhe të Fjalës, qartëson situatën dhe thotë se "komploti" është i redaksisë së revistës italiane (shih linkun http://peizazhe.com/2014/12/12/jashteqitje-te-ujshme/). Në fakt, është tamam kështu, dhe kjo gjë verifikohet po t'i hidhet një sy esesë në botimin shqip të "Sendeve që nxirrte deti".

Shënim: Fotoja është e vitit 1991 dhe ka të bëjë me ngutin e shqiptarëve për të lënë vendin në prag të përmbysjes së regjimit komunist.

Re.Pu.

Comments

Ju falënderoj për këtë

Ju falënderoj për këtë sqarim! Në krye kujtova se kish lajthitur Aleksi në kundër-përkthim, meqë nuk ma merrte kurrë mendja që një revistë prestigjioze, si Lettera Internazionale, do të bënte një marifet të tillë. Aq më tepër që unë kam origjinalin e përkthimit nga shqipja në italishte, të cilin ma dërgoi përkthyesi Aldo Doda, dhe ku pasazhi në fjalë është dhënë me saktësi. Edhe pse nuk bëj pjesë ndër “sejmenët” e Kadaresë (të cilët veç e dëmtojnë shkrimtarin), kurrsesi nuk do t’i vija atij në gojë një thashethem nga më të rëndomtit, që ka qarkulluar gjatë vitit të turbullt 1990 dhe të cilin ai vetë e ka përgënjeshtruar qartë. Do t’i shkruaj menjëherë revistës Lettera Internazionale, për t’i kërkuar sqarime; por ndërkohë lexuesve që duan t verifikojnë faktet do t’u mjaftojë, besoj, origjinali i përkthimit, që ka dalë që në vjeshtë të vitit 2013 në librin tim Sende që nxirrte deti (Dudaj, f. 107). Për fat të keq, një autor jo gjithnjë arrin të kontrollojë se ç’bëhet me përkthimin e veprës së tij – dhe do të kisha përmendur këtu frazn traduttore-traditore, po të mos kisha marrë ndërkohë, nga kolegu Doda, garancinë se ai i ka qëndruar besnik tekstit tim.

E di si eshte fjala/shkrimi

E di si eshte fjala/shkrimi jote o Vehbi eshte si ato kekset qe te shkon goja leng nga figura/reklama dhe njeriu e ka henger te keqen pa kuptu nga permbajtja e substancave qe jane te ndaluara per te gatuar keto lloj biskotash.

vete Vehbiu ka rene pré e nje

vete Vehbiu ka rene pré e nje dukurie qe e praktikon edhe vete shpesh: komentimi pa verifikim i ngjarjeve. Dhe vetem pasi verifikohen ngjarjet, dhe dalin ndryshe, thuhet: o, po nuk e kisha fajin une, por keshtu e lexova.ky eshte nje fenomen shume i perhahur ne mendesine e elitave shqiptare, ku bie ne sy nxitimi per te komentuar sa me shpejt gjithcka - a thua se kishin pritur qe te ishte keshtu.

Vehbi dhe Aleksi, A eshte e

Vehbi dhe Aleksi,A eshte e vertete,  qe Kadare nuk e ka perdorur kete fraze per "Pushtuesit e Ambasadave",por e ka perdorur po kete fraze: "Ikjen e Jashteqitjeve te Kombit" ne nje veper te tij letrare?Dikush e solli ne kujtese kete fragment, qe u gjendka ne faqet e (...) "Nentori i Nje Kryeqyteti",me nje nentekst te qarte per ikjen nga Rruga e Dibres se figurave te Ballit Kombetar (Frasherllijve) psh.

Ndonjë lexues mund të ketë të

La Rivista Internazionale Europea "fut në sherr" Vehbiun me Kadarenë

Comments

Ju falënderoj për këtë

E di si eshte fjala/shkrimi

vete Vehbiu ka rene pré e nje

Vehbi dhe Aleksi, A eshte e

Ndonjë lexues mund të ketë të

Add new comment

Plain text

You are here

La Rivista Internazionale Europea "fut në sherr" Vehbiun me Kadarenë

Comments

Add new comment

Plain text