Arkiv-Lajme

Dekreti i Presidentit për kryeprokurorin ka sjellë sot edhe reagimin e Komisionit Europian. Përmes zëdhënësit Peter Stano, KE ka bërë me dije qëndrimin e tij mbi këtë çështje.

Partia Socialiste e konsideron si "antikushtetues dekretin e Presidentit të Republikës për ndërprerjen e mandatit të Prokurores së Përgjithshme, Ina Rama", por "nuk paragjykon kandidaturën e propozuar për zëvendësimin e saj në këtë detyrë". Qëndrimi i socialistëve është bërë publik nga deputeti Taulant Balla, gjatë një deklarimi për shtyp që ai dhënë menjëherë pas mbledhjes së grupit parlamentar të kësaj partie.

Enver Hoxha, për tre ditë, në çdo përvjetor të Pavarësisë, e shpallte Vlorën kryeqytet të Shqipërisë. Ndërsa për 50 vjetorin e Pavarësisë dhe në jubiletë pasardhës e bëri Vlorën kryeqytet për një javë. Dhe në këta përvjetorë, gjithë qeveria, Byroja Politike, Komiteti Qëndror i PPSH, si dhe administrata e lartë, në mënyrë simbolike, zhvendosej në Vlorë. Aty bëheshin mbledhjet e qeverisë, aty bëhej mbledhja e Byrosë Politike, aty kishte zyrën dhe Enver Hoxha.

Edhe Piro Misha mendon se kur një lider si Berisha, deri dje shembull i moderacionit në çështjet rajonale, që përdorte mjeshtërisht kartën e rolit konstruktiv të Shqipërisë në rajon për të siguruar mbështetjen ndërkombëtare, befas kalon në ekstremin tjetër, e ngre lart flamurin e nacionalizmit, me një gjuhë provokuese që ka kohë që s’e dëgjojmë së paku në nivele kaq të larta të politikës, kjo s’ka si të mos ngjallë reagime e të sjellë pasoja.

Anëtarët e Këshillit të Ministrave u mblodhën sot në shtëpinë muze të Vlorës, ngucur me sho-shoqin, të ulur në ndenjëset ku Ismail Qemali mbajti mbledhjen e qeverisë së parë 100 vjet më parë. Ishte një ngjarje e paralajmëruar ditë më parë nga kryeministri, dhe aty ai vijoi me litaninë e tij patriotike, të cilën s’duket se mund ta pushojë deri në zgjedhje. “Askush nunk mund të mohojë që shqiptarët në padrejtësitë më të mëdha të kohës u copëtuan në 5 shtete. Ata të cilët kishin krijuar shtet dekada para nesh dhe u vërsulën mbi këtë komb me projektet më ogurzeza ….

Debatet mbi qeverisjen globale të internetit pritet të dominojnë një konferencë 12-ditore të Unionit Ndërkombëtar të Telekomunikacionit (ITU), që filloi dje në Dubai me një mijë e 500 delegatë nga gjithë bota-përfshirë përfaqësues të qeverive kombëtare, ekspertë të industrisë dhe avokatë të shoqërisë civile.

Presidenti i Ukrainës Viktor Yanukovich pranoi sot dorëheqjen e kryeministrit të vendit Mykola Azarov, një lëvizje a papritur që u pasua nga zgjedhjet e debatueshme dhe problemet ekonomike në vend. Megjithatë, presidenti ka urdhëruar ministrat të qëndrojnë në postet e tyre deri në krijimin e qeverisë së re - njofton media lokale.

FOTO – LAJM: Në këtë foto të agjensisë LSA shihen qytetarë të Kombinatit në periferi të kryeqytetit, Tiranë, duke u konfrontuar mbrëmë me forca të policisë, gjatë një proteste për ndërprerjet e shpeshta të energjisë elektrike në këtë zonë. Zona e cila është nga më të rregulltat në pagesat e energjisë mbushi dje ditën e pestë pa energji elektrike. CEZ Shpendarje ka njoftuar publikun se mungesa e energjisë ka ardhur si pasojë e lidhjeve të paligjshme, të cilat ngarkojnë rrjetin, por banorët këmbëngulin se paguajnë rregullisht faturat. Re.Pu.

Opozita nuk ka pasur asnjë reagim sot në lidhje me dekretin e Bujar Nishanit për kreun e ri të Prokurorisë. Faqet online të mediave thonë se qëndrimi do vendoset nesër në mbledhjen e Grupit Parlamentar.

FRD e Topit ka kundërshtuar sot kohën në të cilën është shpallur dekreti i Presidentit për kryeprokurorin e ri.  Kjo forcë politike e cilësoi atë si një proces antikushtetues, kurse për Llallën FRD mendon që “përmes profesionalizmit dhe vullnetit pozitiv, ka për t'i dhënë dinjitetin e duhur postit të Prokurorit të Përgjithshëm".

Mbledhja që pritet të organizojë nesër (4 dhjetor) qeveria në Vlorë nuk ka kaluar pa vëmendjen e kreut të bashkisë së këtij qyteti,  Shpëtim Gjika. Këtë vendim të ekzekutivit shqiptar Gjika e ka quajtur një veprim butaforik. "Kjo ishte festa, kjo ishte historia. Ajo nuk mund të krahasohet me asgjë. As me veprimet butaforike të atyre që organizojnë mbledhje qeverish e qeveritarësh në Shtëpinë e Pavarësisë",  - vuri në dukje Gjika, gjatë një komunikimi me mediat lokale sot në Vlorë.