Arkiv-Lajme

Për më shumë se një vit, “ringun kombëtarist” të Tiranës e kishte zaptuar kryesisht "boksieri i peshave të mesme” Kreshnik Spahiu i Aleancës Kuqezi dhe, në një farë mase, edhe Shpëtim Idrizi i PDIU-së. Por “boksieri i peshave të rënda” Berisha u fut së fundi në këtë “ring” duke deklaruar se Shqipëria etnike shtrihej nga Presheva në Prevezë. Ndërsa sot, zëdhënësja e qeverisë së tij deklaroi:

Situata pas përgjimeve ku zyrtarë të lartë, përfshi Kryeministrin Thaçi, ofendojnë me terma deri edhe rruge Kryeparlamentarin e Kosovës, vazhdon të jetë e tendosur dhe opinioni publik i trazuar. Përgjimet kanëtreguar jo vetëm një standart komunikimi “pas kuintave”por dhe marrëdhëniet e tensionuara në majë të piramidës kosovare.

Ky është pretendimi i vetë ministrit Bumçi, i cituar nga Gazeta Shqiptare të ketë deklaruar dje se sektori i turizmit i paska sjellë Shqipërisë këtë vit 1.2 miliardë eurove të derdhura në ekonomi, të cilat përbëjnë 14.7% të PBB. Por, në fund Ministri tha se bëhet fjalë për vlerësime të përfërta duke deklaruar ardhjen e 155 909 më shumë turistëve sesa para 1 viti.

Në një intervistë për Jakin Marenën te Shqiptarja.com, e pyetur për deklaratat “nacionaliste” të Kryeministrit, ish-Ministrja e Jashtme Arta Dade shprehet se “në duart e Sali Berishës, karta e nacionalizmit është e grisur”. Ajo kujton se vetë Sali Berisha që sot i thur lavde Haradinajt “e ka pasë quajtur UÇK-në grup terroristësh, marksistë-leninistësh, kontrabandistësh dhe pjesëmarrësish të krimit të organizuar, dhe të financuar nga UDB për të prishur imazhin e Shqiptarëve.”

Në një shkrim të vetin te “Java” e kësaj jave (dalë në shtyp sot), Skënder Minxhozi me këtë titull analizon pozicionin e LSI, dmth të Ilir Metës, pas deklaratës se duhet rivlerësuar dhe Enver Hoxha, meqë po rivlerësohet Ahmet Zogu. Përveç deklaratës, LSI i dha një ‘Jo’ të fortë “tentativave për t’i hequr emrin sheshit ‘Avni Rustemi’ në Tiranë, një figurë e glorifikuar dhe nderuar gjerësisht gjatë regjimit komunist. Në dallgën e rehabilitimeve të figurave të diskutueshme, që 100 vjetori i Pavarësisë solli me vete, kjo parti, aleate në qeverisjen e sotme, munid të mbajë një ekuilibër formal.

Ditët e fundit, ka rilindur Berisha “patriot”. Hamendja ime është se, shkak për këtë rilindje të patriotizmit tek kryeministri që nënshkruajti marrëveshjen e dhënies së ujrave territoriale Greqisë (rrëzuar nga Gjykata Kushtetuese e Shqipërisë), është kërcënimi që ai ka ndjerë nga partitë e vogla që po luajnë fort kartën patriotike. Sondazhe publike dhe private që ndoshta i tregojnë Berishës se këto parti kanë numra që i kërcënojnë rizgjedhjen si kryeministër i Shqipërisë, duket se e kanë bërë atë të lëshojë breshëri “patriotike” si këto që janë raportuar nga Balkanweb:

“Disa shtete të Eurozonës kanë jetuar brenda një përralle, duke nënvlerësuar defiçitin buxhetor dhe borxhin publik. Mendonin se i kishin nën kontroll, por nuk ia dolën.” Këto fjalë të thata vijnë nga Mario Draghi, guvernatori i Bankës Qëndrore Europiane i intervistuar nga radio Europa1. Guvernatori u shpreh se Europa ende nuk ka dalë nga kriza dhe se “një rritje ekonomike do të ketë vetëm në gjashtëmujorin e dytë të vitit të ardhshëm”.

Filip Çakuli drejtuesi i emisionit të njohur Fiks Fare, shfaqet rrallë në faqet e shtypit. Në një editorial të botuar sot në mbrëmje në TemA Online, Çakuli merret me Berishën dhe citon gjatë gjithë shkrimit thënie të autorëve të huaj.

Me rastin e 100 vjetorit të pavarësisë së Shqipërisë, lideri i izoluar i Koresë së Veriut, i dërgoi përshëndetje presidentit Bujar Nishani. “Presidenti i Presidiumit të Asamblesë Supreme të Popullit, i dërgoi një mesazh urimi presidentit shqiptar, Bujar Nishani, me rastin e festës kombëtare,” raporton agjencia KCN e kryeqytetit Pjongjang. “Në mesazhin e tij, Kim i uron presidentit të Shqipërisë sukses në punën e tij për zhvillimin dhe prosperitetin e vendit,” thuhet më tej.