Arkiv-Lajme

Të ardhurat  nga privatizimet e 4 hidrocentraleve do të fillojnë të përdoren para se ato të arkëtohen në buxhet. Ky është vendimi i marrë nga qeveria shqiptare dje në mbledhjen e saj të radhës. Kjo do të bëhet e mundur, në bazë të vendimit, sipas të cilit do të merret një hua paraprake, që do të shlyhet në momentin që fondi i privatizimit të arkëtohet. Ky fond pritet të arkëtohet në buxhetin e shtetit në mesin e muajit Prill dhe do të përdoret për ulje të borxhit publik dhe për investime.

Sipas sondazheve të fundit nga Gallup, lidershipi i Shteteve të Bashkuara ka ruajtur mbështetjen e plotë në gjashtë shtete, në të cilat prijnë Kosova e Shqipëria. Katër të tjerat janë Irlanda, Mbretëria e Bashkuar, Holanda dhe Italia. Megjithatë, sipas sondazhit, udhëheqja e SHBA-së ka dështuar që të marrë mbështetje në shtetet si në Francë, Spanjë dhe Suedi, ku miratimi ka rënë në nivelin e vitit 2011.

E përditshmja DITA hapet sot me një hulumtim mbi pikëpyetjet e hershme për lidhjet e Sali Berishës me nëntokën serbe.

U deshën minuta të tëra që të merrej vesh emri i Papës së ri. Është argjentinas, quhet Jorge Mario Bergoglio, është 76 vjeç, ka qenë arqipeshkv i Buones Airesit, dhe ka zgjedhur të quhet Francesco. Më saktë, Francesco I (Francis I, nw anglisht), ngaqë asnjë prej 266 Papëve të derisotëm të Kishës katolike nuk e ka pasur këtë emër më parë. Në të njëjtën kohë, ky është Papa i parë që vjen nga Amerika Latine.

Ka qysh dje që njerëzit e mbledhur në sheshin Shën Pjetër të Romës i mbajnë sytë nga tubi mbi oxhakun e Kapelës Sikstine, ku pas votimit të pestë, kardinalët e mbledhur në konklavën e tyre ia kanë dalë të zgjedhin Papën e ri. E gjitha ka ndodhur para pak minutash, saktësisht në orën 19.06, kur nga oxhaku u pa të dilte tym i bardhë, shenjë që zgjedhja është bërë, dhe kur menjëherë më pas u dëgjuan britmat e njerëzve të mbledhur në shesh: Rroftë Papa, rroftë Papa. Agjencitë e lajmeve ende nuk kanë dhënë emrin e tij. Por kjo do të meret vesh në harkun e pak minutave.

FOTO LAJM: Parrulla në foto është një nga parrullat e vendosura nga Bashkia në qendër të Tiranës me rastin e 8 marsit. Nuk dihet çfarë ka patur në mend ai (ose ajo) qe e ka formuluar dhe ata që e kanë vendosur, por e thënë thjesht, duket një parullë idiotësh. (a.th.)

Si rrufeja në të kthjellët – ose më mirë në gropën septike – ia mbërriti edhe ky libër i ri i një Perëndimori për bunkerët e Shqipërisë. Autori, një holandez i quajtur David Galjaard, ka fituar një çmim ndërkombëtar për librin e tij Concresco, kushtuar luleve prej betoni të tokës totalitare shqiptare. Të huajt si Galjaard ka njëzet e kusur vjet që kuturisen në Shqipëri dhe shkruajnë e përshkruajnë bunkerët e atjeshëm; por çuditërisht të gjithë vijojnë ta ndiejnë veten Kolombë të këtyre Indive Perëndimore, mu në paradhomë të Europës - shkruan Ardian Vehbiu në PTF.

Kardinalët nuk kanë arritur as sot të zgjedhin Papën e ri. Mbledhja e fshehtë në Kapelën Sistinë i ka gjetur me sa duket të ndarë formacionet konkurruese dhe blloqet e pushtetit, të cilat do të përcaktojnë papën e ardhshëm. "Ndarja kryesore përball kardinalët romakë që punojnë në Vatikan dhe reformatorët - kardinalët që duan nga papa i ri të trajtojë korrupsionin në Vatikan, joefikasitetin dhe hezitimin për të ndarë pushtetin dhe informacionet me peshkopët në mbarë botën.

Presidenti iranian, Mahmud Ahmadinejad, është futur në telashe për shkak se ka përqafuar nënën e presidentit të ndjerë të Venezuelës, Hugo Chavez, i cili vdiq në javën e kaluar pas një beteje me kancerin. Ahmadinejad është kritikuar ashpër, pas fotografisë së publikuar, ku ai shihet duke i mbajtur duart Elena Friasit, nënës së Chavezit, gjatë kohës sa e ngushëllonte atë në funeralin që u zhvillua më 8 mars në Karakas.

Prof. Dr. Adrian Civici, President i UET-së, i ka dhënë një intervistë të gjatë gazetës Shqip, në të cilën ngre disa shqetësime rreth politikave fiskale të propozuara në programet elektorale të partive të ndryshme.

 Veçojmë:

TVSH-ja - Kemi TVSH-në (20%) nga më të lartat në Ballkan (Maqedonia e Serbia rreth 18%, Bosnja 17% etj.), kurse në disa vende të rajonit, por dhe të BE-së e më gjerë, po aplikohen gjithnjë e më shumë TVSH me dy ose tri nivele, sipas rëndësisë së mallrave për konsumatorin e thjeshtë