Arkiv-Lajme të përditësuara

Në ditët e fundit në detyrë Qeveria në ikje është përfshirë në një aksion masiv të shitjes dhe transferimit të pronës publike.

Burime konfidenciale thanë për Top Channel se ministri në ikje i Ekonomisë Florjon Mima ka firmosur të enjten privatizimin e disa pronave njëherësh që nisin me konviktin e Shkollës së Mesme të Gjuhëve të Huaja. Një proces i shumëdebatuar që ka nisur kohë më parë kur një biznes privat në fushën e arsimit i kërkoi Bashkisë së Tiranës dhe Ministrisë së Ekonomisë marrjen e kësaj prone me qira.

Pas 8 vitesh në pushtet, kryeministri në ikje, Sali Berisha, ka mësuar se pikat e karburantit vjedhin në peshë gjatë furnizimit të automjeteve!

Ai ka reaguar për herë të parë ndaj këtij fenomeni në mbledhjen e parafundit të qeverisë, duke kërkuar publikimin e emrave të kompanive që abuzojnë.

Pavarësisht se godina e SHQUP-it është e ligjëruar si godina e re Partisë Demokratike dhe në oborrin e saj tashme valëvitet krahas flamurit të NATO-s dhe BE-së edhe ai i kësaj force politike, Eduard Toptani, njëri prej dy pronarëve të truallit ku është ngritur kjo godinë, vazhdon të kërkojë pronën e tij. 

TIRANE- Ambasadori i Shteteve të Bashkuara të Amerikës, Aleksandër Arvizu ka mbërritur rreth orës 11:00 në selinë e Partisë Socialiste. 

Arvizuu takuat me ministrin e ardhshëm të Energjisë dhe Industrisë, Damian Gjiknuri.
 
Takimi zgjati rreth 60 minuta, ndersa asnjeri prej tyre nuk beri komente ne fund te takimit.

Ambasadori ishte i shoqëruar nga disa anëtarë të stafit të tij si dhe zëvendësi, Henry V. Jardine.

Kryeministri i ardhshëm, Edi Rama ka njoftuar se Shkelzen Maliqi do të jetë këshilltari i ardhshëm i tij për marrëdhëniet me Kosovën.

Në postimin në Facebook, Rama shprehet se kabineti i tij do të jetë i ndryshëm nga kryeministrat paraardhës duke sqaruar se, “numri i madh deri më sot i këshilltarëve do t'ia lërë vendin një bërthame strategjike njerëzish me cilësi të spikatura, të cilët do të luajnë rol kyç në përgatitjen e vendimmarrjes”.

Zëvendësministrat - Rreth 38 zëvendësministra pritet të bëhen së shpejti pjesë e qeverisë së re të drejtuar nga Edi Rama. Pjesa më e madhe e tyre pritet të vijë nga listat e kandidatëve të PS-së

Prefektët - Me nisjen e punës së qeverisë së re, pritet të emërohen edhe 12 prefektët e rinj në vend, të cilët janë zgjatime të drejtpërdrejta të ekzekutivit në pushtetin vendor. Këto pozicione janë të lakmueshme edhe nga aleatët

Drejtorit Entit Rregullator të Energjisë,  Sokol Ramadani, ka dhënë dorëheqjen para se t’i përfundojë mandate. Dorëheqja e tij është miratuar ditën e djeshme nga ana e kryeministrit Berisha.

Mësohet se Ramadani ka vendosur që të japë dorëheqjen para ndërrimit të pushteteve, për të shkuar tek kompania “Ashta Energji”.

Gazeta “Dita” ngre pyetje se a kemi këtu një rast tipik kur kompani që kanë përftuar nga Qeveria në ikje favore në kundërshtim me ligjet dhe rregullat e konkurencës, bëhen strehë e njerëzve që nuk u ka thënë njeri ndonjëherë “puna e mbarë”?

Burime të Express brenda Bashkësisë Islame të Kosovës, thonë se tashmë është caktuar zëvendësuesi i Xhabir Hamitit.

Sipas këtij burimi, kryetar i këshillit të BIK prej sot është Fadil Hasani, i cili mbante postin e nënkryetarit, derisa vendin e tij e ka zënë Agim Hyseni.

Zgjedhja e tyre ka ndodhur pavarësisht faktit se në tetor kur janë zgjedhjet pos imamit mandati përfundon edhe për kryetarin dhe nënkryetarin.

Nënkryetari i Lëvizjes Socialiste për Integrim Petrit Vasili, në emër të forcës politike që përfaqëson shpreh shqetësimin për ngjarjet e fundit të ndodhura në Tiranë, ku për motive banale një person u vra dhe një vajzë mbeti e plagosur rëndë, si pasojë e një sulmi me acid. 

Vasili theksoi se qytetarët ndihen të kërcënuar dhe se kjo situatë jashtë kontrollit duhet të marrë fund menjëherë, ndërsa premtoi se Qeveria e re do të reagojë ndaj kësaj gjendjeje.

Rreth 502 fëmijë shqiptarë janë zhdukur në Athinë gjatë viteve 1998-2002. Për këtë gjë, Ministria greke e Drejtësisë ka urdhëruar që të nisë një proces hetimor. Çështja e zhdukjes së fëmijëve shqiptarë nga shoqata "Agjia Varvara", e ka ngritur në parlamentin grek, deputetja Maria Gianakou, e nxitur nga një raporti i OKB-së, që i kërkonte Athinës të bashkëpunojë me organet e Shqipërisë për të zbuluar zhdukjen e fëmijëve romë.