politike

Beogradi ka nisur përpjekjet për të penguar Malin e Zi në rrugën drejt anëtarësimit në Bashkimin Evropian. Ndërsa Mali i Zi po i afrohet vijës së finishit, Serbia ka ende rrugë për të bërë: Beogradi ende nuk i ka hapur të gjitha grupet e negociatave me BE-në, dhe tetë shtete anëtare e bllokuan përpjekjen e saj të fundit muajin e kaluar.

Çështja e investimit të dhëndrit të Trump në Sazan është bërë subjekt hetimi i një prej anëtarëve të lartë të Komitetit Gjyqësor të Dhomës së Përfaqësuesve. 

Jamie Raskin do ta thellojë hetimin e nisur, pasi ka hasur në indiferencën e dhëndrit të Trump për t’iu përgjigjur pyetjeve të para lidhur me investimin përmes firmës së tij të investimit, Affinity Partners. 

Hetimi vë në qendër konfliktin e interesit mes rolit të Kushner në qeverinë amerikane dhe pozicionit si investitor. 

Presidenti serb, Aleksandar Vuçiç, dha një paralajmërim të qartë në lidhje me konfliktin në zhvillim në Ukrainë.

Në episodin e fundit të MD MEETS, podkasti i drejtuar nga Drejtori Ekzekutiv i Axel Springer, Mathias Döpfner, Vuçiç tha: "Unë besoj se jemi në fillim të një lufte të madhe. Dhe kjo është arsyeja pse shpresoja se dikush tjetër do të kishte bërë diçka deri tani për të sjellë paqe. Kjo nuk ka ndodhur dhe nuk do të ndodhë së shpejti, që do të thotë se jemi në prag të një lufte shumë, shumë më të madhe."

Kreu i Grupit Parlamentar dhe nënkryetar i Partisë Demokratike, Gazmend Bardhi, ka reaguar pas shpalljes nga Presidenti i Republikës të ligjit për ratifikimin e marrëveshjes së huasë prej 302 milionë dollarësh, duke e cilësuar vendimin si një akt që, sipas tij, cenon rendin kushtetues dhe ndarjen e pushteteve në vend.

Bardhi thekson se shpallja e ligjit, pavarësisht asaj që ai e konsideron “shkelje flagrante të Kushtetutës” gjatë procedurës së miratimit, është tregues se “Edi Rama ka çmontuar çdo mekanizëm kushtetues të ndarjes, balancës dhe kontrollit të pushteteve”.

Ismail Shehu është zgjedhur në detyrën e Kryetarit të Komisionit të Prokurimit Publik (KPP). 

Ndërkohë, tre kandidatët për anëtarë të Komisionit: Fiorent Zguro, Ergys Streza dhe Kreshnik Tërnova janë skualifikuar. 

Kreshnik Tërnova është vënë nën hetim prej disa javësh nga Struktura e Posaçme Kundër Korrupsionit dhe Krimit të Organizuar (SPAK) për çështje që lidhen me shpërdorim detyre, tendera dhe mosdeklarim të saktë pasurie. 

Emri i Tërnovës lakohet në dosjen e AKSHI-t si lidhje e drejtpërdrejtë me biznesmenin në arrati, Ermal Beqiri.

IKMT kundërshton versionin e dhënë nga qeveria për ndërhyrjet në Zvërnec. Sipas Inspektoratit, gardhi dhe punimet përgatitore nuk ishin thjesht pjesë e vlerësimit mjedisor, por kishin marrë miratimin e institucioneve për nisjen e investimit nga shoqëria “Zvërnec South Adriatic Development”.

Në Parlamentin Europian u mbajt një seancë dëgjimore lidhur me protestat e përditshme para Kryeministrisë, me pjesëmarrjen e aktivistëve të shoqërisë civile, atyre të çështjeve të mjedisit dhe deputetes Marjana Koçeku, e cila para dy javësh njoftoi tërheqjen nga grupi parlamentar socialist, duke iu bashkuar protestës si deputete e pavarur. Koçeku theksoi në fjalën e saj se të rinjtë shqiptarë po tregojnë se janë më pranë Europës dhe vlerave të saj sesa establishmenti politik.  

Në një konferencë për mediat, pas përfundimit të misionit faktmbledhës në zonën e mbrojtur Vjosë-Nartë, delegacioni i eurodeputetëve të Grupit të Gjelbërve në Parlamentin Europian paraqiti gjetjet e vizitës dhe shqetësimet e ngritura gjatë takimit me ministrin e Mjedisit, Sofjan Jaupaj.

Kryetarja e delegacionit të PE-së, Tineke Strik, tha se pavarësisht justifikimeve për këtë projekt, qeveria shqiptare nuk kishte dhënë garanci për mbrojtjen e mëtejshme të zonës.
 

Raportuesi i të Gjelbërve për Shqipërinë në Bundestag, Boris Mijatović, thotë se në zonën e Vjosë-Nartës nuk duhet të ndërtohet. Në një intervistë për DW, ai thekson se kjo zonë duhet të mbetet ashtu siç është: një rezervat natyor.  

Analisti Fatos Lubonja e cilëson një qëndrim politk të gabuar heshtjen e deritanishme të ndërkombëtarëve në lidhje me protestat që po mbahen çdo ditë para Kryeministrisë.

Ndërkombëtarët kanë qenë gjithnjë të rëndësishëm në historinë e Shqipërisë, mungesa e reagimit është qëndrim politik. Për mendimin tim është i gabuar. Nuk mund të mbështesin një regjim për arsye gjeopolitike, edhe arsye korruptive për një pjesë se ky ka punuar shumë edhe për të korruptuar.