Arkiv-Lajme

Duke bërë bilancin e qëndrimit të tij dyditor në Shqipëri, Štefan Füle, komisioner i BE-së për Zgjerimin dhe Politikat e Fqinjësisë vlerësoi dy tregues pozitivë për zhvillimet e Shqipërisë, organizimin e zgjedhjeve të përgjithshme dhe kalimin paqësor të pushtetit. Ai personalisht ishte me opinionin se vendet anëtare do të duhet të marrin në muajin e ardhshëm një vendim politik, që Füle e përshkroi shumë të rëndësishëm për Shqipërinë.

Në editorialin e sotëm (me titullin e mësipërm) të gazetës së Prishtinës, Express, analisti Arben Idrizi ka trajtuar, kuptueshëm nën dritën e zhvillimeve në fundit, çështjen e fundamentalizmit islamik në Kosovë. “ne tashme jemi Brenda fundamentalizmit islamik dhe luftës së tij të çmendur, sa më lejoni të ironizoj, s’ka më zot të mos e vërejë dhe kuptojë këtë”, thotë Idrizi. Sipas tij, faj për këtë përshpejtim të fenomenti ka politika populiste e Thaçit, mbështetja indirekte që ka dhënë për këtë dukuri bashkësia islame e Kosovës por edhe disa flirtime politike, si ai i Vetëvendosjes.

“Koha jonë” e Nikollë Lesit, (në fakt shkrimi në fjalë duket se është shkruar nga vetë Lesi),

Shakara me bombë mund të bëhen në filma komedi si ai “Takim me prindërit” ku Ben Stiller i acaruar nga stuardesa, lemeris avionin. Por në jetën e vërtete këto janë “shaka me zarar”. Një shqiptar është arrestuar në stacionin hekurudhor në Emskirchen të Bavarisë, në Gjermaninë jugore. Fillimisht u transmetua si ndodhi e përnjimendtë, por ishte një shaka që i kushton tashmë arrestimin 35 vjeçarit. Në kohën kur faturinoja i kërkoi biletën të riut, ai duke treguar me gisht një çantë, bërtiti “bomba”. Sipas sat1bayern.de.

Konferenca e përbashkët me eurokomisionerin e Zgjerimit Fyle, ishte rasti i duhur që gazetarët ta pyesnin kryeministrin Rama për kryetemën e këtyre ditëve, lëndët kimike siriane. Thelbi i përgjigjes së gjatë të Ramës ishte se “ne jemi bashkë me vendet e tjera të NATO-s në një diskutim të brendshëm dhe nuk jemi në kushtet kur na duhet të marrim një vendim. Në momentin që do na duhet të marrim një vendim, sigurisht këtë do e ndajmë me publikun dhe pa asnjë dyshim me Parlamentin”.

Nga kërpi industrial tek hashashi, një grup fermerësh të Shkrelit bredhin prej vitesh të tëra dyerve të gjykatave nën akuzën e kultivimit të lëndës së famshme narkotike. Ndërkohë që ata vetë deklarojnë se kanë mbjellë kërp, të kontraktuar nga një shoqatë angleze. Më në fund Gjykata e Apelit në Shkodër i ka shpallur të pafajshëm 22 fermerët e akuzuar.

Lidhur me çështjen e armëve kimike siriane, deputeti demokrat Genti Strazimiri i ka kërkuar së fundi llogari vetë ambasadorit amerikan në ikje, Aleksandër Arvizu. Duke e akuzuar madje se po ndikon në shtimin e anti-amerikanizmit tek populli më proamerikan në botë. Ja ç’shkruan Strazimiri në faqen e tij në fb:

Gazeta Mapo ka intervistuar të atin e komandos shqiptare Marenglen Bramati, që dha shpirt në Spitalin Ushtarak, dy javë pas kthimit nga Afganistani. Nënoficeri 31-vjeçar, pjesë e forcave komando i drejtoi armën në kokë vetes vetëm pak ditë pas kthimit nga misioni, e megjithë përpjekjen e mjekëve, nuk mundi të fitojë betejën me vdekjen. Marengleni kishte qenë pjesë e pesë misioneve: një herë në Irak, dy herë në Çad dhe dy herë të tjera në Afganistan.

Mediat e Prishtinës njoftojnë se pas arrestimit të gjashtë të dyshuarve si terroristë islamikë, një komunikatë kërcënuese është shpërndarë nga i ashtuquajturi “Xhemati i Teuhidit dhe Xhihadit në Kosovë”. Me këtë komunikatë është kërcënuar Policia e Kosovës se nëse nuk i liron gjashtë të arrestuarit, do të përballet me “sulme të dhimbshme”. Policia e Kosovës është duke analizuar shkallën e seriozitetit të këtij kërcënimi. Komunikata e lëshuar nga adresa xhemati-xhihadit@hotmail.com, thotë:

Një sqarim për deputetët e grupit parlamentar, që kryeministri Rama ka dashur ta mbajë “larg mediave” lidhur me çështjen delikate të stoqeve kimike siriane, ka dalë sot në të përditshmen Panorama. Rama u ka thënë dje deputetëve socialistë se nga biseda e gjatë telefonike me sekretarin amerikan të Shtetit, Xhon Kerri, ka marrë garanci të plota teknike e logjistike për shkatërrimin e këtyre sasive të rrezikshme, nëse Shqipëria vendos të pranojë. “Por nuk ka asnjë diskutim ende, dhe jo më vendim për këtë punë”, u tha Rama deputetëve, të cilët nuk bënë ndonjë pyetje.