Arkiv-Lajme

Kërkesa e INUK për pezullimin e punimeve të bulevardit të ri të Tiranës është rrëzuar sot nga Gjykata Administrative. Me këtë vendim i hapet rruga vazhdimit të punimeve për këtë projekt madhor të Tiranës.

Përveç reagimit publik në drejtim të organit të akuzës, duket se ministria e Mbrojtjes kërkon edhe veprim konkret institucional për “pastrimin e emrit”. Ministrja e Mbrojtjes, Mimi Kodheli i kërkon Prokurorit të Përgjithshëm Adriatik Llalla të reagojë lidhur me akuzat e PD-së për përfshirjen e ushtrisë në trafikun e lëndëve narkotike. Përmes një shkrese zyrtare dërguar kryeprokurorit, ministrja thekson domosdoshmërinë e hetimit të këtyre akuzave, pasi sipas saj, opozita kërkon t’i bëjë Forcat e Armatosura “mish për top nga propaganda antiqeveritare”. 

Pandeli Majko ishte vetëm 30 vjeç kur si kryeministër i Shqipërisë iu desh të menaxhonte një nga situatat më të vështira që përballej Shqipëria, të mbështeste luftën e Kosovës, por edhe pritjen e qindra mijëra shqiptarë të dëbuar nga makineria e Milosheviçit.  Sot, 15 vjet më pas, kryeministri i luftës tregon për “Revistën Televizive të Mbrëmjes” në Top Channel detaje të atyre ditëve të vitit 1999. Përplasjet me Shkupin zyrtar që i bllokoi në kufi shqiptarët, por edhe me disa kancelari europiane që kërkoni të ndalonin bombardimet mbi Serbi.

Politikanët në Kosovë po shpenzojnë shuma që arrijnë deri në 20 mijë euro në muaj për promovimin e tyre në rrjetet sociale. Të paktën kjo është ajo çfarë shkruan “Zëri”, që ka kryer një studim mbi këtë temë. “Shumica e postimeve të tyre në “Facebook” shihet se janë të promovuara me para, me ç’rast po harxhohen shuma astronomike për propagandën që po e zhvillojnë në rrjetet sociale.

Simbolet dhe objektet e komunizmit në Shqipëri mund të shërbejnë si tërheqje për vizitorët vendas dhe turistët e huaj. I tillë mund të jetë edhe tuneli që gjendet disa metra larg Bashkisë së Gjirokastrës, ku udhëheqja komuniste lokale e kohës planifikonte të jetonte dhe ushtronte aktivitetin e vet në rast të një agresioni nga jashtë. “Sot mund të duket e pabesueshme, por regjimi kishte menduar deri në detaje për çdo gjë në këto ambiente.

Ben Blushi duke folur për librin e tij të sapo botuar thotë se ende nuk ka marrë asnjë urim nga politikanët. Deputeti i PS-së në një intervistë në “Top Channel” tha se edhe kryeministri, Edi Rama bën pjesë tek politikanët që nuk e kanë uruar.

Blushi vetëm pak ditë më parë ka nxjerrë në shitje librin me titull “Hëna e Shqipërisë”, ku ai orvatet të parashikojë se çfarë do të ndodhë më kombin shqiptar në 100 vitet e ardhshme.

Blushi dhe Rama ishin protagonistë të Panairit të Librit në vitin 2011 përkatësisht me librat “Shqipëria” dhe “Kurban”.

S.S

Nuri Çumani, një fotoreporter i njohur, ka nisur betejën ligjore për të mbrojtur të drejtën e autorit lidhur me një foto që i ka realizuar këngëtares së njohur Vaçe Zela, e cila u nda nga jeta disa javë më parë. Çumani mban në arkivin e tij mijëra e mijëra foto të artistëve më të famshëm të Shqipërisë, pasi për shumë vite ka qenë pjesë e Teatrit të Operas dhe Baletit, duke fiksuar çdo moment. Megjithatë, shkruan e përditshmja “Tirana Observer”,  fotoja e tij për Vaçen ka një histori të veçantë. Ajo nuk është pjesë e punës së fotoreporterit, por është realizuar në shtëpinë e këngëtares.

Policia e Tiranës njoftoi sot për pezullimin e 4 punonjësve të policisë për veprime nё kundёrshtim me procedurat standarde pёr menaxhimin e tubimeve.  Pezullimi vjen një ditë pas dhunës së ushtruar ndaj portestuesve për vrasjen e Ilia Karelit në burgun grek.

Sot në Maqedoni zhvillohen zgjedhjet për President. Votuesit janë ftuar të zgjedhin mes 4 kandidatëve për kreun e shtetit; Gjorgje Ivanovin e VMRO-DPMNE-së, Stevo Pendarovskin e Lidhjes Social-demokrate të opozitës, Iljaz Halimin e Partisë Demokratike Shqiptare të Opozitës apo Zoran Popovskin e Opsionit Qytetar të Maqedonisë. Të drejtë vote, sipas Komisionit Shtetëror të Zgjedhjeve kanë 1.779.572 persona, si dhe mbi 8 mijë shtetas që përkohësisht jetojnë jashtë Maqedonisë. Por ndërsa po zhvillohet procesi zgjedhor, në rrjetet sociale po qarkullon një votë e fotografuar.

Ish-zëvëndësministrja e Integrimit, Grida Duma ka dalë sot në një deklaratë publike nga podiumi i Partisë Demokratike për të denoncuar “revanshin e shkarkimeve masive në administratë” që sipas saj, po sjellin pasoja të rënda. Në deklaratën e parë të mbajtur në emër të PD-së, nga selia e PD-së, Grida Duma u shpreh se dyshja Rama –Meta nuk dëgjoi lutjet e Bruna Mejkos, e cila është vetëhelmuar pas largimit nga puna.