Arkiv-Lajme

Këshilli I Europës ngre në nivel politik shqetësimin për situatën e të drejtave të njeriut në Europë. Sipas një raporti të publikuar së fundmi, gjendja në kontinent, lidhur me demokracinë, të drejtat e njeriut, shoqëruar nga dukuri si racizmi, korrupsioni dhe mosndëshkimi, është më e rënda që nga përfundimi I Luftës së Ftohtë. “Të drejtat e qenies njerëzore tashmë kërcënohen nga ndikimet e krizës ekonomike dhe nga pabarazitë që sa vijnë e thellohen”, është shprehur sekretari i Përgjithshëm i Organizatës Panevropiane për Mbrojtjen e të Drejtave të Njeriut, Thorbjorn Jagland.

Komunat serbe në Veri të Kosovës, konkretisht komunat e Leposaviqit, Zubin Potokut dhe Zveçanit kanë deklaruar sot përmes një materiali të shpërndarë për mediat serbe se do të ndërpresin bashkëpunimin me EULEX-in dhe madje, e kanë shpallur misionin në fjalë “të padëshiruar në territoret e veta”. Si arsye është nxjerrë dënimi me paraburgim i qytetarëve të këtyre zonave. Noisur nga rasti i Nebojsha Vujaçiçit, këto komuna kanë deklaruar se askush nuk mund të mbrojë të drejtat e tyre, pasi edhe avokatët mund të vihen në shënjestër të EULEX-it.

s.z 

Këshilli Ndërakdemik për Gjuhën duket se do ta përmbyllë punën e tij në verën e këtij viti. Dhe në finale, ai me gjasë do të bëjë rekomandimet e nevojshme, sipas “matjeve teorike” të cilat mandej do të duhet të kodifikohen në një Kongres të ri. Të gjitha këto, gjuhëtari Shezai Rrokaj, i ka shtjelluar në një intervistë për revistën “Klan”, ku ka apeluar që mënyra sesi realizohet ndryshimi i standardit, ose pasurimi i tij, siç thotë Rrokaj, duhet bëtë me një vendim politik. “Qeveria e Kosovës dhe e Shqipërisë do të marrin një vendim për çfarë ndryshimesh duhen bërë.

Takimi sot në Kukës mes dy qeverive, tëShqipërisë dhe Kosovës, ka dhënë ndër të tjera edhe një mundësi për të theksuar projektin e përbashkët europian të kombit shqiptar, i cili siç tha kryeministri shqiptar Edi Rama, ka si ëndërr të vetën bashkimin. “Sepse jemi një komb dhe ëndrra jonë është “të jemi një komb i bashkuar, në Evropën e bashkuar”, ka thënë Rama. Ai ka përmendur edhe problemet që ekzistojnë mes të dyja vendeve, një nga të cilët është edhe ai ekonomik. “Është e pakuptimtë që midis Serbisë dhe Kosovës, procedurat zhvillohen shumë më shpejt sesa midis Shqipërisë dhe Kosovës.

Në Itali kanë nisur diskutime dhe debate publike rreth egzistencës së një plani të qeverisë për të përfshirë taksën e televizionit në faturat e energjisë elektrike. Synimi i qeverisë është që të rritet niveli i arkëtimit të kësaj takse dhe të ulet evazioni fiskal.

Kriza ukrainase i afrohet përherë e më shumë luftës. Sankisonet dhe masat me natyrë ekonomike të marra nga Perëndimi, nuk kanë arritur që ta mbajnë Vladimir Putinin brenda kufijve të Krimesë, të cilën e aneksoi thuajse duke bërë lojë luftrash. Këto ditë tensionet kanë dalë në sipërfaqe, me të njëjtën teknikë veprimi edhe në qytete si Donbasi, Kramatorsku, Donetz, Karkhov, Lugansk, Slavyansk dhe Horlivka, ku protestues prorusë kanë kapur godinat qeveritare.

Një rast racizmi në Itali, ka gjetur sërish një shqiptar si “viktimë”. Shpëtim Hala, arbitër në kategorinë inferiore në vendin fqinj, është bërë pre e sulmeve raciste dhe e kërcënimeve. Shpëtim Hala, arbitri me origjinë shqiptare, ka dhënë dorëheqjen pasi ka bërë denoncimin publik dhe ka përcjellë kërkesën me arsyet në Komisionin Arbitral. “Dorëheqja ime ishte për faktin se shpesh po ndodhnin fyerje dhe sharje nacionaliste. Me sa duket të jesh shqiptar nuk pranohet lehtë nga qytetarët italianë.

Top-Channel raporton sot se së shpejti qeveria shqiptare e drejtuar nga ekipi i “Rilindjes” do të sjellë për diskutim në parlament disa ndryshime në ligjin që trajton dëmshpërblimet e kompanive të sigurimeve për të aksidentuarit. Cili është thelbi i këtyre ndryshimeve? Sipas ekspertëve të intervistuar nga Top-Channel, thelbi i kësaj iniciative është i thjeshtë: si të rregullohet që kompanitë të mos paguajnë dëmshpërblime. Ose për të kaluar nga gjuha ekonomike në gjuhën politike: të bëjmë diçka që “ta hanë” qytetarët.

Eurodeputeti i njohur Joseph Daul ka deklaruar në një intervistë dhënë për një gazetë në Strasburg, se kriza e Ukrainës duhet t’I mësojë Europës që të merret seriozisht me Ballkanin. Arsyeja sipas tij lidhet me “situatën eksplozive” në Ballkan, ku krimi dhe oligarkia po bëhen dominues. “Ata (euro deputetët e ardhshëm) së shpejti duhet të bëhen të vetëdijshëm me atë që ndodh në Ukrainë. Dhe gjithashtu në Ballkan! Në Ballkan situata është eksplozive! Nëse nuk vendoset atje shteti juridik, do të vazhdojë banditizmi i madh, oligarkia dhe korrupsioni. Kjo është e pamundur të kontrollohet.

Ligji që ndalon pjesëmarrjen e shtetasve kosovarë në konflikte të armatosura jashtëterritorit të shtetit është kundërshtuar nga Vetëvendosja. Sipas përfaqësuesve të kësaj partie, ligji ka mangësi. “Ky ligj nuk e përshkruan saktësisht qëllimin me të cilin do të përdorej në raste të tjera, në rrethana të tjera në vendet shqiptare”, u shpreh përfaqësuesi i VV-së Rexhep Selimi. Por duket se ky pretendimi i VV-së nuk është marrë parasysh nga partitë e tjera politike, pasi ai është kaluar në Komisionin për Punë të Brendshme, Siguri dhe Mbikëqyrjen e Forcës së Sigurisë.