Arkiv-Lajme

Kush vishet mirë në Shqipëri? Sipas shijeve të gazetarit të njohur, Sokol Ballës ish-kryeministri Sali Berisha tashmë ka nisur të vishet mirë. Ndërsa, Edi Rama ka transformim rrënjësor në garderobën e tij. Por ky transformim rrënjësor e ka bërë më të mërzitshëm. “Ka qenë më interesant i veshur keq” tha ai mbrëmë në emisionin “Jamais Vu”, të Mustafa Nanos në RTV Ora News.

Pas humbjes së zgjedhjeve parlamentare, duket se tashmë vjen periudha më e vështirë për partinë e drejtuar nga Lulzim Basha. Zgjedhjet brenda partisë po krijojnë një situatë të rrezikshme në këtë parti.

“Shqiptarja” shkruan se, Basha, është parë mesditën e djeshme të hyjë në zyrën luksoze të ish-kreut demokrat, njëherësh ish-kryeministrit Sali Berisha, e cila ndodhet përballë TVSH-së, për të qëndruar aty mbi një orë.

Gazeta e interpreton këtë vizitës si kërkim ndihme pasi Bashës duket se i ka dalë situata nga kontrolli.

Forcat e Armatosura kanë nisur sot punën në aerodromin e Gjadrit për mbylljen e tij, pas akuzave të opozitës për përdorimin e kësaj piste për trafik të lëndëve narkotike nga ana e ushtrisë.

 Gjatë aksionit, ushtria ka vendosur barriera betoni me qëllim pengimin e uljes së avionëve në pistën e Gjadrit. Mësohet se aksioni do të vijojë deri ditën e martë, ndërsa punimet do të mbikëqyren nga Shtabi i Përgjithshëm i FA, raporton “Shqiptarja.com”.

Autoritetet në Uruguai kanë zbuluar sesi do të prodhohet dhe shitet në mënyrë ligjore marijuana. Farmacitë e licencuara do të shesin për më pak se 1 dollarë gramin, ndërsa konsumatorët do të lejohen të blejnë deri në 40 gr në muaj.

Ligji specifikon se, çdo shtëpi mund të kultivojë 6 rrënjë kanabis dhe marijuana mund të konsumohet në të njëjtat vende që konsumohet duhani.

Vitin e kaluar, Uruguai u bë vendi i parë në botë që lejon rritjen, shitjen dhe konsumin e marijuanës. Ligji i propozuar nga presidenti, Jose Mujica pritet të hyjë në fuqi në fillim të javës së ardhshme.

Rrëshqitja e dheut në Afganistan ka shkaktuar një katastrfoë, pasi dyshohet se të paktën 2 mijë vetë kanë humbur jetën. OKB thotë se më shumë se 350 trupa janë gjetur në provincën Badakhshan në juglindje të Afganistanit.

Qindra shtëpi u përpinë nga dheu të premten kur një pjesë e malit u rrëzua pas rrebeshit të shiut.

Badakhshan është një zonë malore e rrëshqitshme dhe një zonë rurale. Të paktën 1 mijë shtëpi janë prekur nga rrëshqitja e dheut, ndërsa 300 u mbuluan nga dheu që u shkëput nga mali.

Organizata amerikane Cato institute ka emëruar 90 vendet më të mjerueshme në botë. Aty gjenden disa emra mjaft tëharta e ballkanit habitshëm. Ndërmjet 90 vendeve me të mjerushme janë edhe gjashttë vende të Ballkanit ndër ta edhe Shqipëria. 

Por gjithsesi vende më nivel më të lartë ekonomik kryesojnë në renditjen e mjerimit. Venezuela, kryeson listen e dëshpëruar me një rezultat prej 79.4, kryesisht për shkak të normës së saj të lartë të inflacionit. irani zë vendin e dytë me një rezultat prej 61.6, pasuar nga Serbia (44.8) Argjentinë (43.1) dhe Xhamajka (42.3). 

Situata në Ukrainë i drejtohet konfilktit të amratosur. Mediat raportojnë se pak orë më parë përplasjet me armë në qytetin e Odesës, mes prorusëve dhe forcave qeveritare të Kievit kanë shkaktuar të vrarë. BBC-ja flet për të paktën 31 të vrarë nga luftimet në rrugë. Ministria e brendshme ukrainase njofton se nga militantët prorusë janë rrëzuar dje tre helikopterë në Slloviansk. “Beteja” e sotme  lidhej me kapjen e disa ndërtesave qeveritare dhe ajo erdhi një ditë pasi presidenti ukrainas, Turçinov, shpalli mobilizimin.

Komisioneri për Zgjerimin, Stefan Fule thotë se BE-ka ka kontribuar në konfliktin aktual në Ukrainë duke mos kuptuar deklaratat e kaluara të presidentit rus, Vladimir Putin.

“Ne nuk i morëm seriozisht mesazhet që na çoi Putin kur tha disa vite më parë se, shpërbërja e Bashkimit Sovjetik ishte katastrofa më e madhe e shekullit të XX”, tha ai në një intervistë për Radion Evropa e Lirë.

Jonathan Moore, zyrtar i lartë i Departamentit të Shtetit ka komentuar se korrupsioni dhe krimi në Shqipëri nuk do të luftohen kurrë përmes akuzave mes palëve politike, por duke kaluar çdo fakt e çështje përmes sistemit të drejtësisë. Në një intervistë për Zërin e Amerikës Morrë ka folur sesi i shohin ata dhe si ndikojnë për vendin përplasjet politike mes opozitës dhe mazhorancës apo edhe përplasjet mes institucionit të presidentit dhe qeverisë.

Një vizitë “historike”, për marrëdhëniet për të ardhmen e vendeve të Ballkanit. Kështu e ka cilësuar Erion Veliaj, Ministër i Mirëqënieës Sociale dhe Rinisë, vizitën zyrtare që pritet të zhvillojë Kryeministrit Rama në Beograd. Në një intervistë të dhënë për gazetën “Illyria”, Veliaj është shprehur se marrëndhëniet e shteteve të Ballkanit kanë hyrë në një fazet të re.