Arkiv-Lajme

Deputeti i Partisë Demokratike Edmond Spaho ka folur në një intervistë për revistën “Java” përmes të cilës ka nënvizuar një përgjegjësi direkte të Bankës Botërore në krijimin e situatës energjetike në vend. Spaho thotë se ky është mendimi i tij, jo i PD-së dhe shton se rritja e çmimit të energjisë është e turpshme.

Anëtari i Komitetit Ekzekutiv në Federatën Shqiptare të Futbollit,  Fatbardh Jera, e cilësoi si një shtetrrethim gjendjen e këtyre orëve të Beograd, lidhur me masat e larta të sigurisë që janë marrë në kryeqytetin serb, për mbarëvajtjen e supersfidës Serbi-Shqipëri.

Një grup gazetarësh dhe biznesmenësh janë ndaluar të kryejnë proceduarat e kontrollit të pasaportave, në aeroportin “Nikola Tesla” të Beogradit, pasi njëri prej tyre mbante një shall të kombëtares shqiptare.

Pas një mungese më shumë se njëmujore të shfaqjes në publik, dhe pas shumë hamendësimeve dhe thashethemeve mbi shëndetin e tij apo edhe pikëpyetjet nëse është ende në pushtet, është shfaqur diktatori i Koresë së veriut Kim Jong Un. Media shtetërore e Phenianit ka shfaqur sot 31 vjeçarin teksa “inspekton” disa ndërtime në reja, shoqëruar si gjithnjë nga zyrtare e ushtarakë të lartë me bllok shënimesh në dorë.

Operatori i Shpërndarjes së Energjisë Elektrike (CEZ-i apo OSSH-ja e dikurshme) raporton se ka ulur nivelin e humbjeve në rrjet gjatë muajit Shtator. Sipas të dhënave zyrtare të publikuara nga kompania, niveli i humbjeve arrin në vlerën e 31.7%, një përmirësim me 3.4% krahasuar me të njëjtën periudhë të një viti më parë. Po ashtu, OSHEE deklaron shifra pozitive edhe në arkëtime.

Zbardhet arsyeja e refuzimit të çuditshëm, këmbëngulës por të heshtur të 50-vjeçarit nga Lezha Genc Prenga, i cili dje kundërshtoi forcat e policies rrugore duke mos ndaluar në Bulevardin qëndror të kryeqytetit. Mjeti rezulton i vjedhur, njofton A1 Report. Një ditë më parë, Prenga nuk i është përgjigjur urdhrit të policisë rrugore për të ndaluar, madje ka tentuar t’i përplasë efektivët.

Ministria e Financave ka bërë kallëzim penal për ish-ministrin Ridvan Bode dhe zëvendësin e tij, Sherefedin Shehu.  Kallëzimi bazohet mbi konstatimin nga ministria të shkeljes së barazisë në tenderin e kredisë prej 230 mln eurosh për ndërtimin e “Rrugës së Kombit”. Dëmi që pretendohet se është shkaktuar nga dyshja Bode-Shehu është 60 milionë euro. Sipas ministrisë së Financave tenderi është bërë me prokurim të drejtpërdrejtë dhe kredia është marrë me interes 13% .

Ambasadorja dhe Koordinatorja Kundër Terrorizmit në Departamentin Amerikan të Shtetit, Tina Kaidanow, ka anuluar vizitën e saj në Kosovë për shkak të problemeve politike që ka vendi, por edhe për shkak të problemeve në sistemin e drejtësisë – që u shfaqen sidomos me lirimin e disa personave/imamëve të dyshuar për terrorizëm. Kështu thonë burime diplomatike për Gazetën Express. SHBA duket se është e indinjuar me mënyrën se si u liruan ata. Lajmi për shtyrjen e vizitës është konfirmuar në Twitter edhe nga Ambasadorja Amerikane në Prishtinë, Tracy Jacobson.

Dhjetë ditë pas sherrit Llalla-Hajdari, prokurorët do të mblidhen sërish për të tentuar shkarkimin e Shkëlqim Hajdarit, kësaj here si kreu i Shoqatës së Prokurorëve. Sekretarja e kësaj shoqate, Ida Ahmetlli, i ka dërguar një email të gjithë trupës së prokurorëve të Shqipërisë, që të mblidhen në ditët në vijim, ku në rend të ditës do të jetë pikërisht çështja e lënë pezull. Më datë 3 tetor, Ahmetlliu, në mbledhjen e prokurorëve për të zgjedhur anëtarin e bordit të Shkollës së Magjistraturës, propozoi një nismë të firmosur nga rreth 80 prokurorë për largimin e Hajdarit.

Shqiptarë, italianë, malazezë. Por mbi të gjitha, deputetë të Kuvendit. Gazeta "Shqip" njofton se pesë deputetë rezultojnë të implikuar në trafikun e tonelatave të kanabisit drejt Italisë nga rrjeti kriminal, gjysma e të cilit u shkatërrua para 14 ditësh te Rana e Hedhun, pranë Lagunës së Vilunit në Velipojë, ku u sekuestruan 804 kg drogë dhe u arrestuan shtatë persona. Sipas skemës së trafikut, skafi i fuqishëm me tre motorë, me një rrugë çonte në tokën italiane mbi 5 kuintalë kanabis, të vjelë në Tepelenë, Dukagjin dhe Fushë-Krujë.