Arkiv-Lajme

Nga 1 janari 2015 Serbia merr kryesinë e radhës të Organizatës për Siguri dhe Bashkëpunim në Evropë (OSBE). Këtë kryesi e mbajti Zvicra për gjashtë muajt e kaluar. ATSH lajmëron se Zv.kryeministri serb, njëkohësisht ministër i Jashtëm i vendit, Ivica Daçiç deklaroi gjatë marrjes së kësaj kryesie se Ballkani Perëndimor, bashkëpunimi rajonal dhe procesi i paqes në Ukrainë do të ishin prioritetet e kryesimit të radhës të OSBE-së nga ana e Serbisë.

Në fjalën e saj për Vitin e Ri 2015, kancelarja gjermane Angela Merkel ka theksuar unitetin e Evropës. Ajo ka premtuar edhe mbështetjen e Gjermanisë për refugjatët që ikin nga zonat e përfshira me luftë. “Uniteti i Evropës është çelësi për kalimin e krizës në Ukrainë”, deklaroi kancelarja gjermane Angela Merkel në fjalën e saj të përgatitur për Vitin e Ri. Nuk ka kurrfarë dyshimi "që sigurinë në Evropë ne duam ta sigurojmë së bashku me Rusinë dhe jo përkundër Rusisë".

Nga 1 janar 2015 pasaportat dhe kartat e identitetit do të kushtojnë më shtrenjtë. Rritja e çmimit është parashkruar në kontratën që shteti shqiptar ka firmosur me kompaninë ALEAT. Kuponi për pasaportat që deri në 30 dhjetor 2014 kushtonte 6 mijë lekë, nga sot  do të kushtojë 7500 lekë. Çmimi rritet dhe për kartat ID, nga 12 mijë në 1500 lekë. Pasaportat e reja do të kenë aktiv informacionin elektronik, çka do të thotë se nuk do të jetë më i nevojshëm marrja e vërtetimeve shtesë kur qytetari kërkon shërbime.

l.v

“Sa njerëz të pafajshëm dhe sa fëmijë vuajnë në botë! Zot, na dhuro paqen tënde!”. Kështu shkruan Papa Françesku në një mesazh në twetter me rastin e Ditës Botërore të Paqes, që festohet nga Kisha çdo 1 janar. “Nuk është e mundur të duash Zotin, por jo Kishën, të dëgjosh Jezu Krishtin, por jo Kishën, t’i përkasësh Zotit, por jashtë Kishës. Misioni i Kishës shprehet me anë të mëmësinë së saj.

Të paktën 35 persona gjetën vdekjen gjatë festimeve për Vitin e Ri në Shangai. Tragjedia ndodhi kur turma e mbledhur në sheshin Cen Ji me rastin e natës së ndërrimit të viteve u zhvendos me rrëmujë drejt një destinacioni afër sheshit, çka bëri që dhjetra persona të shtypen nga turma.

“Koha Ditore” ka bërë një përshkrim për figurat kryesore të politikës së Kosovës, duke i lidhur me qëndrimet e tyre, por edhe me ndryshimet që u janë imponuar. “Isa Mustafa mund të mos e mbajë mend as vetë sa herë ka ndryshuar qëndrimet, parimet e pohimet”, shkruan gazeta, që e cilëson kryeministrin aktual “kameleoni i vitit”, referuar kjo një përmbledhjeje që është marrë nga emisioni “Interaktiv”. Ramush Haradinaj konsiderohet si humbësi i përhershëm, kurse ikja e Hashim Thaçit nga pozicioni i kryeministrit, quhet si rënia e vitit.

Presidenti i Italisë, Giorgio Napolitano, ka njoftuar sot, në fjalimin e fundvitit 2014, largimin së shpejti nga detyra aktule. “Ndjej se mosha që kam arritur sjell kufizime dhe vështirësi në rolin kompleks dhe impemjativ si dhe në angazhimet ndërkombëtare që i besohen kreut të shtetit”, tha Napolitano. Papunësia e të rinjve ishte shqetësimi kryesor i përcjellë për Italinë, që në vlerësimin e presidentit “për fat të keq nuk ia ka dalë të shkëputet nga krizë ekonomike”.

“Balkanweb” shkruan se sipas një llogarie bazuar në të dhënat zyrtare të shtatë vendeve të Ballkanit Perëndimor, Shqipërisë, Kroacisë, Serbisë, Malit të Zi, Kosovës, Bosnje-Hercegovinës dhe Mqedonisë, shifra e papunësisë është 2 324 427. Në vend të parë sipas shifrave absolute qëndron Serbia me 741 mijë të papunë, kurse në vend të fundit, është Mali i Zi me 3414 të papunë. Kur vjen puna për të vlerësuar sipas përqindjeve në raport me forcat e punës apo me populsinë, kjo renditje ndryshon.

“Krijo kaos mjaftueshëm, siç CIA bëri në Iran më 1953”, në Kili më 1973 dhe në raste të tjera grushtesh shteti dhe qeveria legjitime mund të rrëzohet. Është teknika e soft power e SHBA-së e quajtur “Ndryshim i Regjimit 101”. Kështu shkruan regjisori amerikan Oliver Stone, i cili ka njoftuar se do të realizojë një dokumentar prej 4 orësh që do të flasë për ngjarjet në Ukrainë. Stone ka intervistuar për këtë qëllim, ish-presidentin e rrëzuar ukrainas, Viktor Yanukovych.

Nuk dihet nëse është përkthyer e botuar ndonjëherë në Shqipëri *
-Në 74 vjetorin e vdekjes së poetit dhe atdhetarit të madh-