Arkiv-Lajme

Portali zalart. al ka publikuar foto të kandidatit të Partisë Socialiste për bashkinë e Krujës, Artur Bushi, të cilat sipas saj tregojnë se në takimet e Bushit është present edhe Durim Bami, personi i shumëpërfolur për inskeminimin e vrasjes së Tom Doshit nga Ilir Meta. Portali e ka shoqëruar foton edhe me një tekst ku thuhet; Persona në arrest shtëpie, të njohur si element të rëndësishëm e kyc në procese të rënda hetimi janë shfaqur në fushatë në mbështetje të kandidatëve lokal.

Shtypi shqiptar në Maqedoni ka ngritur pikëpyetyje mbi ekuilibrat e politikës së jashtme të qeverisë shqiptare, nisur edhe nga deklaratat më të fundit të ministrit Ditmir Bushati. Gazeta Zhurnal shkruan se “Duke qenë se diplomatët i matin fjalët mirë dhe rrallëherë i përdorin rastësisht ato, bie në sy qëndrimi më i fundit i ministrit të Jashtëm të Shqipërisë, Ditmir Bushati, lidhur me Kumanovën. Qëndrimet e fundit të Shqipërisë për ngjarjet e Kumanovës ishin që të bëhej një hetim ndërkombëtar dhe se Maqedonia do ta kishte të vështirë rrugën për në NATO nëse nuk zbaton marrëveshjen e Ohrit.

Ka bërë bujë lajmi se Gjykata e Kasacionit në Napoli ka dënuar gazetarin dhe shkrimtarin Roberto Saviano me 60 mijë euro gjobë pasi akuzohet për plagjiaturë. Saviano ka marrë në librin e tij “Gomorra” pjesë nga nga gazeta “Le Cronache di Napoli” pa i cituar: Është fjala për tre artikujt të kopjuar e riprodhuar në librin e tij, por pa u cituar burimi. Artikujt janë marrë nga gazetat Cronache di Napoli dhe Cronache di Caserta, ironikisht, media këto që vetë Saviano i ka kritikuar për sjelljen e tyre dhe qëndrimet ndaj mafias.

Mund të ndodhë vetëm në Shqipëri. Parlamenti do të qëndrojë i mbyllur deri sa të mblidhen deputetët e shpërndarë në fushatë lartë e poshtë vendit. Kuvendi njoftoi se në pamundësi për të krijuar kuorumin e nevojshëm për shyrtimin e projektligjeve, seanca plenare e ditës së enjte nuk do të zhvillohet. “Meqenëse komisionet  paralametare nuk munden të mblidheshin për të shqyrtuar projektligjet e planifikuara për senacen plenare të ditës së enjte, dt. 18.06.2015, ju njoftojme se seanca e ditës së enjte nuk do të zhvillohet”-thuhet në njoftimin e kuvendit.

l.m

Në një profeci për Erion Veliajn, dje në një miting të kandidatit të majtë, banori i zonës së Farkës dhe imami i xhamisë në fjalë Naim Leci, doli në podium ku kërndoi disa vargje arabisht dhe parashikoi jo vetëm fitoren e Veliajt në zgjedhje, por edhe një të ardhme më të largët, kur Veliaj do bëhet kryetar I PS-së. Duket se nisur nga ky gjest, Komuniteti Mysliman i Shqipërisë u bëri apel partive që emri i këtij institucioni të mos përdoret për efekte elektorale.

Edhe në Prishtinë ndodhin arrestime gjyqtarësh. Ish gjyqtarja e Gjykatës Komunale Naxharije Hoti dyshohet për korrupsion dhe falsifikim të dokumenteve me qëllim të tjetërsimit të pronave, duke përfituar materialisht, njofton lajmi.net. Hoti kishte kompetencë çështje pronësore sa kryente funksionin e gjyqtares në Gjykatën Komunale në Prishtinë, dhe bën pjesë në rastin e grupit të ish kryetarit të kësaj Gjykate Nuhi Uka. Ky i fundit ishte dënuar me dy vjet burg me kusht.

Cështja Becchetti dhe Agon Channel bashkëshoqëruar me të, ka shqetësuar sot analistët Andi Bushati e Mero Baze. Në një shkrim tek Lapsi.al, Bushati anatemon mediat shqiptare që janë të kapura, dezinformuese dhe jo në shërbim të publikut, pasi nuk ngrenë pyetje si psh: Pse flitet për pastrim parash kur nuk kemi asnjë provë se paratë për të cilat bëhet fjalë vijnë nga një burim kriminal? Si mund të sekuestrohet një biznes kur ende- ashtu sikurse thotë prokuroria- nuk kanë ardhur vërtetimet nga bankat europiane, të cilave u është kërkuar ky raport? Ç'është ky nxitim?

“Përshëndes kryeministrin Rama në një fjalim brilant në Konispol, i cili sot iu drejtua të gjithë qytetarëve që të jenë të gjithë bashkë e të kuptojnë se Konispoli nuk mund të jetë transferimi i konflikteve etniko-fetare siç ka qenë Himara. Por, Konispoli duhet të jetë vendi i bashkëjetesës myslimanë, ortodoksë e katolikë.

Vëllai i ish-presidentit amerikan George W.Bush, John Ellis, më i njohur si Jeb Bush, ka zyrtarizuar pak më herët kandidaturën për president të SHBA-së nga rradhët e republikanëve. Politikani ish guvernator i Floridas ka qenë i përfolur për një kandidim dhe më në fund ka vendosur ta zyrtarizojë atë.

Fotoja e mësipërme është publikuar sot nga ish-kryeministri Sali Berisha në profilin e tij në Facebook. Berisha ngre dyshime dhe akuzon përfshirjen e policisë së (pu)shtetit në fushatë. Nuk ka ndonjë gjë të çuditshme në fakt, pasi jemi mësuar me këto gjëra. Por për të përmbushur detyrimin e të qenit skeptik, nja dy pyetje duhen shtruar: Mos vallë është flamur i sekuestruar dhe jo flamur solidariteti? Mos vallë fotoja është bërë ditën e ndeshjes me Francën dhe punonjësit e policisë kanë të drejtën e tyre të festojnë me flamurin e zemrës?
s.z