Arkiv-Lajme

“Koha Ditore” shkruan sot lidhur me gjykimin që do t’i bëhej Fatmir Limajt. “EULEX-i nuk i ka dhënë mbrojtje dhe status të informatorit një zyrtari të vet para se ta denonconte gjyqtarin Manuel Soares për anshmëri në rastin “Kleçka”, shkruhet në “Koha Ditore”. Sipas saj ai kishte biseduar me një zyrtar të lartë të EULEX-it për këtë mundësi, po i ishte thënë se nuk mund ta marrë këtë status. “Koha Ditore” ka një incizim që dëshmon bisedën në mes të këtyre dy zyrtarëve të EULEX-it.

Janë identifikuar dy personat që shfaqen në të njëjtën tavolinë me ish­kreun e Prokurorisë për Krimet e Rënda, Eugen Beçi, në fotot e publikuara në Facebook nga deputeti Tom Doshi, mbrëmjen e së enjtes. “Panorama online” shkruan se foto e publikuar në Facebook nga Tom Doshi. Bëhet e ditur se dy personat në fotografi janë Ylli Xhaxhollari dhe Fatjon Skënderi. Fotoja në fjalë është shkrepur në një nga baret e zonës së ish­ Bllokut dhe referuar veshjeve të personave në foto, është bërë gjatë verës.

Kreu i Kuvendit Ilir Meta është paraqitur në Prokurorinë e Krimeve te Renda, ashtu sikundër kishte konfirmuar edhe një dite me parë. Meta është paraqitur ne organin e akuzës ne oren 08.00 te mëngjesit të së premtes, thërritur për të dëshmuar lidhur me denoncimin e bërë nga deputetit Tom Doshi i cili ka akuzuar Ilir Metën se ka urdhëruar vrasjen e tij dhe të deputetit Mhill Fufi. Kreu i Kuvendit doli nga  Prokuroria e Krimeve të Rënda rreth orës 09: 30 minuta. Për gazetarët Ilir Meta tha: “Sapo përfundova dëshminë time me thirrjen e bërë nga Prokuroria e krimeve të Rënda.

Gjatë intervistës në emisionin “Opinion” kryeministri rama zbardhi parimin mbi të cilin është negociuar marrëveshja me LSI-në për zgjedhjet lokale. Ai tha se dy partitë nuk i kanë lënë zona të lira njëra-tjetrës, por kanë ndarë të drejtën e propozimit të kandidatëve për bashkitë ku do të garohet. Sipas tij, kjo marrëveshje nënkupton që nëse Partia Socialiste nuk është dakord me një kandidat të propozuar nga LSI në një zonë të caktuar, atëherë Lëvizja Socialiste për Intergim është e detyruar të tërheqë kandidatin dhe të propozojë një emër tjetër.

Kryeministri i vendit ka premtuar sot në studion e “Opinion” se nëse qeveria do të kalojë në operacionin e pajisjes me matësa inteligjentë për energjinë elektrike, ato nuk do të paguhen nga konsumatorët. Kryeministri ka sjellë si shembull krahasues kasat fiskale, të cilat iu shitën bizneseve dhe sipas tij u detyruan edhe të paguanin mirëmbajtjen. Për matësat inteligjentë, ai tha se do të instalohen, nëse faza pilot e 10 mijë matësave, që financohen nga Deutsche Telekom rezulton e suksesshme.

Është transmetuar sot intervista e Tom Doshit në studion e “Top Story” ku ai ka folur për çështjen shumë të diskutuar të përpjekjes për vrasjen e tij. Deputeti ka sqaruar se për ekzistencën e një përpjekjeje të tillë e ka marrë vesh nga deputeti tjetër i PS-së, Mark Frroku. “Unë kam qenë në Budva me familjen, më mori në telefon Mark Frroku dhe më tha që ku je se dua të të takoj se është një problem urgjent. I thashë që për dy ditë kthehem. Kur u ktheva më thotë që kam takuar një person që unë e njoh dhe më ka thënë që Ilir Meta ka paguajtur lekë për të të eliminuar ty dhe Mhill Fufin.

Kryeministri Rama ka deklaruar në emisionin “Opinion” se akuzat e Tom Doshit për një vrasje të porositur nga kryetari i kuvendit, Ilir Meta janë një farsë që drejtësia duhet ta zbardhë  se kush e ka organizuar. Sipas tij që në krye të herës për policinË që ka ndjekur çështjen, nuk ka pasur asnjë përpjekje për të eliminuar Tom Doshi dhe kjo i është thënë disa herë deputetit. “Pretendimin për organizimin e vrasjes e kam mësuar nga vetë deputeti, i cili më shprehu shqetësimin se ishte në dijeni të një komploti ku përfshiheshin personat që dihet se kush janë.

Komiteti i Nobelit, pra organi që përcakton se kush do të marrë çmimin prestigjoz, ka kryer një ndryshim në drejtimin e vet. Komiteti ka zëvendësuar kreun aktual, Thorbjørn Jagland, drejtimi i të cilit vlerësohet se ka qenë kontrovers, me Kaci Kullmann Five, ish-lidere e partisë konservatore norvegjeze. Nuk është bërë e qartë arsyeja zyrtare e ndryshimit, por vetë Jagland, ish-kryeministër i Norvegjisë, ka deklaruar për televizionin publik norvegjez se vendimi për zëvendësimin e tij u mor nga anëtarë të Komitetit që janë caktuar aty nga parti të djathta.

Kryetari i PD-së, Lulzim Basha, ka përsëritur pas seancës plenare, kërkesën për dorëheqje të kreut të Kuvendit, Ilir Meta. Basha ka deklaruar, njësoj si Berisha para tij, se në pozicionin ku ndodhet, askush nuk mund ta hetojë Metën. Shembull është ai që Basha e quajti rrjedhje të informacionit nga dëshmia e Durim Bamit në Prokurori. “ Janë ata, Rama dhe Meta autorët e filtrimit në media të informacioneve nga marrja në pyetje e Durim Bamit për këtë çështje.

Ish-presidenti Bamir Topi dhe dikur një nga figurat kryeore të PD-së ka komentuar sot nga Elbasani situatën politike të zhvilluar në Parlament. “Opozita nuk mund të kërkojë dorëheqje ende pa u vërtetaur asnjë akuzë për çështjen në fjalë. Berisha sot bëri një autogol me deklaratat e tij, pasi nuk mund të flasë për pengim hetimesh, kur ishte ai që pengoi hetimet për Gërdecin dhe 21 janarin”, tha Topi. Topi ka kërkuar kështu që hetimi penal të ketë përparësi ndaj akuzave të politikës.
s.z