Arkiv-Lajme

Në një postim të sajin në rrjetin social Facebook, mjekja Lindita Shosha bën publike dorëheqjen e saj nga Spitali i Traumës. Deklarata e postuar në profilin e saj është botuar edhe në disa media online. "Sot bëra kërkesën për largimin definitiv nga Spitali Universitar i Traumës. Arsyet janë të shumta, por mbi të gjitha, ajo që po më detyron të largohem përfundimisht nga institucioni, të cilit i kam shërbyer devotshmërisht që prej vitit 1994 e deri më sot, është mjerimi i tejskajshëm ku ndodhet institucioni im prej vitesh.

Divorci i Tom Doshit me Partinë Socialiste solli edhe fundin e miqësisë së tij me Edi Ramën. Një marrëdhënie që kryeministri nuk ka dashur ta komentojë pas historisë me vrasje të porositura dhe eliminime të paramenduara, duke i qëndruar idesë se shkelja e “kontratës” nga ana e deputetit të Shkodrës e bënte të pamundur bashkejetësën mes tyre në familjen politike të Partisë  Socialiste.

Ish-kryeministri i vendit, Sali Berisha, pretendoi dje se nuk ka një thirrje nga prokuroria, por po t’i vijë thirrja ai do të shkojë. Bëhet fjalë për të dëshmuar për dijeninë që ai ka për çështjen “Doshi”, për të cilën tha, ose i shpëtoi, se ka dijeni prej tre muajsh. Sot, numri dy i LSI-së, Ylli Manjani, i ka kujtuar Berishës, detyrimin për t’u paraqitur në Prokuorori, pasi aty shkuan të gjithë që u përmenden në videon “Bami-Doshi”.

Ndërsa paraja e gjerë në ekonomi ka ulur ritmet e rritjes, paraja jashtë bankave ka ardhur në rritje. Tani kur interesat e depozitave në lekë nuk janë më shumë se 1.5% për afatet 12-mujore dhe bankat pothuajse kanë ndalur kredidhënien, një treg paralel huaje jashtë kanaleve bankare po zhvillohet vrullshëm. “Monitor” ka botuar një investigim ku flitet me shifra se si tregu paralel i huasë po zhvillohet me shpejtësi krahas bankave. Noterët faktojnë një rritje të aktivitetit në nënshkrimin e kontratave të huas, ku individët dhe bizneset marrin borxh te njëri-tjetri.

Nga radhët e zyrtarëve të Policisë që do të pyeten në lidhje me çështjen "Doshi", zv.drejtori i Përgjithshëm i Policisë së Shtetit, Haki Çako, iu përgjigj i pari kërkesës së Prokurorisë së Krimeve të Rënda. Në një kronikë të trasmetuar nga “Top Channel” numri dy i Policisë Shqiptare, qëndroi para grupit të hetimit për gati një orë. Burimet shpjeguan, në rruge jo zyrtare, se kryepolici Çako është pyetur nëse e kishte takuar apo jo deputetin Tom Doshi dhe Durim Bami, ashtu siç edhe deklaroi publikisht ministri i Brendshem, Saimir Tahiri.

"Vatra", një lëvizje qytetare në Kosovë, reagon se spastrimi i trojeve etnike shqiptare nuk ka të ndalur. Ata thonë se politika shqiptare po bën pak që të mbrojë interesat kombëtare.

Prokuroria i dërgon fletë-thirrje ish-kryeministrit Sali Berisha që të dëshmojë për çështjen ‘Doshi’ në Prokurorinë e Krimeve të Rënda. Zyrtarisht, Berisha ftohet që të paraqitet në organin e akuzës ditën e hënë në ora 09:00, për të dhënë deklaratat e tij mbi këtë çështje, e cila ka tensionuar politikën shqiptare. Fletëthirrja për të dëshmuar ka mbërritur në Kuvend edhe për deputetin demokrat, Mhill Fufi, për të cilin deputeti Tom Doshi pretendon se ka qenë objektiv i atentatit të porositur nga kryetari i Kuvendit, Ilir Meta.

Qeveria e Kosovës, në mbledhjen e mbajtur sot ka marrë vendim që t’i dërgojë në Kryesinë e Kuvendit të Kosovës dy amendamentet kushtetuese që i hapin rrugë themelimit të Gjykatës Speciale për Kosovën. ​Vendimi është marrë me shumicë votash. Kreu i ekzekutivit, Isa Mustafa, ka thënë se qeveria që drejton nuke ka të lehtë të marrë vendime të tilla, megjithëse ka thënë se edhe deputetët duhet të jenë ata që duhet votuar për të kryer këtë obligim ndërkombëtar. Mustafa është shprehur i bindur në pastërtinë e luftës së UÇK-së.

Shqipëria është vendi më i ekspozuar në Europë ndaj fatkeqësive natyrore dhe vendi i 37-të në botë. Kjo është njoftuar nga shefi i Emergjencave Civile, Shemsi Premçi, që ka referuar studime ndërkombëtare.

Presidenti i Republikës, Bujar Nishani, iu drejtua sot me një mesazh urimi gjithë edukatorëve, mësuesve dhe pedagogëve me rastin e 7 Marsit, Ditës së Mësuesit. “Në përkujtim të festës së 7 Marsit që është e dashur për të gjithë ne shqiptarët dhe që sivjet përkon dhe me 128 vjetorin e vitit të hapjes së shkollës së parë shqipe, unë ju përcjell urimet më të përzemërta në gëzimin e festës suaj!”, thuhet në mesazhin e Presidentit.