Dorëheqje apo braktisje? Kirurgia dorëhiqet nga spitali i traumës pas 21-vjetësh. L. Shosha: "Mjerim, dhunë, denigrim dhe emërime me karton politikë"
Në një postim të sajin në rrjetin social Facebook, mjekja Lindita Shosha bën publike dorëheqjen e saj nga Spitali i Traumës. Deklarata e postuar në profilin e saj është botuar edhe në disa media online. "Sot bëra kërkesën për largimin definitiv nga Spitali Universitar i Traumës. Arsyet janë të shumta, por mbi të gjitha, ajo që po më detyron të largohem përfundimisht nga institucioni, të cilit i kam shërbyer devotshmërisht që prej vitit 1994 e deri më sot, është mjerimi i tejskajshëm ku ndodhet institucioni im prej vitesh. Mungesa e kushteve minimale për mjekë e pacientë, që e shohin këtë institucion si të vetmen shpresë nga e gjithë Shqipëria, kushtet e vështira në sallat e operacionit që rrisin vështirësinë për të patur cilësinë e dëshiruar dhe mungesa e shpalosjes së teknikave të reja dhe bashkëkohore, pasi që spitali nuk disponon asgjë të tillë, po degradon përditë dijet, trajnimet dhe eksperiencat e shumta të bëra nëpër botë me shpenzimet tona dhe të familjeve tona. Në këto kushte, ky spital nuk i plotëson më aspiratat e mia, kërkesat në rritje ndaj vetes për rritje cilësore dhe bashkëkohore të performancës sime mjekësore, në akord me investimin tim të bërë në vite", shkruan ndër të tjera, Dr. Shk. Mjeke Lindita Shosha, Kirurge e Përgjithshme.
Comments
ju e ngritet korupsionin ne
<p>ju e ngritet korupsionin ne sistem.....shume vone tani , shendetesia ka rene ne koma , do zoti e shpeton.</p>
Add new comment