Një vlerësim nga Edi Rama për Tom Doshin: Shumë ka dhënë në politikë, por asgjë s’ka marrë nga pikëpamja financiare (Video)
Divorci i Tom Doshit me Partinë Socialiste solli edhe fundin e miqësisë së tij me Edi Ramën. Një marrëdhënie që kryeministri nuk ka dashur ta komentojë pas historisë me vrasje të porositura dhe eliminime të paramenduara, duke i qëndruar idesë se shkelja e “kontratës” nga ana e deputetit të Shkodrës e bënte të pamundur bashkejetësën mes tyre në familjen politike të Partisë Socialiste. Ish-deputeti socialist është modeli i një politikani që Edi Rama e ka mbështetur dhe promovuar për atë që ai përfaqëson në politikë, duke besuar se përfshirja e tij në listën e kandidatëve për deputetë të Partisë Socialiste në 23 Qershor i shërbente të mirës publike dhe jo interesit personal të Tom Doshit. Për kontributet e Doshit në politikë Rama është shprehur publikisht në një takim që ka patur në komunën Gur i Zi në Shkodër në kuadër të fushatës elektorale për zgjedhjet e 23 Qershorit. “Tom Doshi erdhi në politikë nga biznesi dhe kur hyri në politikë hyri si sipërmarrës dhe paratë i kishte bërë si sipërmarrës dhe në politikë shumë ka dhënë dhe asnjë nuk ka marrë nga pikëpamja financiare, kurse këta hynë në qeveri me një kostum dhe një këmishë dhe sot janë miliarderë.”-ka deklaruar Rama asokohe. Nëse Rama i ka qëndruar këtij parimi edhe gjatë 2 viteve të qeverisjes socialiste, atëherë ndoshta kjo mund të jetë një nga arsyet që Tom Doshi i revoltua dhe kritikoi rëndë qeverinë.
l.m
Rama, kënd fjale me banorët e Shkodrës - Vizion... by mitroleonard
Comments
Rama paska mbajtur nje fjalim
<p>Rama paska mbajtur nje fjalim autobiografik. Hyri ne politike me thonjte e paprere ndersa sot na nderron nga dy kostume nga me te shtrenjtat ne dite. </p>
Add new comment