Arkiv-Lajme

Edhe pse vendimi ende nuk është bërë publik, kandidatura e deputetit Agron Duka po shkon drejt zyrtarizimit si emri i opozitës që do garojë për bashkinë e Durrësit më 21 qershor. Deputeti i Partisë Republikane shfaqi më herët dëshirën për kandidim, por shtoi se priste një konfirmim nga partia kryesore e opozitës, ndërkohë që dega e PD-së Durrës pati disa përplasje për këtë çështje. Burime në PR i thanë gazetës Tema se shumë shpejt do të zyrtarizohet dakordësia për Dukën.

Media po “zien” nga lajmet dhe parashikimet se si do të jetë protesta e paralajmëruar e së enjtes nga opozita. Ka pikëpyetje të shumta nëse do të ketë dhunë apo jo në protestën që udhëhiqet nga kërkesa për dorëheqjen e Ilir Metës nga posti i kryeparlamentarit. Arben Ristani, sekretar i Përgjithshëm i PD-së thotë se gjithcka po organizohet në mënyrë të tillë që të mos ketë asnjë akt dhune apo teprime.   

Ambasadori amerikan në Tiranë, Donald Lu, ka zhvilluar sot paradite një takim me kreun e Komisionit Parlamentar të Ligjeve, Fatmir Xhafa. Askush prej të dyve nuk ka preferuar të komentojë apo të bëjë një deklaratë për temën e bisedës, por duket ambasadori i ri i SHBA-ve po lëviz me sa duket që dekriminalizimi të mos mbetet demagogji dhe retorikë. Dhe procesi duhet thënë se ka nisur.
http://vizionplus.al/donald-lu-takon-fatmir-xhafen/

Mbretëria e Bashkuar ka derdhur së fundmi edhe pagesën e fundit të borxhit të akumuluar për të përballuar shpenzimet e Luftës së Parë Botërore. Bëhet fjalë për pagesën e titujve të borxhit publik të emetuara në vitin 1917, për depozitimin e së cilës ministri i Thesarit ka firmosur këstin e fundit prej 2.4 miliardë eurosh. “Fakti që paguam është provë e besueshmërisë sonë fiskale dhe e faktit që ne i paguajmë gjithnjë të gjitha borxhet tona”, tha ministri George Osborne.

U tha se u rrëzua një diktator, madje u ekzekutua në sytë e mbarë botës, por mesa duket historia e mbuluar shpesh me aureolën e kauzave fisnike është më e thjeshtë. Është fjala për likujdimin e Mohamer Gedafiy, liderit libian, rënia e të cilit, njësoj si në Irak, përmes ekzekutimit, hapi siparin e destabilizimit përmanent. Në rastin e Gedafit, teza se pas vrasjes së tij qëndron frika e ish-presidentit francez, Nikolas Sarkozy, përforcohet këto ditë nga debati që ka shpërthyer në media.

Vijon të zgjerohet rrethi i personave që prokuroria i thërret për të dëshmuar atë që dinë lidhur me çështjen ‘Doshi”. Pas Berishës, radhën sot për të dëshmuar e ka pasur edhe kunati i tij, Agim Rama, i cili sipas burimeve nga Prokuroria për Krimet e Rënda është paraqitur rreth orës 19:00 para hetuesve. Emri i Agim Ramës ka dalë nga rezymeja që ministri i Brendshëm Tahiri bëri publikisht mbi çështjen “Doshi”, por edhe nga kreu i Kuvendit Ilir Meta, sipas të cilit si personi për të cilin Doshi pretendonte fillimisht se kërkonte eliminimin e tij, iste pikërisht kunati i Sali Berishës.

Rama ka thirrur për një takim, i dyti brenda një jave, kryeprokurorin e përgjithshëm Adriatik Llalla. Temë e diskutimit mendohet se ka qenë çështja “Tomë Doshi”, e cila është vënë në qendër të vëmendjes së opinionit publik. Pas zhvillimeve të reja, bie çdo orë që kalon teza e Doshit për një skenar real vrasjeje ndaj tij.

PD-ja ka lajmëruar se ditën e enjte do të zhvillojë një protestë, që zuri fill nga akuzat publike të deputetit Tom Doshi se atë ishin përpjekur ta vrasin njerëz të pororsitur nga kreu i Kuvendit, Ilir Meta. Ndonëse, përfaqësia e SHBA në Tiranë, partneri dhe mbikëqyrësi i politikës shqiptare përshëndeti përjashtimin e Doshit, ndërkohë ëe ambasadori Lu, ka takuar deri më tani dy ministra të LSI-së dhe kreun e saj, PD-ja duket e vendosur që ta realizojë dekriminalizimin me një proces transferimi te LSI.

Ka pasur së fundi protesta të vazhdueshme për punimet ndërtuese pranë digës së Liqenit Artificial të Tiranës. Por Inspektoriati Kombëtar i Mbrojtjes së Territorit (IKMT, ish INUK) ka ndërprerë punimet. Në arsyetimin e vendimit thuhet se projekti për ndërtimin e kompleksit të 5 pallateve deri në 20 kate ka probleme në dokumentacion pasi nuk është botuar pjesa ilustruese e objektit, dhe ndërtimi në këtë zonë është në kundërshtim me ligjin për planifikimin e territorit. Kjo është hera e dytë që ndërpriten punimet në ndërtimin e këtij objekti.

Ministri i Brendshëm, Sajmir Tahiri nuk ka preferuar të komentojë akuzat për takimet me Durim Bamin në zyrën e tij, duke kërkuar nga Prokuroria të mbyllë sa më shpejt hetimet për çështjen Doshi. Gjatë inaugurimit të  Zyrës së Shërbimit Unik për Qytetarët në Komisariatin nr. 1 në Tiranë, Tahiri i qëndroi idesë se gjithçka është një skenar i sajuar.